بقلم: ميامن أحمد
" بعد مرور أربعة سنة "
قريب لي العصر كنتا واقفة في المطبخ شغالة بطبخ وبعمل في كعك وسامعة دق الدلوكة وأصوات البنات وهما بغنو، وفي ناس تانية شغالة وجايطة وجيب دا وودي دة، جات داخلة خالتو أسراء " أم منعم " وقالت لي ما خلصتي يا بتي! عشان تمشي تغني مع البنات من الصباح شغالة وما قعدتي قلت ليها لسه والله فضل لي شوية عايزة أسكرو أصلا بكرة العرس وما ح نلقى فرصة نعمل ليهو السكر فقلت أعملو هسي قالت لي طيب خليني أنا بتمو إنتي أمشي قلت ليها بس قالت لي ما بس ولا حاجة أمشي البنات كلهم بدقن في الدلوكة ماف داعي تشتغلي أكتر من كدة قلت ليها سمح أخدتي حبة الضغط حقتك ولا نسيتيها كالعادة! قالت لي لالا الليلة اخدتها قلت ليها يبدو أنو هرشة أمبارح جابت نفع قالت لي مش بالله😂💔جيت بوستها في راسها وقلت ليها دي عشان بلعتي الحبة في وقتها قالت لي حبييبتي تسلمي قلت ليها الله يسلمك ويخليك لينا قالت لي أمين يا رب، غسلت يديني وشلت تلفوني الكان مختوت جنبي في الطربيزة وطلعت برة وأنتبهت لي أنو في مكالمات منو قلت الليلة ح يشاكلني ويسمعني وسخ أضنيني لاني ما رديت، بسرعة رجعت ليهو قفل الخط في وشي ورجع هو، قلت ليهو هااي هاااي أكيد أشتقت لي قال لي بصوت عالي جادعة تلفونك دة وين مش مية مرة قلت ليك خليهو قريب منك إنتي لي ما بتسمعي الكلام ودايرة تجنيني! قلت ليهو براحة يااخ وبعدين كان جبني بس سايلنت قال لي المرة الجاية ما تخليهو سايلنت عشان ما نختلف قلت ليهو تمام تمام قال لي ما تمشيني سااي قلت ليهو عاين خلينا من دة انت ما ناااوي ترجع! كفاية خلاص أربعة سنين وما شفناك معقولة ما أشتقت لي! قال لي اشتقت ليك شدددديد بس عارفني ما بقدر أسيب الشغل وأجي قلت ليهو حتى عرس أختك ما عايز تحضرو! قال لي ما بي يدي والله قلت ليهو لو عايز تجي ح تجي لكن أنا ما عارفة انت ليه مصر تقعد هناك براحتك يزول ما تجي وقفلت الخط في وشو من الزعل والغيظ...
اليوم مرت أربعة سنين من منعم سافر وتاني ما جا راجع خالص حتى ما كان بياخد إجازة ويجي بس بفضل شغال هناك وقدر ما أتكلمت معاهو عشان يرجع كان بيقول لي لسة بدري أنا عندي حاجة في بالي لازم أعملها بعدين بجي وأنا لي الان منتظراهو يشرف، في الاربعة سنين دي مازن أخوي وننو عرسو بعض وعندهم ميامن أو على قول ننو يامن الصغيرة، أي مسمناها علي🙈❤️طبعا عرسو بعد ما أمي بقت صحبة ننو ومن يوم شالت منها رقمها داك بقو صحبات وحتى أنو ننو كانت بتجيها في بيتنا ويقعدو يتونسو بالساعات، وبراءة وعمر كمان عرسو وفي عرسهم دا أنا عملت جنس عمايل لانهم الاتنين أصحابي شدددديد، وعمر كنت واقفة معاهو وكل التحضيرات كانت واقعة علي لاني زي أختو وكان لازم أرتب وأختار ليهو أي حاجة❤️والاء ورزان وأفاق برضهم عرسو وكلهم بي شفعهم، ريان ولدت وجابت تؤام بت وولد❤️أما رغد فعرسها بكرة من لؤي طبعا دا بعد ما أتخرجت وعملت الماستر وياداب حتى فضت وقالت عاوزة العرس يتم، ونحنا حاليا بنجهز ليهو وقاعدين في بيت ناس أبو منعم والعرس فيهو، يلا أبو منعم قبل سنتين قبضوة في عمل غير قانوني وخسر قروشو كلها وما فضل ليهو الا البيت دا لانو بي أسمو وحتى أنو جاهو مرض تعبو شددديد وبسبو تاب وأعتزر من ناس رغد وخالتو أسراء ومنعم وهما سامحوه وعفو عنو بعد محاولات كتتيرة ألا منعم لي الليلة زعلان منو وما بتكلم معاهو، وأيام فترة مرضو كان جنبو وكان برسل لينا تكاليف علاجو وبصرف عليه بس بي الرغم من دة كلو الا أنو ما بتكلم معاه خالص، وتاني أبوهم بعد بقى كويس فتش شغل محترم وأشتغل فيهو وناس خالتو ورغد عايشين جنبو وهو بعوض فيهم عن كل الألم السببو ليهم، وأنا كنت بقعد وببيت معاهم أكتر من أقعد وأبيت عند أهلي❤️.....
