احلام فتاة شرقية

الفصل الخامس عشر

جلس امامه وهو بالكاد يستطيع أمسكاك ضحكاته كلما نظر له يحول وجهه بعيدا ويحك أنفه ثم يبتسم لينظر له الآخر هاتفا بغيظ
اضحك.. اضحك يا حاج ماهو دة إللى ناقص مش ناقص غير ضحكك وسخريتك
نظر له بعد أن استمع ل كلماته ليفقد السيطرة على ضحكاته وتتعالى أكثر وأكثر وكلما تذكر ما حدث معه تتعالى أكثر إلى أن دمعت عينيه ليصرخ به وليد هاتفا بضيق غاضب
فى ايه يا بابا انت ما صدقت ولا ايه

سعل عبد العليم وهو يمسك دموعه من كثرة الضحك وهو يقول
بصراحة اه... انت شكلك تحفة بصراحة البت علمت عليك الصراحة
ثم ضحك قائلا
ضربة معلم عرفت تلعبها بصحيح

تأوه وليد وهو يتحرك العصبيه ليصرخ بعدها بغضب هاتفا
بابا متعصبنيش وممكن تبطل ضحك ونتكلم جد هنعمل ايه فى موضوع توليب دة

تظاهر عبد العليم بعدم الفهم وهو يتساءل بتعجب مصطنع
هنعمل ايه فى ايه مالها توليب

نظر له وليد بغضب ليصيح به هاتفا بصوت جهورى مزلزل ارجاء المنزل
بابا!! بلاش الأسلوب دة معايا انت فاهم انا بتكلم فى ايه انا لازم اخد حقى منها وبعدين مش بمزاجها كدة تسيبنى بعد كمان ما تبهدلنى مش انا إللى أقبل على نفسى حاجة زى كدة اكيد فاهم انا اقصد ايه لازم أدفعها تمن إللى هى عملته فيا

هنا وقد خرج عبد العليم عن صمته فقد طفح به الكيل لذا ضرب على مسند الكرسى الذى يجلس عليه لينتفض واقفا ثم هدر بغضب اعمى
فيه ايه يا لا هو انا علشان سكتلك مرة والتانية خلاص هتسوق فيها خلاص الموضوع خلص البنت مش عوزاك وكارهاك وانت أثبت وبجدارة انك مش اد المسئولية لدرجة حطيت راسى فى التراب بسببك ثم أشار على جسده هاتفا بسخرية لازعة
وادى أكبر دليل على كرهها ليك إللى عملته فيك القطة المغمضة خلاص بدأت تخربش واللى كانت بتضحك ماتعرفش غير السعادة اتحولت لكائن عاوز ينتقم من إللى اذاها

نظر له وليد بنظرات زائغة ثم هتف بصوت مبهوت
يعنى ايه يعنى توليب خلاص ضاعت من ايديا

ابتسم عبد العليم بسخرية ليجيبه ببساطة
انت إللى ضيعتها من ايدك بغرورك وجبروتك واسلوبك الجاف معاها بأنك تضيع ضحكتها وتسرق ابتسامتها وتقيدها بيك وتضعف شخصيتها بس علشان تكون معاك ضيعتها منك بس ايه ب أسوء الطرق خلاص ضاعت وكرهتك وانت معملتش حاجة تشفعلك ادامها لدرجة أن انا مستحيل اطلب منها ترجعلك او اغالطها فى إللى عملته لانها خلاص كان فاض بيها وخلى بالك انا مستحيل اتدخل وانسى إللى فى دماغك انا لو ادخلت هطلب منها متزعلش منك وحقها عليا وكل واحد يروح فى طريقه اما انت أن كنت عاوز تعمل حاجة دلوقتى وتبان راجل ادامها ولو لمرة واحدة وتعمل حاجة حلوة تفتكرك بيها اتصل بيها وحررها من العلاقة المسمومة دى قولها كلمة حلوة تنسيها إللى عملته فيها او قولها أن كل الهدايا وكل إللى راحلها هدية منك وتكفير عن غلطاتك معاها فاهم