كنت قاعد في المكتب وشغال بحسب في الحسابات وفي كمية الاسبيرات الجبناها وكدة فجاة شفت حسن واقف جنب عربية مفروض نعمل ليها صيانة وشغال يمش ويجي وشكلو متوتر طلعت ومشيت ليهو، يلا حسن دة واحد صاحبنا أنا وعلي شدددديد وزول خوة فجبتو يشتغل معااي لانو وضعو صعب شويتين، وصلتو وقلت ليهو حسن مالك! قال لي ماف شي قلت ليهو كيف ماف شي وأنت متوتر كدة قال لي والله عندي موضوع شغال بالي فعشان كدة قلت ليهو ان شاء الله عافية بس! قال لي لالا الحمد لله ما تخاف، اتكلمت معاهو شوية وبعدها رجعت المكتب، كنت حاسس أنو تصرفاتو دي ما طبيعية وكانو ده ما حسن الأنا بعرفو، وبرضو لأحظت ليها في بقية الايام بقى إنسان غريب خالص وكل ما تجينا عربية محتاجة لي صيانة هو بكون في حالة قلق وتوتر وما بهداً ألا تتحرك من عندنا، في قلبي قلت يمكن يكون بخاف ما يشتغل صاح أو شغلو ما يرضى الزبون وكدة، بس طلع في حاجة تانية أنا ما كنت منتبه ليها.....
______________________
كنا في الجامعة وخلصنا محاضرات بدري قامت ريان قالت لينا هيي ها قلت ليها أهليين في شنو! قالت لينا ورح معاي بيتي قلت ليها علي ما قاعد؟! قالت لي لالا سافر قبيل الصباح مع أمو وأبوه قالو عندهم وفاء وأنا ما قدرت أمش معاهم بسبب الجامعة وعلي قال لي أمش بيت ناس أمي بس أنا تعبانة شددديد وما بقدر على مشوار ناس أمي أخير لي بيتي قريب من هنا فقلت أسوقكم معااي قلت ليها طيب بنمش معاك ما ورانا شي وأنا كمان منعم بيجي متاخر شوية يعني لي بعدين بكون طلعت قالت لي ييي💃❤️وباقي البنات كمان وافقو ومشينا معاها بيتها، قضينا وقت حلوو شدديد في بيتها جبنا أندومي وعملناها وأتهبالنا ونحنا بناكل فيها حركات الصحبات ديكك🤣💔أها قريب لي المغرب كدة قلنا ليها بعد دا حنمشي قالت لينا يخس عليكم واحد فيكم تبيت معاي على الأقل معقولة تخلوني براي😭! الاء قالت ليها يا ريت والله بس أنا أبوي ما ح يوافق، براءة قالت ليها نفس الشي والله لكن خلي ميامن تبيت معاك هي عندها راجل وممكن تستاذنو ويخليها تبيت معاك نحنا مافيش طريقة🤣✅قلت ليها منعم ما أعتقد يوافق، ريان قالت لي انتي كدي أتكلمي معاهو أول ووريهو ولو ما رضى أنا عادي بضرب لي علي يكلمو قلت ليها قولتك كدة! قالت لي أييي قلت ليها انا أصلا عاوز أبييت معاك لكن خايفة من ردة فعل منعم قالت لي بإذن الله ح يوافق كلميهو قلت ليها سمح، البنات فاتو وخلونا على كدة وأنا شلت تلفوني ورنيت في رقم منعم ردا لي من تالت جرس، قال لي ميامن يا ميامن❤️قلت ليهو حياتي كيفك! قال لي كويس الحمد لله قلت ليهو أنا في بيت ريان لأنو علي سافر وهي براها فمشينا معاها أنا والبنات قبيل من الجامعة قال لي إيوة علي كلمني أمبارح أنو مسافر لأن عندهم وفاة لكن انا ما فهمت انتي هسي عايزاني أجي أجيبك لانك ما بتعرفي المواصلات ولا كيف؟! قلت ليهو لالا يااخ المواصلات بعرفها قال لي طيب! قلت ليهو أنا ضربت عشان أقول ليك انو عاوزة أبييت معاها قال لي شنووو يا عسلاية! قلت ليهو ما سمعت قلت ليك ح أبييت معاها قال لي ميامن بدون كلام كتتتير أجهزي أنا ح أجي أسوقك قلت ليهو لكن هي كدة ح تبيت براها قال لي خليها تجي معاك