𝙳𝚘𝚐 𝙵𝚘𝚘𝚍 𝚂𝚢𝚜𝚝𝚎𝚖

Arc 1.10 (Phoenix's Flower)

Arc 1.10 (Phoenix's Flower)

[ဂုဏ်ယူပါတယ် Host! mission 99% ပြီးသွားပြီ]

“...”

Lynx သူ့ host ဆီမှ ခွန်းတုံ့ပြန်သံမကြား၍ ကြည့်လိုက်တော့ host မျက်နှာကဝမ်း‌နည်းနေသယောင်။

Host ကအရင်ကလို တက်တက်ကြွကြွမရှိတော့ဘူး။ စကားတွေလည်းအများကြီးမပြောတော့ဘူး။ သူ့ကိုလည်းမဆဲတော့ဘူး။

ဟူး Host ကိုပြောပြချင်ပါတယ်။ ဒါပေမဲ့ ကျွန်တော့်ကို အမိန့်ပေးထားလို့ပါ။

“Lynx ရေ..”

[ဗျာ host]

Host အားပြန်ထူးလိုက်သော်လည်း host ကပြန်‌မဖြေ။ အဝေးဆီသို့သာ မျှော်ငေးနေလေသည်။ တိတိကျကျပြောရမည်ဆို သူ‌ကြည့်နေသောနေရာမှာ ဝမ်ရိပေါ်နှင့်ရှောင်းယန်ရှင်းတို့စကားပြောနေသောနေရာ။

[တကယ်လို့ mission ပြီးသွားခဲ့ရင်တောင် host ဒီကမ္ဘာမှာအချိန်အတိုင်းအတာတစ်ခုအထိနေလို့ရပါတယ်။]

Lynx host မေးဖို့မရဲတဲ့စကားကို သူပဲ အလိုက်တသိနဲ့ပြောပေးလိုက်ပါတယ်။

“အင်း ဒါပေမဲ့လည်း ငါနောက်ကမ္ဘာတွေသွားဖို့ကိုမရဲတော့ဘူး။”

[…]

ရှောင်းကျန့် ဘယ်နှကြိမ်မြောက်မှန်းမသိသော သက်ပြင်းမောကိုချပြီးမှာတော့

“ငါ သူ့ကိုဆုံးရှုံးရမှာကြောက်တယ်။ ဘာလို့လဲ မသိဘူး။ အရင်တုန်းကလည်း ငါသူ့ကို ထားခဲ့ဖူးသလိုမျိုး ခံစားချက်ကြီးရတယ်။ အဲ့အချိန်တွေဆိုရင် ငါ ရင်ဘတ်ထဲမှာတင်းကြပ်ပြီး အရမ်းဝမ်းနည်းမိတာပဲ။”

[သိပ်ပြီးလျှောက်မတွေးပါနဲ့ host ရာ]

Lynx လည်း host စိတ်သက်သာရာရအောင်ဖြောင်းဖျပေးနိုင်ရုံမှတစ်ပါး။

တစ်ခါတစ်လေကျတော့လည်း လျှို့ဝှက်ချက်ကိုထိန်းသိမ်းဖို့ဆိုတာ မလွယ်ကူဘူး။ မထင်မှတ်ထားတဲ့အချိန်မှာမထင်မှတ်ထားသလိုပွင့်အံထွက်လာနိုင်တယ်လေ။

ကျွန့်တော့် host အကောင်းဆုံးလုပ်နိုင်မယ်ဆိုတာကျွန်တော်သိတယ်။

“ကျန့်ရေ။”

ဘယ်အချိန်ကတည်းကရှောင်းကျန့်ဘေးနားကို ရိပေါ် ရောက်လာမှန်းမသိ။ ရှောင်းကျန့်သတိထားမိတာတစ်ခုရှိတယ်။ တစ်ခါတစ်လေဆိုရင် ရိပေါ်ကအရမ်းထူးဆန်းတယ်။ သူတောင် အာရုံမခံနိုင်အောင်လှစ်ခနဲ ပိပိရိရိ နဲ့အနားကိုရောက်လာနိုင်တယ်။