POSSESSIVE 3: Train Wolkzbin

CHAPTER 16

CHAPTER 16

TAMA nga ang hinala ni Krisz. Train wasn't just planning in cleaning her up. Ilang beses siyang inangkin ni Train sa ilalim ng shower. Pagkatapos nilang maligo, pagod na pagod siya kaya naman nakatulog siya ng hindi naghahapunan.

Nang magising siya kinaumagahan, nakahiga sa tabi niya si Train at malamlam ang mga mata na nakatitig sa mukha niya. Biglang tumibok ng mabilis ang puso niya. Oh, God, iba talaga ang epekto ni Train sa puso niya.

Nang magtama ang mga mata nila, nginitian siya ni Train. "Good morning, my love. How's your sleep?"

Sumikdo ang puso niya sa tawag nito sa kanya. My love. "Okay lang," sagot niya habang pinapakalma ang puso niya. "Ikaw? Kanina ka pa ba gising?"

Tumango ito. "Yeah. Mga madaling araw. Nagluto ako, e."

Tumaas ang kilay niya. "Hindi ka ba napagod sa ginawa natin kagabi? Sana natulog ka ulit nuong nagising ka."

Ngumiti lang si Train. "Napagod. Pero mas nari-relax ako sa pagluluto kesa kung matutulog ako ulit."

"Ikaw na ang Mr. Chef," nangingiting aniya.

Train smiled and then sat up. Saka lang niya napansin na may tray pala na may lamang sa soup sa bed side table. Inabot ni Train ang soup saka sinubuan siya.

"Say ah."

Pilya siyang napangiti. "Ah." Ungol niya.

Umikot ang mga mata ng asawa. "Inaakit mo ako."

"Hindi kaya." Nakangiting sabi niya kapaguwan ay natigilan ng may pumasok sa isip niya. "Gusto mo ipagluto kita ng agahan? Palagi nalang kasing ikaw ang nagluluto. Ako naman."

Lumiwanag ang mukha nito. "Really? Ipagluluto mo ako? For real?"

Tumango siya. "Oo. For real."

Bakas ang saya sa mukha ni Train sa sinabi niya. She smiled inwardly at that. Hmmm. Time to get even, my darling.

Bumangon siya sa kama at ginawaran ng halik sa mga labi si Train. "Hintayin mo ako rito, hubby. Dito ka lang. Ipagluluto kita ng masarap na breakfast."

"Thanks," Train said with a smile on his lips.

Magaan ang loob na lumabas siya sa silid nila at nagtungo sa kusina para ipagluto ang asawa niya.

Less than an hour later, natapos na siyang magluto. A simple omelet and fried rice. Inamoy niya ang niluto at napangiti. Minsan talaga ang maldita ko. Minsan lang naman.

Nagmamadali siyang bumalik sa silid niya at naabutan niya si Train na nakahiga sa kama habang nanunuod ng TV.

"I'm back!" Excited na sigaw niya at lumapit sa asawa.

Kaagad namang bumangon si Train at excited na tinanggap ang niluto niya.

"Hmmm." Inamoy nito ang niluto niya. "Ang bango naman."

"Syempre," may pagmamalaki na wika niya. "Ako yata ang nagluto niyan."

"Salamat, wifey." Puno ng galak na sabi nito at inumpisahang kainin ang niluto niya.

Train was enjoying the food when he suddenly stopped. Tumaas ang isang kilay niya. Oh hell! Umi-epekto na ba ang nilagay niyang pampa-LBM? Pinigilan niya ang malakas na matawa ng makitang namimilipit sa sakit ng tiyan ang asawa.

"What the— fuck!" Halos liparin nito ang distansiya patungo sa banyo.

Mabilis siyang naglakad palapit sa pintuan ng banyo at naririnig niya ang malutong na pagmumura ni Train.