لحدي ما رجعنا البيت ورغد كانت لسه بتبكي من الفرح، تقريبا طلعت أي دمعة كانت حابساها جواها كل السنين الفاتت دي، ومنعم برضو كان مبسوط شددديد لانو أختو وأخير أتخلصت من العذاب اللي هي كانت عايشة فيهو، منعم طلع يوصل أبوي وأنا فضلت بتكلم معاها وبهدى فيها، قالت لي ما قادرة أصدق لحدي اللحظة دي أنو عذابي والكابوس اللي كنت عايشاهو خلاص أنتهى وإني وأخير ح أتنفس زي باقي الخلق😭❤️قلت ليها ربنا ما بيظلم زول وأكيد كان حيجبر بخاطرك في يوم من الايام وأهو هسي أتجبرتي الحمد لله قالت لي ونعمة بالله بس قلت ليها حأتكوني أول واحدة تفرح بي طلاقها قالت لي وكمان أول واحدة ح تحتفل بيهو🤣✅قلت ليها حفلة عديل كدة😹! قالت لي ح نعمل زلابية ناكلها كرامة لي طلاقي ونشغل أغاني🤣💔قلت ليها رغد انتي عاااسل والله العظيم قالت لي حبييتي إنتي العسل😹❤️قلت ليها تسلمي، مشينا المطبخ وعجنا العجين وانتظرناهو لمن خمر وبدينا نعملها، أها أثناء ما نحنا بنعمل في الزلابية كدة فجاة نطتت وقالت لي هيي نسيت أكلم لؤي بقصة الطلاق وااي لو عرف حيفرح شددديد قلت ليها أي أمشي كلميهو لكن قبل ده عندي سؤال عادي أسالك ليهو! قالت لي أسالي ساي يا بت قلت ليها إنتي ما حصل مرة جاتك أفكار أو فكرتي أنو لو أتزوجتي لؤي ده مثلا بعد ما تتطلقي من عثمان ثقتو فيك حتقل! قالت لي ليييه تقل ما فاهماك! قلت ليها يعني إنتي مش كنتي متزوجة عثمان بس رغم ده بتتكلمي مع لؤي يعني هو ممكن بعدين يقول أنك حتخونيهو زي ما خنتي عثمان معاهو فهمتيني! قالت لي إيوة فهتمك وحتى أنا فكرت في الحاجة دي وحاولت كتتير أفصلها منو بس ما قدرت كل ما تحصل لي حاجة بتلقيني ضربت ليهو وهو دايماً كان بخت العذر لي تصرفاتي ودايماً بسمعني وبوقف معاي ما حصل يوم أحتجو وما لقيتو جنبي، لسه بتذكر أني لمن سالتو من الموضوع ده زاتو وقلت ليهو لؤي نحنا لو جا يوم وأتزوجنا أنت هتفضل تحبني بنفس الحب الهسي! وثقتك فيني حتفضل زي ما هي! وقتها قال لي أولا باذن الله أكيد ح نتزوج لانو أنا ح أحاول بي أي طريقة أطلقك منو وثانيا أكيد ح أفضل أحبك لحدي أخر نفس أنا بتنفسو وثقتي فيك عمرها ما حتتهزاً ولا ح تقل بس إنتي ليييه بتسالي! قلت ليهو عشان قلت يمكن تفكر زي ما أنا خنت عثمان معاك ح أخونك بعدين قال لي رغد الوضع بعدين حيكون غير لاني عارف انتي لي هسي بتتكلمي معاي وانتي متزوجة علشان مغصوبة عليهو وعلشان زواجكم شبة أو بي الاصح فشل تماماً وانتو أكيد ما حتسمترو فيهو كتتير طالما هو بعاملك كدة وبعاملك بطريقة الضرب دي، ولمن نتزوج إنتي ما حتخونيني لانك حتكوني مع الزول بتحبيهو والعايزاهو وراضية أنك تتزوجيهو وتكملي معاهو حياتك وأنا متاكد من الحاجة دي ولاني أصلا ما ح أسمح لي زول يدخل حياتك بعديني وحأكون سادي مكانتي وخانتي وح أحببك فيني وما أخليك تعايني لغيري عندك على عكس عثمان هو هسي سامح لي أي يدخل حياتك وما محببك فيهو ولا شغال بيك، عارفة يا ميامن أنا كم مرة فكرت وقلت أنو البعمل فيهو دة غلط وما برضي ربنا لاني في النهاية متزوجة رغم وضع زوجنا شنو! بس الخيانة ما صاح وإستغفرت كتتتير ودعيت ربنا يغفر لي وحاولت أتقلم مع عثمان واتقبلو وأرضى بقسمة ربنا لكن هو ما أداني غير الاهانة والعذاب والموت كان أهون لي من العيشة معاه وأكيد انا كإنسانة ما ح أقدر أستحمل كل دة وحأزهج في النهاية لاني ما حأكون مرتاحة ومبسوطة واكيد حأفتش لي الحاجة الحتسعدني وأنا لحظتها كنت عارفة أنو سعادتي لؤي، لؤي وبس، وفي نفس الوقت ما كنت قادرة أسيطر علي مشاعري بقولو أنو النفس تميل لمن يهتم بها ويدلالها فبس أنا لقيت الدلال والاهتمام والحب والحنينة مع لؤي، كان متهمي بي شدددديد على عكس عثمان اللي هو مفروض أكون أنا عندو أول اهماماتو وأولياتو بس لو تصدقي ما حصل مرة أستخسر نفسو وقال لي رغد كيفك أن شاء الله كويسه! طب ناقصك شي! زواجنا كان عبارة عن زواج على ورق لا فيهو أحترام ولا تعاون بس ضرب وذلة وأهانة💔أنا اتعذبت شددديد وطاقتي خلصت وأستهلكت في سبيل أنو الزواج دا يتصلح بس في الاخير فقدت الامل وعرفت أنو عمرو ما حيتصلح وحيبقى زي زواج أمي وأبوي💔وعشان كدة لجئتأ لي لؤي، أحيانا يا ميامن الحياة بتوقف ضددنا في مطبات كتتيرة وبتخلينا نعمل حاجات غصب عننا وما لينا فيها دخل زي علاقتي بي لؤي، مهمها حاولت أبعد عنو وأقول أنو البعمل فيهو غلط وما صاح كنت بلقى رجليني بودوني تجااهو لاني بلقى الراحة في كلامو معاي، لمجرد ما أسمع صوتو بطمئن وبنسى كل وجعو أنا عشتو مع عثمان، بيزيل كل سوء فيني وبقى قريب مني لي الدرجة دي وكل ما هو ماشي يقرب أكتر، بعدين حتى ولو عثمان عرف بعلاقتي مع لؤي في نص زواجنا ما كان اعترض أو فرق معاهو الموضوع كتتير لأنو كان بيقول لي أنا اتزوجتك عشان أطلع غضبي فيك وبس💔قلت ليها أنا فخورة بيك شددديد وفخورة لانك أتحملتي كل دة ومبسوطة جداً لانو كل وجعك أتداوى قالت لي حبييبي والله قلت ليها الكلام جرا وشغلتك معليش قالت لي عادي يا بت+أمشي اكلمو وارجع ليك قلت ليها طيب❤️...
