ياسمينة السلطان

رواية ياسمينة السلطان 2 * الفصل السادس ( منتقم مجهول ! )

واحد من الامن : سلطان بيه ! ... في حد برة مصرّ انه يدخل حاولنا نمشيه بس هو رافض 

سلطان بتفكير : امممم ... دخله بس اصبر 5 دقايق كده 

الامن : اوامرك ...

سلطان : ياسمين تعالي بسرعة ...

ياسمين مسكت ايده وطلعوا لحد السطح ... 

ياسمين بتعب مسكت ركبها : آه حسبي الله ونعم الوكيل فيك يا سلطان 

سلطان بإندهاش : انتي بتحسبني فيا ؟!

ياسمين : لأ ما انت من اولها ما تتصدمش وتندهش 

سلطان : آه اخد على هرموناتك يعني 

ياسمين ضحكت : انت طلعتنا هنا ليه ؟!

سلطان بيراقب الوضع من فوق : اصبري خليني اشوف الراجل 

             ( تحت وفي نفس التوقيت )

سليم اتصل بسلطان : ها اعمل ايه ؟!

سلطان : خليكوا طبيعيين عالاخر ... وما تخليهوش يحس بحاجة ... قول للمأذون يكمل عادي واول ما الراجل ده يمشي هنزل انا وياسمين 

سليم : مفهوم ... سلام 

المجهول : السلام عليكم ...

سامر : وعليكم السلام ... خير ؟!

المجهول : انا آسف بس انا كنت ماشي وتوهت والجي بي اس وصلني لهنا ف ممكن تدلوني على طريق ارجع منه للقاهرة ؟!

سامر : آه طبعا ... بس كان ممكن تكلم حد بره بدل ما تتعب نفسك يعني 

المجهول : لا تعب ولا حاجة ... اصلي مكنتش عارف اتفاهم معاهم 

سامر : طب مفيش مشكلة انا ممكن اخلي حد منهم يوصلك لو عايز ...

المجهول : لا شكرا ... هما بس يوصفولي الطريق كفايه 

سامر : تمام براحتك ... طريق السلامه 

الراجل خرج وركب العربية واتصل بمجهول تاني 

مجهول 1 : مفيش حد جوة 

مجهول 2 بعصبية : يعني ايه مش انا مديك صورهم ؟! ... والعربية اللي انت كنت مراقبها راحت فين ؟!

مجهول 1 : الناس اللي معايا صورهم مش جوة ... والعربية اللي كنت مراقبها انا متأكد ان هي اللي كانت طالعة من الكافيه 

مجهول 2 بغضب : يبقى اكيد جوة ادخل واعمل اي حاجة ... دور عليهم ف كل حته جوة ... خلصني !

        _ على السطح _ 

سلطان : يلا ننزل اهو ركب العربية 

ياسمين بقلق : متأكد !!

سلطان التمس توترها ف حب يهديها : آه متأكد يا  قلب سلطان ... ما تخافيش ولا تقلقي طول ما انا جنبك ... احنا النهارده مبسوطين وفرحانين الحمد لله ومش عايزين خوف وقلق بقى عشان نكمل اليوم حلو ... ولو عندك اي اسئلة ممكن نتناقشها بعد الحفلة تمام !!