.... : استني عندك فاكرة نفسك هربتي ولا ايه ؟!
التفتت ياسمين عشان تشوف من اللي بيكلمها وقلبها بيدق بعنف ... وياريتها ما التفتت ... حست بألم لا يطاق وبعدها انعدمت رؤيتها ومحستش بحاجه بعدها
الراجل راح لها واكتشف ان مش هي دي اللي كان بيجري وراها !! ... بدأ يهز في ياسمين ويضرب وشها بلطف وهي مفيش اي حركة على وشها تدل حتى انها حاسة باللي حواليها
.... : يا نهار اسود ... هي كده ماتت ولا ايه يا انسة انتي سامعاني ؟!
الراجل شالها وحطها في عربيته وطلع على مستشفى النويري ...
( في فيلا عمرو الحاجري , بالتحديد في مكتبه )
عمرو معاه اتصال : الو ...هربت يا سمير البنت هربت اللي في دماغك حصل وبعدين ؟!
سمير ببرود : ولا قبلين !! ... اقعد اتفرج على مسلسلك المفضل واتسلى بفشار ...
عمرو استغرب : انت بتقول ايه ؟!
سمير مازال بارد وهادي : ايوة يا باشا خلاص شغلنا دلوقتي مابقاش عليه تهديد ... كله ماشي في السليم والخطة نجحت
عمرو بتوتر : اهو انا مش خا ....
فهد : الحق يا عمرو بيه ... ياسمين هانم اتضربت بالنار !!
عمرو بفزع : انت بتقول ايه يا بني ادم انت !!
سمير : اهدا يا عمرو بيه اهدا ... ادينا خلصنا منها نهائي ... خلاص
عمرو : ايوة بس ...
سمير : مفيش بس يا عمرو بيه ... نام انت وارتاح ... الموضوع خلصان
( في مقر المخابرات العامة المصرية , بالتحديد في مكتب سلطان )
سلطان بفزع : يعني ايه اتضربت بالنار هو انا مش حاطط عليها حراسة ؟! ...اومال انت بتعمل ايه يا بهيم ...اقفل اقفل
يوسف بقلق : في ايه يا سلطان !! ... ومين اللي اتضربت بالنار ؟!
سلطان بنبرة خوف : ياسمين يا يوسف ياسمين
يوسف اتخض : طب عرفت اسم المستشفى ؟!
سلطان : امم ...
يوسف : طب يلا ...
( في مستشفى النويري )
ياسمين دخلت العمليات ...
سلطان ويوسف وصلوا ودخلوا على الاستقبال ...
الموظفة بمهنية : اتفضل يا فندم
سلطان باندفاع : البنت اللي لسة جاية دلوقتي وكانت مضروبة بالنار
الموظفة : اه البنت اللي لسة داخلة العمليات حالا ... مسكينه كانت حالتها صعبة اوي
أنت تقرأ
ياسمينة السلطان
عاطفيةاعتَقَد انها كغيرها من الفتيات ولكنها اختلفت ، فنظرتها في الحياة تختلف ... طريقتها في التعايش تختلف ... ظنّ انها بارده ولكنها قد اخفت مشاعرها ومرضها خلف ذلك القناع البارد ... فظهرت قوية عنيده لا تخشى اي شيء ... و ها قد حان الوقت لكي تنزعه ياسمينة ا...