قلت ليهو بس أنا ما عايزة أقيدها أنت فاهم معاي! أحسن ليها بيتها وبعدين الليلة هي تعبانة شددديد وشكلها عيانة ما بقدر أخليها تمشي معانا بالمواصلات بي تعبها دا وغير دا هي أول مرة تطلب مني حاجة فبليز أرضى يا منعم😔❤️قال لي ميامن حاولي أفهميني ما بقدر أخليكم تبيتو الاتنين براكم في البيت بدون راجل هسي كان جاكم حرامي حتقولو يا منو! ودا غير بالي الحيفضل مشغول عليك طول الليل وما ح أقدر أنوم وانا مرتاح قلت ليهو طيب ما تجي تحرسنا وتبيت معانا قال لي يمكن ريان ما ترضى قلت ليهو دقيقه، زحيت التلفون مني شوية وقلت ليها ريان عندك مانع إذا منعم جا حرسنا وبات معانا؟! قالت لي لالا م اعندي مانع قلت ليها يعني يجي؟! قالت لي أيوة عادي، رجعت كلمتو وقلت ليهو أنها موافقة قال لي متاكدة ما ح تتضايق من جودي قلت ليهو أيي قال لي طيب بكلم علي وبجي بعدين قريب الساعة 9م كدة قلت ليهو تمام، قفلت منو وقلت لي ريان قال بيجي الساعة تسعة قالت لي سمح، قعدنا نتونس ونأخد وندى في المواضيع كدة فجاة خت يدها في خشمها وقالت لي حاسة نفسي حأستفرغ، وجرت بسرعه الحمام أنا ما كنت فاهمة شي بس مشيت لحقتها قلت ليها ريان إنتي كويسة! ما ردت لي، الا بعد مسافهه جات طالعة قلت ليها مالك! قالت لي ما عارفة فجاة حسيت نفسي عاوز أستفرغ قلت ليها أي أساسا إنتي الليلة ما على بعضك قالت لي تعبانة شددديد ومهبطة وحاسة بدوخة، سكت مسافهه وقلت ليها أممممم بتمنى يكون الفي بالي صاح🙊❤️قالت لي حتى أنا فكرت في نفس الفكرتي فيهو يا عسل🤣✅قلت ليها شاكة يعني! قالت لي رايك شنو نتأكد؟! قلت ليها جنبكم هنا في صيدلية قريبة قالت لي الا في الظلط لكن قريب ما بعيد قلت ليها طيب أرح، أنا أساسا ما كان غيرت ملابسي حقت الجامعة فمشيت بيهم وريان لبست توب، مشينا جبنا أتنين من شريط فحص الحمل وجينا، فصحنا الاول طلع إيجابي قالت لي أهم شي نبرد ونجرب التاني😂😭💔قلت ليها جربي سريييع يلا، جربتو والتاني برضو طلع ايجابي، قلت ليها وااي يا ريان إنتي حامل بالجد❤️قالت لي وااي شدددديد😭😭❤️حضنتها وقعدنا نطط قلت ليها مبروووك ياااخي ربنا يتتمم حملك على خير قالت لي أمين حبيييتي وعقبالك قلت ليها مع أنو لسة بدري على الموضوع ده بس أمين🙊🙋🏻♀️قعدت تضحك وقالت لي والله انتي😂↗️، ياااخي شدة ما كنا فرحانين بي الخبر دا لمن قربنا نعمل حفلة، ريان قالت لي ما ح أكلم علي الا لمن أمش المستشفى وأتاكد قلت ليها بكون أحسن عشان بعد مرات الشريط ما بوريك الحقيقه قالت لي بالظبط كدة، ريان رقدت في السرير وأنا مشيت المطبخ عملت ليها عصير وقطعت ليها فواكهة عشان السكر يشيل منها الهبوط وجيت أديتهم ليها، وقلت ليها أنا ماشة أستحمى على بال ما إنتي تخلصي أكل فأديني حاجة أغير بيها قالت لي شيلي من الدولاب هداك ليهو، شلت لي قميص ومشيت أستحميت وجيت طالعة لقيت ريان لابسة توبها قلت ليها خير ماشة وين؟! قالت لي ما ماشة محل بس الباب حق الشارع ضرب وطلعتا أفتحو طلع ده عبدالمنعم وهسي قاعد في الصالة قلت ليها أها قالت لي أمشي سلمي عليهو وفي أكل في التلاجة طلعي وسخني ليهو لانو بكون جاي تعبان وجعان قلت ليها طيب أديني التوب قالت لي أجيي ده راجلك على فكرة أنا لبست التوب عشان ما صاح اقعد قدامو ساي إما إنتي مالك حاسة بشنو حبيبيباة دايرة تلبسي التوب🤣💔!