سكتا ومن كنت عارفة أرد بشنو من التوتر قال لي يا بت ما تتوتري سااي انا بس عايز البشك عشان بحب أشوفك ملبوشة وما قادرة تتكلمي😂✅قلت ليهو خلعتني طبعا قال لي أنا أصلا بيت أسكن فيهو أمي ما عندي تتوقعي ح أقدر أعرسك في الوقت الحالي؟! إيوة صاح أنا عاوز أبدا حياتي معاك من نقطة الصفر وعاوز أعرسك في أسرع وقت وعاوز لمن أرجع من الشغل تعبان القاك قدامي وأنسى كل التعب وأفرح لاني تعبت عشانك إنتي وأمي بس لازم كمان أعاين لي قدام وأشوف هل الأساسيات في ولا لا، زي البيت وكدة قلت ليهو منعم أنا مستعدة أتشرد معاك في الشارع عادي المهم أني أكون معاك❤️قال لي وانا متاكد من الحاجة دي بس ما حأرضى أني أشوفك بتعاني قلت ليهو طب حتعمل شنو؟! قال لي والله أمبارح أتكلمت مع واحد صحبي هو مسافر الفترة الجاية فقلت ليهو سلفني عربيتو أشتغل بيها ترحال لحدى ما هو يجي راجع قلت ليهو وبعد يرجع؟! قال لي لي الزمن داك ربنا بهون، المهم هسي منها أجمع قروش تقدر تصلح لي بيت جدي عشان أسكن فيهو أمي وبعدين لمن نعرس إنتي تجي وتسكني معانا ومنها أديهو حصتو كايجار العربية وكدة قلت ليهو حلوو طيب قال لي حلوة إنتي+ لحدى اللحظة دي ما وريتيني رأيك وقولتي لي بحبك😉❤️قلت ليهو أممم مت ح أقولها بسهولة قال لي بالله؟! قلت ليهو إيوة😌✅ قال لي أصبري حتقوليها لي+نحنا هسي أتاخرنا خلينا نخش وبعدين بنتفاهم في الموضوع ده قلت ليهو أرح، دخلنا جوا طبعا كلهم قعدو يشغلوها لينا نظام كنا برة مع بعض وأتاخرنا🤣💔، قعدنا شوية وبعدها بدينا نطلع في الاكل ونختو في الصحانة، أثناء ما نحنا بنخت فيهو كدة منعم جاهو تلفون فرد ومشى بعيدد مننا، كان بتكلم وبضحك وضحكتو خطفت قلبي، اخخ أنا من الحلاوة😔❤️المهم وزعنا الاكل لي الشباب وشلت صحن منعم ومشيت أديهو ليهو، أشر لي بيدو نظام أصبري بقيت واقفه بعاين ليهو ولى تعابير وشو وهو بتكلم لحد ما خلص المكالمة قال لي ها يا عسلاية في إيه! قلت ليهو الاكل قال لي لييه تعبانة وجايبه لعندي قلت ليهو لانو تعبك راحة قال لي أحم أحم ما متعود على الكلام السمح أنا😂❤️ضحكت وقلت ليهو حتسمعو كتتير قال لي وينو صحنك؟! قلت ليهو هداك ليهو قال لي طيب أرح عشان تاكلي مشينا قعدنا وهو قعد جنبي بقينا بناكل وبنتونس، بعد خلصنا أكل عمر جاني قال لي ميامن عاوز أتكلم معاك قلت ليهو طيب، قمت علي حيلي ومشيت معاهو، طبعا ده كلو ومنعم ساكت وبس بيحمر لي ولو عليهو يقتلني😂💔...
قلت ليهو أها احكي أنا سامعاك❤️قال لي والله هو الموضوع بصراحة إنو أنا بحب قلت ليهو جاادي؟! طب دي منووو المحظوظة دي😍🐣قال لي أيي جادي والبت إنتي بتعرفيها كمان قلت ليهو الله الله، شوقتني أعرفها قال لي المشكلة الحقيقه في أني ما عارف أوريها كيف؟! قلت ليهو عادي أعترف ليها بس اليجي يجي، ما مهم إذا وافقت ولا رفضت، المهم أنك ما تكتم مشاعرك لانو الكتمان ده أسوء حاجة في الدنيا دي وغير وجع القلب ما حيجيب ليك حاجة قال لي كلامك صح بس أنا ما قادر أوريها عايز طريقة قلت ليهو انا ممكن أتوسط وأمهد ليها الموضوع طالما بعرفها قال لي برضو فكرة قلت ليهو طب هيا منو؟! قال لي براءة قلت ليهو براءة صحبتي الواحدة دي؟! قال لي إيوة قلت ليهو وااااي يا بختها بيك😭❤️قال لي لو وافقت بس قلت ليهو ما تخاف حأقنعها ليك قال لي عارفك ما بتقصري عشان كدة وريتك قلت ليهو يقصر الملح أنا ما أقصر معاك أنت بالذات لاني ما بنسى وقفتك معااي لمن كنت محتاجة لصاحب وجيت أنت وسديت الخاانة دي قال لي صاح أنا ما عندي أخوات بس أول ما أتعرفت عليك بقى عندي صحبة وأخت الاتنين سوا قلت ليهو أنا محظوظة بيك والله العظيم قال لي لا أنا المحظوظ لانو عندي أخت زيك وبنفس حنيتك دي❤️اتكلما في الموضوع دا واتفقنا نعمل شنو ورجعت لمنعم، قال لي عاوز منك شنو؟! قلت ليهو سر بين الاخ وأختو ما بقدر أوريك ليهو قال لي هه😏🙄👊قلت ليهو أنا وعدتو ما أوري زول قال لي ميامن إنتي ما حاسة أنو الولد ده بحبك؟! قلت ليهو لا ما حاسة لانو أنا عارفة أنو هو بتعبرني أختو وبس غير كدة لا، صاح أنو كل الناس بتفكر كداً وبتفكر أنو هو بحبني بس هو بحبني كأخت، وهسي لو جيت سالتو حيرد ليك نفس جوابي ده وعمر ممكن يعمل أي حاجة الا إنو يكذب❤️قال لي أممم شبة أقنعت قلت ليهو لازم تقتنع كليا لانو البتفكر فيهو أنت وناس كتار ما صح أحب أطمنئك قال لي كدي خلينا من ده إنتي مالك سمحة كدي يا بنية😔❤️قلت ليهو عشان عيونك حلوين قال لي أخخ أنا قلبي حيوقف بسببك وبسبب جمالك دة قلت ليهو رأسي حيكبر كداً قال لي دي الحقيقه ما قاعد اطبل أنا قلت ليهو حبييبي والله❤️، المهم خلصت القعدة الحلوة دي ورجعنا بيوتنا، تاني يوم منعم ضرب لي ووراني أنو هو شال العربية من صحبو وبداً يشتغل....
