မာယာသီချင်းသည် (Sakura Dancing in the Rain)

Part.21(နွမ်းလျဆာကူရာ)

Part21 ::21.9.2024

နှင်းတွေကျနေတဲ့ Oမြို့လေးရဲ့မနက်ခင်းဟာ ကောင်းကင်ဘုံနဲ့တစ်စိတ်တပိုင်းဆင်တူနေသည်..။

တောက်ပြောင်နေသောအဖိုးတန်ကားတွေနှင့် ခမ်းနားထည်ဝါစွာပိုးထည်တွေကိုဆင်မြန်းထားသည့် လူကုံထံတွေဟာ ကင်ဒိုအိမ်တော်ရဲ့ခြံဝန်းကျယ်ကြီးဆီဦးတည်နေခဲ့သည်..။

ဒီနေ့ဟာ ဆက်ခံသူအသစ် စံအိမ်တော်သခင်ဟာနာဇဝါရှင်းနဲ့ မျိုးရိုးမြင့်သခင်မလေးတို့ရဲ့ စေ့စပ်ပွဲအခမ်းအနားပင်ဖြစ်သည်..။

ချောမောခန့်ညားပါသော်လည်း
လူသတ်စက်ဟုတောင်ကျော်ကြားသောသခင်ရှင်းကို မျိုးရိုးမြင့်သခင်မလေးသည်တကယ်တော့ချစ်ပုံမပေါ်ဟု တီးတိုးဝေဖန်သံတွေကတစ်စတစ်စ..။

တကယ်တော့အာဏာရှိအိမ်တော်တွေကြားမှာလိုအပ်နေသောအရာသည်ချစ်ခြင်းမေတ္တာတွေမဟုတ် ၊ အပေးနဲ့အယူညီမျှသော အာဏာမြဲခြင်းပင်ဖြစ်လေသည်..။

သိုးမွေးအနက်ရောင်ကုတ်ရှည်ကိုဝတ်ဆင်ထားသည့် သခင်ရှင်းသည် အပေါ်ထပ်အခန်းလေးကို ငေးနေခဲ့သည်..။

တံခါးလေးတောင်ဖွင့်ဟမလာခဲ့တာ ကိုယ်စေ့စပ်သည်ဖြစ်စေ လက်ထပ်သည်ဖြစ်စေ မင်းအတွက်ဂရုထားစရာမလိုလို့များလား..

သို့သော်

''သူ့ကိုပါပြင်ဆင်ပြီးခေါ်လာခဲ့
သတို့သားလောင်းရဲ့ညီပဲမလား သူလိုက်ရမယ်''

ရှင်းရဲ့အမိန့်အောက်.. ဂျင်းရဲ့အခန်းလေးဆီခေါ်ဖို့ဝင်သွားတဲ့အလုပ်သမားလေးဟာ စိတ်ပျက်စရာသတင်းကို ယူဆောင် လာခဲ့သည်..။

''သခင်လေးဂျင်းက အခန်းထဲရှိမနေပါဘူး''

ဝုန်း!!

တံခါးဘောင်အားပြင်းစွာရိုက်ချလိုက်သောရှင်းမှာပေါ်နေသည့်အရိပ်အယောင်တွေဟာဒေါသလား..

ကြောက်ရွံမှုတွေလားဝေခွဲမရ..

''ကားထုတ်ထားလိုက်..အရှေ့မှာလူပြည့်နေတာ..သူအ နောက်ဘက်ကနှင်းတောထဲပြေးသွားတာဖြစ်မယ်''

ပွဲစဖို့3နာရီလောက်သာလိုတော့သည်မလို့ မထွက်သွားစေချင်သော်လည်း ရှင်းဟာကားပေါ်တက်သွားခဲ့ပြီဖြစ်သည်..။