قلت ليها خلاص أسكتي قالت لي ما يكون لسه بتخجلي منو🙊! قلت ليها نووو بس ما عارفة حاسة القميص دة قصير شددديد قالت لي عادي يعني راجلك يا هبلة قلت ليها عارفة بس ما متعودة ألبس قدامو قصير لي الدرجة دي🙋🏻♀️🤣💔قالت لي شنو شنو! قعلت منها التوب وقلت ليها ريان أختيني عليك الله🙇♀️💔وطلعت بسرعة عشان أتفادى أسالتها لبست التوب ومشيت لقيت منعم بصلي في العشاء أنتظرتو لمن خلص، قال لي يا هلاً قلت ليهو أهليين قلت ليهو جعان أخت ليك اكل! قال لي يا ريت يااخ أنا جعان شديدد قلت ليهو حاضر من عيوني هسي أسخنو ليك، مشيت المطبخ طلعت الاكل من التلاجة وبديت أسخن فيه كدة منعم جا وراي وقعد في كرسي الصفرة وقال لي شايفك مبسوطة ووشك منور قلت ليهو أيوة لانو اليوم كان حلو جداً مع البنات قال لي أن شاء الله دايما في حالة بسط قلت ليهو أمين يا رب، وأنا بطبخ كدة حسيت بيهو وهو بجرني من خصري وبقربني منو، كنت قريبة منو شدديد لدرجة بقى ماف بينا مسافهه خالص❤️قال لي لو تعملي أني أشتقت ليكك وفقدتك جداً الليله قلت ليهو أنا أكتر والله، كان عاوز يوسني في خدي كدة قلت ليهو منعم لا كدة عيب نحنا في بيت الناس ما بيتنا وممكن ريان تجي في أي لحظة🙊🤣💔 قال لي خليها تجي ما شغال بيها كتتير قلت ليهو يا ولد فكني🙇♀️❤️قال لي ما حأفكك، بقيت بحاول أتفكا منو بس هو ما راضي يفكني خالص آخر حاجة لمن قلت ليهو منعم الاكل ح يحرق خليني أطفيهو ياااخ، حتى يا الله فكاني ختيت ليهو الاكل وقعدتا براقب فيهو وهو بياكل لمن أنتهى، قلت ليهو يلا بعد أنا كدة ماشة أنوم قال لي نوم العوافي حبييبي أنا قلت ليهو الله يعافيك❤️، رجعت الغرفة لقيت ريان نايمة طوالي نمت معاها....
صحيت الصباح بصوت ريان وهي بتصحي فيني، قالت لي ميامن يا بت قومي قلت ليها خليني أنوم شوية قالت لي لالا قومي الوقت أتأخر وراجلك لسة ما صحى أمشي صحيهو وخلي يجهز عشان ما يتاخر على شغلو قلت لبها أممم قالت لي ميامن قومي يااخ، وقومتني على حيليلي وقالت لي سريعع خشي الحمام وأمشي ناديهو أنا حأكون جهزت الشاي الوقت داك قلت ليها طيب، وعملت زي ما هي قالت أول شي خشيت الحمام وبعدها مشيت صحيت منعم وكالعادة كان لازم يعمل حركاتو وهبالاتو🤣✅ المهم بعد ما صحى شرب الشاي بتاعو وطلع ونحنا كمان طلعنا وراهو ومشينا الجامعة أخدنا محاضراتنا وتاني مشينا المستشفى عشان ريان تفحص وبالفعل كانت حامل❤️....
في يوم بالصباح كدا كنت واقفة في برة الحوش وبسقي في الورد والزرع ومنعم نايم جوا، فجاة جاني وهو مفزوع وما عارف رجلو من يدو وكان مستعجل شديد وبفتش لي المحفظة حقتو، قلت ليهو منعم بسمم الله مالك في شنو؟! قال لي ما عارف والله الحاصل شنو بالظبط بس هسس ضرب لي واحد شغال معانا في الورشة وقال لي أنو في راجل صلحنا ليهو عربيتو قبل أسبوعين كدة وعمل حادث ومشى أشتكا لانو الحادث كان بسبب التصليح الحصل في ورشتنا وهسي هو هناك ومعاهو الشرطة💔....
___________
_ومن حين إلى آخر، يجب إعلان الألم علينا يجب التنهد بصوت مسموع💔✅.
أشوفكم❤️.
