أثناء ما نحنا بنشرب في الشاي كدة منعم قال لي كان نفسي أقضي معاك باقي اليوم لكن للاسف متضر أمش أشتغل قلت ليهو ما مشكلة أنا عارفة أنو لو ما كان مهم ما كان مشيت قال لي فديتو حبيييبي العاقل قلت ليهو أحم أحم، المهم بعد شربنا الشاي هو قام غير ملابسو وجا قال لي أنا طالع بعد دا قلت ليهو بتجي الساعه كم؟! قال لي قريب المغرب كدة قلت ليهو أيييكك بتجي متاخر يعني أنا ح أنتظرك كل المدة دي! قال لي معليش يا قلبي بس نعمل شنو الشغل وهيكك قلت ليهو عادي أصلا قال لي ما تزعلي ح أحاول أجي بدري عشانك قلت ليهو ما زعلانة أنا قال لي أي أي باين أنك ما زعلانة لكن بعدين أنا بعرف أراضيك كيف هسي مستعجل😉❤️قلت ليهو ماشي نشوف لبعدين قال لي يلا في أمان الله قلت ليهو يلا، باسني في راسي ومشى..
لمن فات منعم ما كان عندي موضوع فمشيت الغرفة رتبت ملابسي في الدولاب وختيت مكياجاتي في الدرج الفوقو مرايا، وعملت تغير بسيط لترتيب الغرفه وأتفرجت على البيت كلو ، قريب لي أذان الظهر كدة الباب ضرب في الاول خفت أفتحتو بس تاني ضرب شددديد قلت أتوكل وأشوف دة منو، لبست توبي ومشيت فتحتو لقيتها دي بت كانت لابسة توب وباين أنها معرسة، قالت لي السلام عليكم قلت ليها وعليكم السلام قال لي معليش جيت في الوقت دة قلت ليها م مشكلة قالت لي قبييل الصباح لاقاني عبدالمنعم ووراني أنو عرس وجابك هنا وقال لي أجي أقعد معاك شوية عشان ما تقعدي براك قلت ليها أها أهلين فيك أتفضلي، دخلنا جوا ضيفتها وقعدنا وهي بقت بتتكلم وبتعرفني عن نفسها وقالت لي أنا جيرانكم ال بي الحيطة ديل وأسمي رهف كنا بنجي طوالي لي المرحوم جدو إسماعيل وصادفنا عبدالمنعم هنا كم مرة وبعدها عرفناهو قلت ليها أيواا+أنا ميامن أتشرفنا والله قالت لي عظيم الشرف، بقينا ندردش وعرفت أنها متزوجة وحامل حاليا قلت ليها مبرووك يااخي ربنا يحلك بالسلامة قالت لي أميين يا رب وعقبالك كدة قلت ليها اللهم أميين❤️ونستني ونسة وطلعت ظريفة خالص، لمن جات دايرة تمش قلت ليها عليك الله تاني تعالي لي كل ما تلقي فرصة قالت لي أن شاء الله بس إنتي كمان أظهري علينا قلت ليها حاضر قالت لي سمح يلا ودعتها ودخلت...
______________________
كنا قاعدين في الصالة أنا وأمي بنقطع في سلطة وأبوي بقلب في التلفزيون ونحنا كالعادة ساكتين قدامو وما قادرين نفتح خشمنا أو نتكلم، فجاة في نص قعدتنا ديك الجرس رن مشيت فتحتو وكانت الصدمة لمن شفت عثمان راجلي واقف في الباب، عاين لي بنظرات كدة بيعرفها براهو وقال لي شنو يعني ما بتجي إلا انا أجي أجيبك أصبري لي عقابك عندي يا عسل قلت ليهو ك..ك..كنت جاية قال لي بتكذبي علي أنا! وده غير أنو سمعت أنك عايزة تتطلقي مني قلت ليهو أنا.. قال لي المهم أتاكدي أنو إنتي الليله حترجعي معاي وأنا ح أوريك الطلاق الجد بيكون كيف!، صراحة أتوترت وبقيت خايفة لانو عارفة نظراتو دي ما لي خيرر، دخل جوا وأنا قفلت الباب بالعافية من الخوف ودخلت، أبوي وقف سلم عليهو وأمي من شافتو ملامح وشها أتغيرت، أبوي قال لي يا بت جيبي لي راجلك حاجة باردة يشربها، في قلبي قلت يشرب السم بركة الله، مشيت جبت ليهو عصير أديتو ليهو وقعدت، هو طوالي قال لي أبوي طبعا الزولة دي طولت عندكم وأنا الليلة قلت أجي أرجعها قلت ليهو بس أنا ما راجعة معاك أنا قاعدة هنا مع أمي، أبوي قال لي قفلي خشمك دة وما على كيفك حترجعي معاهو غصب عن عينك قلت ليهو بس يا أبوي انا كلمتك وقلت ليك عايزة اتطلق أنا ما قادرة أستحملو والله😭💔قال لي بنهرة كدة، يا بت أسكتي طلاق شنو كمان! مش أتكلمنا