أداني العمة حقتو ومشى🙇🏻♀️، طبعا خلاني في حالة لا يعلم بيها الا الله، لبست العمة سريع سريع وبقت فيني زي التوب ومكلفتة كلفيت أستغفر الله بس من المنظر🤸، ما كنت عاوزة أطلع لاني حرفيا ما حأقدر أخت عيني في عينو بعد الحصل🤦🏻♀️🤸💔 فجأة جاني صوتو وهو بقول لي ما خلصتي لسه؟! قلت ليهو بصوت مرتجف كدة ج..جا..جاية، ما عارفه كيف قدرت أخطي الخطوات ديك واطلع ليهم برة، ما أتكلمو معاي خالص بس طوالي ركبنا العربيه، أنا وريان ورا وهما قدام، وهو بعاين لي بي المرايا ساااي وأنا بطقطق في أصابعيني من اللبشة والتوتر وبنزل في عيوني كل ما هو يعاين لي🤦🏻♀️💔ما صدقتا متين وصلنا البيت جري جريت بدون ما اشكر منعم ولا علي حتى، دخلتا جوا الغرفه لقيت البنات نايمين، ريان جات لاحقاني من جات وقعت فيها ضرب قلت ليها تافهه حقيرة وسخة كيف تخيليهو يجيني وأنتي عارفه أنو أنا لابسه قصير😭😭👊!! قالت لي انا ما كلمتو وقلت ليهو أنك ما جاية عشان لابسه قصير ولا جبت ليهم سيرتك زااتو لاني كنتا ناوية أسلم عليهم بس وأجيك بعد هم يفوتو، لكن هو براهو سال منك وقال لي وين ميامن! قلت ليهم مستنايني في المدخل عشان حنرجع مع بعض بترحال علي قال لي جنيتوو؟! ترجعو بي ترحال ليه ونحنا قاعدين! منعم قال لي ميامن عندها أعتراض عشان أنا معاكم ولا كيف؟! قلت ليهو لالا ما كدة قال لي أها شنو! سكت وما عرفتا أقول ليهو شنو، قام قال لي معانتو كلامي صح دقيقة أنا ح أتافهم معاها ما تخافي، وبس جاك في المدخل وقدر ما وقفتو أبا أعمل شنو تاني أنا! قلت ليها هس أسكتي مني يا زفتا انتي متخيلة انو شافني بالفستان العريان ده! متخيلة منظري! وااي بس أنا تاني حأخت عيني في عينو بعد الحصل كيف😭💔!قالت لي مش منعم ده ما حيكون ركز قلت ليها ما حيكون ركز انننننن أسكتي بلاي😒😭👊، مشيت غيرت ملابسي وجيت طبقت العمة حقت منعم وختيتها مع حاجاتي وأخير حاجة منو وسط حاجاتي❤️ريحتو كانت عالقة فيني بطريقة مبالغة وكاني حضنتو، لا دقيقة أساسا الحصل داك كان شبة حضن🤦🏻♀️❤️يا الله قدرت أنوم من اللخبطة الحصلت لي بسببو وبسبب الموقف المحرج ده...
صحيت الصباح بدري لأنو كان مفروض نمشي انا وبراءه أول عشان نرجع العربيه لي أبوي لانو عندو مشور ضروري وتأني عشان نمشي نشوف المكيب أرتست الح تمكيجنا بكره لي العرس وثالثا عشان لأزم نجيب فساتينا من عند الخياط، أها مشينا ودينا العربيه لي ابوي وبعدها مشينا لي المكيب أرتست وتاني السوق ، طبعا حمنا حوامة في السوق لانو كان ناقصنا حاجات، وغير كدة علي موصيني أجيب ليهو حاجات الجرتق، وانا جايبهم ليهو هدية رغم أن هو كان مصر يديني القروش لكن أنا رفضت وقلت ليهو أعتبرها هدية العرس مني، اها أشتريت ليهو الجلابيه والطاقيه والجزم والهلال والحريرة ومشينا بيت العرس حق ناس علي❤️طبعا كان مزحوم بطريقه مبالغه ومحل تخت فيهو رجلك ماف حرفيا، ضربت لي علي وقلت ليهو أنت وين؟! قال لي أطلعي الطابق التالت قلت ليهو طيب، طلعنا أنا وبراءة لمن وصلنا لقينا في شقة ضربنا الباب كدة فتح لينا علي، قال لينا يا هلا قلت ليهو أهلين قال لينا