POSSESSIVE 3: Train Wolkzbin

CHAPTER 8

CHAPTER 8

TRAIN disliked riding in his private jet, pero para kay Krisz, nakasakay sila ngayon sa private plane niya patungong Russia. After they agreed to get married a week from now, pinag-usapan din nila kung saan sila ikakasal at kung sino ang imbitado.

Tinawagan niya ang kaniyang ina kagabi para magpatulong sa wedding invitation at masayang-masaya ito na isasama niya is Krisz sa Russia. At sabi ng mommy niya, naging maayos daw ang kalagayan ng ama niya ng malamang nitong ikakasal na siya at si Krisz.

Lahat ng nangyayari ay hindi naayon sa planong binuo niya sa kaniyang isip. Dahil sa ama niya, napilitan siyang pakasalan si Krisz. Ngayon, hindi niya maiwasang tanungin ang sarili, ano ba ang magiging buhay niya kapag ikinasal na sila ni Krisz?

Would it be heaven or hell?

Malalaman din niya ang kasagutan sa tanong niya. Soon.

Binalingan niya ang katabing babae na mahimbing na natutulog. She fall asleep right after the plane took off. Alam niyang natulog ito dahil gusto siya nitong iwasan.

Dumako ang tingin niya sa purse nito na nakabukas at sumisilip mula roon ang cellphone nito. It was invading her privacy pero hindi niya mapigilan ang sarili. Dahan-dahan niyang kinuha ang cellphone sa purse nito at nagsalubong ang kilay niya ng makitang may new message ito.

Mukhang nag-text ang sender bago pa sila umalis sa Pilipinas at nawalan ng pagkakataon si Krisz na basahin iyon dahil natulog ito.

It was wrong. Very wrong indeed. Pero binuksan pa rin ni Train ang inbox. The new message came from a person named Mr. Flirt. Pinukol niya ng masamang tingin ang babaeng natutulog sa katabi niyang upuan.

"Sino naman itong Mr. Flirt na 'to?" Magkasalubong ang kilay na tanong niya sa hangin.

Walang pag-aalinlangan na binuksan niya ang nasabing mensahe at umakyat ang dugo sa ulo niya sa nabasa.

Krizzy, baby, hindi mo naman kailangan pilitin ang sarili mo na magpakasal kay Wolkzbin. Magsabi ka lang, tutulungan kita. I will lend you my money, my name and hell; I can even lend you my body! That's how much I love you, my Krizzy baby. Just say the word and this handsome sender will be your knight in shining armor.

Galit niyang binura ang mensahe na iyon pero paulit-ulit na pumapasok sa isip niya ang sinabi nitong 'that's how much I love you'. Ganoon na ba kalalim ang relasyon ng dalawa?

Ibinalik niya ang cell phone ni Krisz sa purse nito at inilapit ang mukha sa mukha ng dalaga at inilapat ang labi niya sa mga labi nito. Pero mabilis niyang inilayo ang labi sa mga labi nito bago pa nito maramdamang hinalikan niya ito.

"Ty moya, Krisz," bulong niya rito.

He kissed her lips one last time and then he closed his and forced himself to sleep.

DAHAN-DAHANG iminulat ni Krisz ang mga mata at tiningnan ang katabi. Mahimbing itong natutulog kaya naman malaya siyang pagmasdan ang mala-adonis nitong kaguwapuhan. Gusto niyang hawakan at haplusin ang mukha nito pero pinigilan niya ang sarili.

This man would be her husband a week from now. Ano kaya ang pakiramdam na maging asawa ito? Ano kaya ang pakiramdam na alagaan nito bilang isang asawa? Malapit na niya iyong malaman.

Ikakasal na sila sa susunod na linggo at kinakabahan siya. She was already twenty- eight but she didn't know a thing or two about married life. Sana maging maayos ang pagsasama nila ni Train, dahil sa oras na mambabae ito, makikita nito kung gaano siya ka-demonyita.

Dumukwang siya palapit sa binata at inilapat ang labi sa pisngi nito. She smelled his aftershave and it intoxicated her. Mabilis siyang bumalik sa dating posisyon ng maramdamang gumalaw ang binata.