رواية ياسمينة السلطان الجزء التاني بعنوان الانتقام
مع غروب الشمس بتخرج سيارة ميني كوبر من قصر سامر النويري ...
ياسمين : الو ...
سلطان : ايه يا جيسي انتي فين ؟!
ياسمين : يلا في الطريق اهو
سلطان : طيب انا بتطمن بس ... على مهلك يا حبيبتي
ياسمين ابتسمت : انت بقيت بتستحلاها اوي على فكرة !
سلطان استغرب : هي ايه دي ؟!
ياسمين ضحكت : حبيبتي * يا حضرة الرائد
سلطان ضحك : وفيها ايه يعني ... اه استحليتها هتعمليلي ايه ؟!
ياسمين : اممم ... معرفش لما اشوفك هبقى اقولك
سلطان : طيب ماشي ... قدامك قد ايه ؟!
ياسمين : خلاص 10 دقايق واكون عندك
سلطان : كتير !
ياسمين ضحكت بكل صوتها : امشي يا سلطان خليني اوصل بالسلامة
سلطان : امشي اروح فين ؟!
ياسمين : سلطااان !!
( في شقة في القاهرة , بالتحديد عند النقيب امل الالفي )
( النقيب امل الالفي ... 25 سنه ... طويلة الى حد ما , رفيعة جدا , شعرها بني غامق زي عيونها ... دي هنتعرف على شخصيتها في الاحداث )
امل مسكت الفون وردت على مجهول : الو
.... : تمت ترقية سلطان باشا الى مقدم النهارده الصبح
امل بملل : اممم ... ما انا عارفة ايه الجديد ؟!
.... : في حفلة عاملينها الضباط اللي اترقوا في مطعم كبير عالنيل ... وسلطان باشا رايح و هياخد ياسمين معاه
امل ابتسمت : طيب حلو ... لو احتاجتك هكلمك تاني ...
قفلت وراحت تجهز نفسها ...
( في المطعم , بالتحديد عند سلطان )
سلطان قاعد على ترابيزته مستني ياسمين عشان عاملها مفاجأة ! ... تمت ترقيته لمقدم ... محدش قدر يقدم اللي سلطان قدمه خلال الفترة الاخيرة ... على الرغم من صغر سنه على رتبة مقدم الا انه اثبت القدرة على الوصول لحلمه اللي كان مستحيل ! ... ( فهد المخابرات المصرية ) ...
ياسمين وصلت المكان ...
سلطان راحلها : اهلا يا حبي
ياسمين : انا اسمي جيسي على فكرة
سلطان بعناد : حبي وحبيبي وحبيبتي وروحي وقلبي وعقلي
ياسمين بتهكم : وكبدي وطحالي وفشتي !
أنت تقرأ
ياسمينة السلطان
Lãng mạnاعتَقَد انها كغيرها من الفتيات ولكنها اختلفت ، فنظرتها في الحياة تختلف ... طريقتها في التعايش تختلف ... ظنّ انها بارده ولكنها قد اخفت مشاعرها ومرضها خلف ذلك القناع البارد ... فظهرت قوية عنيده لا تخشى اي شيء ... و ها قد حان الوقت لكي تنزعه ياسمينة ا...