خشو اتفضلو، دخلنا وكان في جلسه في الصالة قعدنا فيها، قال لينا عشان الجوطة والازعاج الحاصل تحت قلت أجي اقعد هنا أيام العرس قلت ليهو فعلا مفروض تقعد هنا أحسن ليك من تحت✅❤️ أديتو الحاجات، قال لي أن شاء الله ما أكون تعبتك معاي بس؟! قلت ليهو خالص ما فيها تعب قال لي تسلمي قلت ليهو الله يسلمك❤️فجاة ونحنا قاعدين كده تلفونو رنا شالو ورد، إيوة يا منعم.... طيب أنا فوق تعال... تمام يا مان مستنيك، طبعا من جاب سيرتو أنا نططت عيوني وبلعت ريقي قريب الخمسة مرات، يعني حيجي! وااااي ما ح أقدر أعاين ليهو😭🤦🏻♀️💔قلت ليهو المطبخ وين عاوزة اشرب موية قال لي معليش ما ضيفتكم لكن ملخوم شددديد الايامات دي وعقلي ما معااي قلت ليهو لالا ما مشكلة بس وريني المطبخ وين وأنا بجيبها، وصفو لي، مشيت وأخدت مسافهه وأنا بفتش في الكبابي، أها شلت الكباية وبديت أشرب كده كان سمعت زول قال أحمم أحمم، أتفلتا وراي كان ده منعم شايل في يدينو حاجات، أنا ما عارفة كيف جاتني الجراءة وقدرت اقيف قدامو بعد الحصل أمبارح يالله بلعت الموية🤦🏻♀️💔خت الحاجات في الارض وقال لي انا كمان عاوز موية ماف لي؟! وجا ماشي علي وانا قلبي كالعادة يعني بضرب وبشدددة، ومن التوتر أديتو الكباية فاضية ومن بعيدد، قال لي بس أنا عاوز فيها موية شكلك ما حتديني أمممم، مسح بيدو على لحيتو وجا علي، الموية كانت وراي أصلا هي في طاسة، وقف قدامي مباشرة مداً يدو بخصري عشان يكب والمسافه البينا تقل عن الشبر يعني شبة أو بالاصح محاوطني🤦🏻♀️🤸❤️ما عارفة أتفكيت منو كيف! وطوالي كنت عاوزة أطلع كدة وانا تركيزي معاهو ومع الحصل امبارح والحصل هسي كان أضرب ليك رأسي بالحيطة🤸💔 أكتشفت أني كنت ماشة غلط وأنا بعاين ليهو يعني لخبطة عجيبة🤦🏻♀️💔جا جاري علي سريع وهو بقول يا ساااتر، يا سااتر، شافها وقال لي جبهتك دي أتنفخت من الضربة دقيقة بس، مشى جاب تلج من التلاجة وجا بقى قريب مني شددديد وشغال يعمل لي التلج في محل الضربة، وانا بس مركزة معاهو ومع ملامح وشو طبعا أنا قصيرة شددديد قدامو ووشي كان مقاصد لحيتو الكثيفة❤️كنت بعاين ليهو في وشو وشاردة في تفاصيلو وفي نفس اللحظة حسيت بيهو سامع ضربات قلبي الشغالة دلوكة وهو قريب مني لي الدرجة دي🤸❤️قلت ليهو لحيتك بقت كثيفة وشعرك كمان كثيف أحلقهم، سكت ما ردا على، ياااخ أنا زاتي ما عارفه كيف قدرت أنطق الحروف وأقول الكلام ده وهو قريب مني🤦🏻♀️💔وأنا بعاين فيهو كدة فجاة أتذكرت الحصل قبل سنة ودموعي خزلتني ونزلت، طبعا هو أنهجم وأتخلع شددديد لمن شافني ببكي وقال لي ميامن حبييبي بسم الله مالك بتبكي! قلت ليهو أنت واحد كذاب😭👊قال لي ميامن قلت ليهو هسي عامل نفسك خايف علي ودا انت نفسك القبل سنة سبتني اتعذب ومشيت قال لي أنا ا...، ما خليتو يخلص كلامو وقلت ليهو أنت رجعت لي بس وريني! أنا بعد قلت إني خلاص أتجاوزتك ونسيتك وطلعتك من قلبي رجعت تاني ظهرت من جديد ولخبطت حياتي أكتر ما هي ملخبطة، ليه رجعت! ليه!