مرت الايام وأمتحانات السمستر كبست ومفروض بعديها ناجز وفي الاجازة دي نعمل عرس ريان وعلي هما أصلا كانو محددنو كدة❤️ .. كنتا بقرا وبتعب شددديد عشان أجيب معدل حلو عشان بعدين يرفع لي معدلي في السمستر الجاي اللي هو الفاييل، قبل الامتحان بيوم كنت متوترة جداً وخايفة خوف لانو السمستر دة أصعب سمستر وأنا أصلا عندي رهبة من الامتحانات طبيعي بكون في حالة خوف وتوتر، بالعصر كدة جاتني رسالة من عمر كان كاتب لي فيها " أنا جنب الظلط القريب لي بيتكم اطلعي لي سريع " رسلت ليهو طيب جاية ومشيت لبست عبايتي وطلعت ليه لقيتو واقف مستنيني، ركبت العربيه وسلمت عليهو قلت ليه الذكراك بي شنو الليلة وجيت عشانو أحكي؟! قال لي أولا انتي دائما في بالي وما محتاج يوم عشان أتذكرك+ إنتي ناسية انو بكرة عندك امتحان وأنا عارف أنك بتخافي وبسبب الخوف ده ممكن تتطش منك حاجات كتتيرة فقلت أجي وأهديك واقول ليك خليك ريلاكس قلت ليهو يا حياتي أنت❤قال لي نتحرك! قلت ليهو وين قال لي سبرايز قلت ليهو أووو بقى فيها مفاجات قال لي ايي، اتحركنا ومشينا أكتر محل اسكريم أنا بحبو❤قال لي الاسكريم حيخليك رايقة واعصابك باردة وحيخليني اقدر اتفاهم معاك+ما تنزلي حأجيبو هنا قلت ليهو طيب ماشي، مشى جابو وجا بديت أكل فيهو زي الشافعة الصغيرة وهو بس يعاين لي وبضحك قلت ليهو عمر يااخ ركز مع الاسكريم بتاعك وخليني في حالي قال لي ما قادر والله إنتي ما شايفة طريقه أكلك لي الاسكريم كيف😂💔قلت ليهو أنننننن غياظ🙂😒👊قال لي على فكرة مليتي نفسك بطريقه مبالغة قلت ليهو أختاني بس، بقينا نتاهبل كدة وهو بصر انو يضحنكي بس علشان يمتص كل الخوف والتوتر الجوااي❤️..
لمن رجعني البيت قبل انزل قال لي ميامن قلت ليهو يا عيونها قال لي عايزك تكوني عادية طيب لانو ماف حاحة بتخوف الإمتحان ما اخر الدنيا، بعدين انتي عملتي كل العليك واجتهدي وتعبتي وربنا أكيد ما حيضيع تعبك سااي، فشنو خليك ريلاكس الامتحان حيحي حلو وانا واثق انك حتتطلعي مبسوطة من شغلك وخاطرك مجبور❤️قلت ليهو أن شاء الله يااخي ما عارف كلامك ده عمل فيني شنو قال لي المهم يكون خفف عليك قلت ليهو بالفعل خفف علي شددديد شكرا قال لي ومن متين وفي بيناتنا شكرا😒👊!! قلت ليهو خلاص اسفه أسفه الضيق لا😂💔ضحك وقال لي يلا في امان الله ودعتو ونزلت❤️..
عديت باقي اليوم ده مبسوطة ومروقة بسبب كلام عمر معاي، حرفيا م حصل مرة اتضايقت وهو ما فرحني بطريقتو، بيحس بي بدون ما أتكلم، جد هو حاجة كدة في قمة الوبعلييي🌍❤تاني يوم صحيت الصباح بدري بمكالمتو هو، قال لي السمحة قلت ليهم امممم قال لي قومي صلي الصبح وادعي ربنا يوفقك❤قلت ليهو سمح قال لي وتاني ما تقري حاجة خلاص كفاية عشان راسك ما يكبس قلت ليهو حاااضر قال لي يحضر ليك الخير يا رب قلت ليهو اللهم أمين جمعا قال لي أمين، قفلت منو وعملت أي حاجة قالها لي وبعدها بابا وصلني في طريقو، عمر كان متواصل وبتكلم معاي لحد م وصلت الجامعة قلت ليهو يلا ح اقفل لأني داخلة على القاعة قال لي داخلة خلاص! قلت ليهو ايوة قال لي طيب قبل م تدخلي رددي وراي، بدأ يقرا
