ياسمينة السلطان

رواية ياسمينة السلطان الفصل الاول( تعريف الشخصيات الاساسية وبداية الاحداث)

دخلت اشعة الشمس الدافيه وداعبت بشرتها الناعمه ... ففتحت عيونها مستعده ليوم جديد ... ومن هنا نبدأ حكايه مليانه احداث

( ياسمين عمرو الحاجري 21 سنة ... بنت جميلة جدا ملامحها انوثية متوسطة الطول وبيضا البشرة عيونها خضرا وشفايفها وردية وشعرها اصفر ناعم طويل جدا ... جدعة , طيبة , باردة تلج , عنيدة شوية , قوية , معتمدة على نفسها )

في مكان اخر ( فيلا سعد الدين الجوهري )

بنت ملامحها هادية بشعر طويل احمر مجعد قاعدة على سريرها وماسكة الفون ... بس الواضح انها صاحية بقالها مدة ... ( نورهان سعد الدين الجوهري ... صاحبة ياسمين المفضلة ومن نفس السن ... قصيرة بيضا البشرة عيونها عسلي فاتح وشعرها احمر طويل مجعد ... طيبة اوي لدرجة الهبل , هادية في طبعها )

سمعت صوت خناق وزعيق عالي فتحت بابها وجري عالسلالم الى ان لقت اخوها الكبير سلطان ماسك انس وبيزعق له ( سلطان سعد الدين الجوهري 32 سنة ... ضابط في المخابرات المصرية ومن اكفأ الضباط في جهاز العمليات الخاصه ... شاب وسيم طويل جدا وجسمه رياضي حنطي البشرة عيونه عسلية و شعره بني غامق ... عصبي جدا , مستبد , متحكم , وكل الصفات دي بتجتمع مع النظام )

نورهان بدهشة : ايه ده في ايه يا سلطان بالراحة هوا عمل ايه لكل دة ؟!

سلطان ملحقش يرد قام انس رد باندفاع : الحقيني يا نور اخوكي هياكلني , وكل دة ليه عشان جاي بسأل عليكي ... ( انس نصر الجوهري 18 سنة ... طالب في اخر سنه ثانوية ... ابن عم نورهان وسلطان ... طويل الى حد ما وجسمه نصف رياضي حنطي البشرة عيونه بنية فاتحة ... فكاهي , طيب , جدع ,له هيبة بالرغم من صغر سنه )

نور وهي بتحاول تفك انس من ايد سلطان : معلش يا سلطان سيبه انت مأرنبه كدا ليه... خلاص عشان خاطري ... وبعدين هو مغلطش دة جاي يتطمن عليا

سلطان بعصبية : اه يتطمن عليكي ... يقوم يخش يزعق زي البهايم بالظبط كأنه لوحده في البيت ... (وجه كلامه لانس واتكلم بحدة ) : بعد كدة لما تدخل تقعد هنا في الصالون وعندك الخدم نادي عليهم يقولوا لنا انك موجود ... البيت ده في نظام مش زريبه هي !

انس بعفوية : وليه يا عم اللفة دي ؟... منا ممكن اطلع انادي عليكم على طول !

سليم بص لانس وبعدين نقل نظره لسلطان اللي كان بيطلع دخان وهمي من راسه من غضبه وغباء انس فهمس في ودن نور : بقولك ايه ؟... اخوكي هيقتل انس انا ماشي عشان هتأخر عايزة حاجة ؟!

نور بنفس تون الصوت : لا شكرا ... بس انا مش عارفة اخلصه من سلطان ازاي ؟

سليم : لا حاولي عشان انا كدة تأخرت يلا سلام ... ( اتكلم بصوت اعلى ) : سلام يا سلطان ... وانت يا انس شكلنا هنسلم عالشهدا اللي معاك ... (سليم سعد الدين الجوهري ... توأم سلطان مع اختلافات بسيطة في الشكل واللي بتخلي سلطان اوسم منه بشوية ... محامي شاطر وبيحب شغله ... فكاهي , جدع , بسيط , عملي , طيب )