😭💔بقيت بضربو في صدرو بكل قوة وشغالة ليهو أنا بكرهك يا منعم، بكرهك فاهم! وما ح أسمح ليك تدخل حياتي تاني كفاية العذاب الشفتو منك، بكرهكك ياااخي😭👊قال لي حبييبي أهدى وحاول يضمني كده بس أنا دفرتو بي أقوى ما عندي وقلت ليهو خليك بعيددد مني ما تقرب علي خالص، أنت واحد مخادع وكذاب خليك بعيدد😭👊بقيت برجع لورا لحد ما طلعتا برة، بكيت بكى لمن الله غفر لي، بعدها هديت شوية ومشيت فتشت الحمام وبعد تعب حتى لقيتو غسلت وشي رغم أنو دموعي ما كانت راضية توقف، يالله قدرت أسيطر عليهم وأوقفهم عاينت لمكان الضربة ما كانت ظاهرة شددديد فما ركزت معاها، مشيت لي علي وبراءة كانو بتفرجو على الحاجات الجبناها وبراءة بتوري فيهو دي لي شنو وكدة، قلت ليها براءة نحنا أتاخرنا بعد كدا ولازم نمش قالت لي بسم الله صوتك ده مالو مبحوح كده؟! قلت ليها ماف شي بس خلينا نمش من هنا قالت لي طيب، علي قال لي ماشين بشنو! قلت ليهو بنطلب ترحال قال لي معقولة يااخي أصبري، وبقى ينده لي منعم وكل ما يقول أسمو أنا شعر جسمي بقشعرا، منعم قال ليهو أيوة قال ليهو عليك الله وصل ميامن وبراءة ديل في طريقك أنا لو ما كان عندي مشوار كان وصلتهم، قال ليهو لالا عادي يااخ وقال لينا نحنا أنتظروني تحت هسي بجي براءة قالت ليهو طيب، نزلنا تحت وأنتظرناهو جنب العربية وأنا كنت سرحانة بعيد وما عارفة براءة بتتكلم وبتقول في شنو ما كنت معاها خالص، قالت لي يا بت قلت ليها أها قالت لي بتكلم معاك أنا شاردة وين! قلت ليها ما في محل بعدين بحكي ليك قالت لي طيب، منعم جا وهو بلعب بي مفاتيح العريبة يعني بارد كده بشكل ما طبيعي، ركبت أنا ورا وبراءة قدام، طول الطريق هما كانو بتكلمو مع بعض وأنا ساكتة بس مقبلة على الشباك لحد ما وصلنا، نزلنا براءة قالت ليهو شكرا عذبناك معانا قال ليها لالا العفو يااخي تعبك راحة🤸❤️قالت ليهو تسلم ودخلنا جوا، طبعا مشينا بيت ناس رزان لانو ريان ما ينفع تكون في بيت العرس، براءة ورتهم الفساتين وهما قاسوها أما أنا كنت بس قاعدة في السرير وضامة رجليني علي وببكى، البنات كلهم كانو بسألوني في شنو؟! مالك؟! بس أنا ما كنت برد عليهم بقو يحاولو يهدو فيني قلت ليهم ليه رجع تاني ليه😭💔!رزان قالت لي كلو لخير يا ميامن وأكيد ربنا ما حيرجعو لي حياتك تاني الا اذا كان عندو هدف قلت ليها أنا تعبت والله، يعني بعد ما قربت انساهو خلاص رجع تاني قالت لي حتتحلل المشكلة دي انتي بس أهدى، فضلو معاي لحد ما سكت وبقو يحاولو يخلقوا مواضيع وينسوني، ريان فجاة قامت على حيلها وقالت لينا أنتو متخيلين معاي أنو بكرة عرسي؟! أنا مش خايفة أنا متوترة😭❤️قلت ليها سجمك بكرة خلاص حتدبرسي وحتبقي مرة راجل🤣✋قالت لي ميمي ما تخوفيني ياااخ😭💔قلت ليها ما يخوفك زول الا أنا🤣😌🤸قالت لي ما حأشتغل بيك المهم عاوزة يوم بكرة يكون درعة عشان أتذكرو طول العمر قلت ليها وجودنا نحنا فيهو براهو حيخليهو حلو فما بالك راجلك والزول البتحبيهو وهو ماسك يدك بالحلال قدام الناس كلها قالت لي صح حيكون احلى شعور😭❤️✅، بقينا بنتكلم معاها وهي ماشة وجاية فوق راسنا وحلفت أبت تنوم وشغالة لينا عرسي بكرة، واااي عرسي، لمن نحنا نمنا خليناها بطنطن براها🤣💔.....