في الموضوع دة وقلت ليك طلاق مافي! دة راجلك ولو قتلك ما مشكلة المهم تسمعي كلامو، أمي قالت ليهو بس يا محمد ما ممكن البتعمل فيهو دة كدة غلط والله، أبوي قام من حتتو وجا أدى أمي كف بي أقوى ما عندو وقال ليها تقولي لي البعمل فيهو غلط! لا دقيقه إنتي منو عشان جاية تنصحيني! بعدين تعاندي كلامي أنا يا وسخة ودايرة بتك تتطلق رغم انك عارفة الكلام ده ما حيحصل والبت حترجع م راجلها، أمي سكتت وما ردت عليهو لانها عارفة لو ردت المشكلة حتكبر وهي الحتتاذئ في الاخير، أبوي اتفلت لي عثمان وقال ليهو يلا سوقها وخارجها لي من هنا وقبل علي وقال لي تاني ما تجي البيت دة خالص مش ولو داقك لو قتلك زاتو م تجيني هنا قلت ليهو لا ما حأمشي واسيب أمي براها😭💔عثمان جا جراني من شعري وقال لي لا حتمشي يا شاطرة وغصب عنك، بقى جراني بالأرض وأنا بس بكورك لي أمي وشغالة ليهو خليني مع أمي، والمشكلة أمي ما قادرة تعمل حاجة حتى ما قادرة تضرب لمنعم عشان يجينا💔عثمان جراني لحدي العريية بي بجامتي وحتى ما راعى لي فكرة أنو يخليني البس توب أو حاجة أتغطى بيها، كان سايق بسرعه وشغال يرمي لي في الكلام وبقول في الفاظ أنا بعجز أفكر فيها، وصلنا البيت وتاني نزلني بنفس الطريقة وكان ماسكني من شعري بقوة لحدى ما رامني في الارض بتاعت الغرفة وطلع القاش بتاعو وجا قال لي تطلبي الطلاق مني أنا يا تييت! شكلك محتاجة تريبة إنتي واحدة قليلة الادب، ووقع فيني ضرب وما وقف الا لمن تعب وخلى لي جسمي كلو عبارة عن جروح وعلامات خضراء، أخر حاجة تف بس في وشي وقال لي مرقة من البيت دة تاني مافي ولو مرقتي حأقتلك وأنتهى منك وطلع، ضميت رجولي علي وبقيت ببكى وأقول لمتين العذاب ده حيستمر يا رب! لمتييين أنا حأفضل أتظلم كدة💔!كنت ببكي وبلعن في حظي الزفت، بعد هديت شوية كان عندي تلفون صغير داسهو في البيت دة وخاتة معاهو شريحة جديدة، جريت بسرعة شلتو كان عندي فيهو رقم منعم فضربت فيهو كم مرة بس ما رد، برضو كنت حافظة رقم لؤي فاتصلت عليهو .. لؤي دة نفسو الولد الأنا بحبو بس أبوي جبرني أسيبو وأتزوج عثمان، أنا أصلا كنت على تواصل معاهو وما قطعت علاقتي بيهو حتى بعد أتزوجت، أيوة بخون عثمان ومعترفة بالحاجة دي عشان أنا ما بحبوو من الاساس وعمري ما حبيت زول غير لؤي، الخيانة، الكذب، المشاكل، عدم التفاهمم، عدم الرغبة في الاستمرار، كل الحاجات دي بتجي لمن نكون مغصوبين على الطرف التاني وفي الزواج بالذات .. قلت ليهو لؤي😭💔قال لي رغد مالك في شنو!، حكيت ليهو بالحصل كلو قال لي طيب وريني عنوان البيت أجي أسوقك أنا ما ممكن أخليك مع الحيوان دة قلت ليهو ما بقدر يا لؤي أنا ما عايزة أدخلك في مشاكل وأحسن تفصل بعيدد عن عثمان لانو أنا ما بضمنو قال لي لكن ما ح أقدر اسيبك في الوضع ده قلت ليهو أنت بس كلم لي... قبل ما أتم كلامي كدة سمعت صوت البطارية والتلفون طفى💔والمشكلة اني ما تميت العايزة اقولو وأقول ليه كلم منعم يجيني، كنت حاسة بي إستياء شددديد يعني الواحدة لمن تزعل من راجلها أو اذا ضربها باللغط سااي بتلم شنطتها وبتقول ماشة بييت أبوها لانو عارفة أنو هو ح يستقبلها وحتكون معززة ومكرمة فيهو أما أنا إذا أنضربت أو زعلت في الحالتين هو ما حيستقبلني الاحساس ده كان صعب شدددديد، أحساس تحس أنو أنت ما عندك سند في الدنيا دي، ما عندك زول حتلجأ ليهو لمن تقفل في وشك، ما عندك أبو زي باقي الابهات، تتمنى لو يجي يوم ويحبك ويتفهمك ويسالك من حالك، إخخ يا رب انا ليييه بتعذب كل العذاب ده، يا رب متتين حتفرج علي وأشوف السعادة💔!!....
