احلام فتاة شرقية

الفصل الاول

يقول نيتشه
المرأة لغز مفتاحه كلمة واحدة الحب

نعم ف المرأة عندما تكون سعيدة فهى وجدت حبها وسعيدة به واذا كانت تعيسة فحبها يكون لعنتها عزيزى  الرجل اعلم ان اهم كلمة فى قاموس المرأة هى الحب فهى من وهى طفلة كانت تتسأل عن فستان الزفاف تلعب بعرائسها وجنتيها انها ام وهم أولادها تتسائل ببراءة متى ستتزوج ك والدتها وترتدى ثوب زفاف
بها ولدت بالفطرة ام وبالفطرة تبحث عن الحب تتساءل اين ذاك الذى خرجت من اضلعه وتبحث عن فارس احلام مغوار يطير بها فوق السحاب ف ماذا اذا كان بعد كل ذلك لم تجد فارس احلام او رجل إنما وجدت أشباه رجال حتما ستنكسر وتتفتت الى أشلاء

أغلقت آخر حقيبة لها والتفت له بعد أن انهت حزم حقائبها لتجده يقف مربعا يديه زاما شفتيه بضيق بينما عيناه تنظر لها بغير رضا
سحبت الهواء داخل صدرها ثم دارت على عقيبها لتقف امامه ناظرة له بابتسامة رقيقة تخفى خلفها حزنها وهى تقول بمرح مفتعل

خلاص يا بابتى انا خلصت

لف وجهه للجهة الأخرى وهو يقول بضيق غير راض عن تصرفاتها

طيب وانا المفروض اعملك ايه اصقفلك مثلا خلاص انتى قررتى ونفذتى لكن آخر همك هو رأيى وقرارى انتى خلاص قررتى ونفذتى و لكن كلام الراجل العجوز دة مش تحت خبر عندك

هرعت تحتضنه بلهفة وهى تتحكم بدموعها لئلا تسيل امامه

لا يا بابتى ليه بتقول كدة انا عمرى مافكرت فى إللى انت بتقوله دة ليه بتقول كدة وانت دنيتى كلها .... انت كلامك أمر بالنسبة لى

احتضن وجهها بين كفيه ليقول بحنو وهو ينظر داخل رماديتيها
ان كان كلامى أمر بالنسبة لك زى مابتقولى يبقى ماتسافريش يا لوجين بلاش تسافرى وتسيبينى بلاش ياروح بابا

ابتسمت فى وجهه قائلة
طيب والجامعة يا بابتى لازم اسافر علشان الحق السنة من اولها وحضرتك قولت هتصفى شغلك هنا فى لندن وترجع مصر يبقى ما دام كدة كدة جاى يبقى انا اسبقك علشان الحق السنة من اولها وحضرتك تيجى على مهلك انت و مروان مش دة كان اتفاقنا

انتفض هو صارخا بغضب
اه كان اتفاقنا بس ليه تسافرى ليه نسافر اصلا احنا عايشين هنا من زمان يبقى نكمل هنا بلاش نرجع هنرجع ليه و لمين 

جعدت حاجبيه ب استهجان ل كلماته
نرجع ليه؟؟ ولمين؟؟
نرجع لبلدنا يا بابتى لاهلنا وناسنا نرجع لأصلنا و لاصحابنا ولا انت خلاص نسيت

انتفض صارخا بغضب
اه نسيت يا لوجين نسيت اهل مين؟؟
  اهلك هنا وناسك هنا و اصلك هنا انتى لوجين جمال السيوفى بنت رجل الأعمال هنا المسئول عن شركات برمجيات الكمبيوتر الكبيرة وجنسيتك إنجليزية  لأنك مولودة هنا ومامتك كمان كانت إنجليزية و جدك هنا وجدتك هنا ليه اصفى دة كله واروح مصر واروح ل مين هاه انا عايش هنا بقالى اكتر من ٢٥ سنة ارجع ليه ولمين