اليوم التاني اللي هو يوم العرس ريان وبراءة و وافاق فاتو من الصباح الكوافير وخلونا انا ورزان والاء في البيت عشان نشتغل مع خالتو ثويبة " أم ريان "، من الصباح كنا مشغولين شدديد لانو أشرفنا وأتاكدنا أنو كل الناس فطرت وبعدها مشينا رسمنا يدينا وجينا، أها قريب لي أذان الظهر كدة جهزنا صواني العقد، لمن بدأ العقد طوالي ضربت لي ريان عشان تسمعو معانا لانو الجامع العملو فيهو العقد قريب شدديد من بيت ناس ريان❤️ريان كانت بتسمع فيهو وبتبكي بعد خلص الناس دي كلها فكت الزغاريد وأصوات الطلق ما تديك الدرب💃🤸❤️قلت ليها مبروووك يا ريان واخير ادبرستي وخلاص بقيتي مرة راجل😭🤣❤️قالت لي الله يبارك فيك وعقبااالك يا رب قلت ليها اميننن قالت لي ما مصدقة والله يا ميامن وحاسة نفسي في حلم😭❤️قلت ليها لا صدقي إنتي خلاص بقيتي حلالو قالت لي أححي😭❤️+أفصلي أفصلي الخط داخل لي العريس زاتو بمكالمة😌✋قلت ليها بتبعيني من هسي عشانو يا وسخة؟!😒👊قالت لي وأبيعع عشرة زيك يلا أتفكفي وقفلت الخط في وشي، أكلتها في حناني وسكت🤣✋، شوية العريس وأصحابو وامو وأخواتو وبنات خالاتو جو، طبعا كلهم كانو هنا عشان يحضرو العقد، المهم جو يبشرو كدة طوالي بنات خالات علي مسكو الدلوكة وبدو بغنو ونحنا بقينا نشيل معاهم...
يا نسيبتو شن بدوري اديناك عقيد اللولي يا نسيبتو شن بدوري💃👏جبنا ليك الغالي علينا وجبنا ليك عجب عينينا ي نسيبتو شن بدوري💃👏اديناكي الما بتادا وجبنا ليك دهب من جده يا نسيبتو شن بتدوري💃👏👏
جبنا ليك المافي وجبنا ليك دهبنا الصافي يا نسيبتو شن بتدوري🤸👏يا نسيبتو الله اداكي السحاب الراحل جاكي 💃👏🤸وجبنا ليك أعز الناس جبنا ليك دهب ما نحاس يا نسيبتو شن بتدوري 👏👏🤸
جبنا لي علي زااتو💃👏جبنا كبير اخوانو وجبنا ليك تقيل ميزانو يا نسيبتو شن بتدوري👏👏جبنا ليك عقيد اللولي يا نسيبتو شن بتدوري💃جبنا ليك الخدرة اللامعه وجبنا ليك خريج الجامعة يا نسيبتو شن بتدوري🤸👏جبنا ليك المهر مية وجبنا ليك عريس شخصيه يا نسيبتو💃💃🤸جبنا ليكي الغالي علينا وجبنا ليكي نور عينينا، ياا نسيبتو الله أداكي والتقيله بشيلها معاكي 💃💃👏♥....
أثناء ما نحنا بنغني كدة عيني وقعت على منعم وهو بعاين لي طبعا اتوترت جداً لانو كان بعاين لي ومركز معااي شددديد❤️كان لابس جلابية بيضا وعمة ومخفف لحيتو وشكلو يهبل الزول اخخخ بس🙇🏻♀️❤️شكلو سمع كلامي ومشا حلق لحيتو وشعرو، بقى حلووو شددديد مع أنو هو أصلا كان حلو، الجلابية مفصلة عليهو تفصيل❤️وأنا بعاين فيهو كدة قام غمز لي وضحك🤦🏻♀️❤️ أنا من اللبشة ما عرفت أعمل شنو وكنت ماسكة الشيالة في يدي لمن قربتا أوقعها والتوب اللابساهو وقع من راسي فصلحتو كدة لقيتو لسه بعاين لي وبعاين لي الحنة حقتي أتلبشت زيادة ويا لبشة ما تمت جا علينا، وقف جبني شددديد وهمس في أضاني وقال لي الحنة ح تاااكل منك حتة والتوب يجنن عليك ما تجي نتلمأ ونتم الحنة دي في الرجلين😉❤️طبعا لمن قال لي كدة قلبي قال شححح وجسمي برد🙇🏻♀️🤸❤️.....
____
_يبدو أنني لن أتجاوز معك لهفة البدايات، وبيدو أنني سأحبك بهذا الاندفاع إلى الأبد🤸❤️❤️.
أشوفكم❤️.
