#صفحة_هنا_نحكي_حكايتي
#ربيعة
#الحلقة_35
كي قلي على العمرة تلفلي الراي غدوا من ذاك صباح صبحت نعيط لامينة ...خبرتها قتلها شوفي واش قلي براهيم ..قاتلي ا لجايحة هذي فرصة متتعوضش روحي لبيت ربي ودعي كاش ربي يفتح عليك بطفل يغير حياتنا ( كي قاتلي حياتنا عرفت بلي المرا اطيب مخلوقة فالعالم )...قاتلي روحي واش راكي خاسرة ...قاتلي بصح نقلك حاجة باه تروحي وانتي مكيش متحجبة غير ميشقاش ..قاتلي مبغيتش نبجبدلك على الحجاب بصح كي جيتني في سيرة العمرة لازم تتحجبي ...قتلها على هذيك قتلو منروحش ..نخلعت قاتلي والله لا عيب عليك ايلا تبيعي مكة بشعرك ...قاتلي الله يهديك ...وحسيتها زعفت ...قتالي شابغي نقلك دبري راسك ...المهم اثرت فيا بهدرتها وقلت والله لا عندها الحق...وخممت فيها مليح ...وصبت رايها هو الصح ...كي فيكسينا لادات تاع الهبطة ....قلت لازم نهبط بالحجاب .....قبل بيومين قتلو ديني عند امينة باغي نشري شويا القش لدارنا ...قلي معليش ...داني عندها ..قتلها امينة باغييتك تحجبيني ...فرحت وحد الفرحة ..قاتلي ضروك ضروك نديك للحانوت تاع صحبتي تبع القش تاع العرب نشريلك حجاب روعة علبالي انتي زينة و رايح تزيدي تزياني ورايح يكون على حسابي ...داتني وهي ميتة بالفرحة .....فالطريق قتلها بغيت نسقسيك انتي فالعامين مهبطتيش لداركم ومشفتكش قاع تجبدي عليهم ..نهار سقسيتها الضحكة نقطعتلها...و عينيها تغرغرو بالدمعة ..قاتلها واش بيك غير الخير ...قاتلي وك منقدرش نهبط ..قتلها علاه ....قاتلي راني مطلقة بالورق ....نخلعت ...قتلها راني سيريو ..قاتلي والله ..قاتلي باسكو ميقبلوش هنا في فرنسا التعدد ...قاتلي كي بغا يتزوج طلقني قانونيا بصح بالشرع مزلت زوجتو ...قاتلها هذ في جال باه ميهبطكش لدزاير راكي معاه...قاتلي عندمن نروح كي نهبط قاتلي بغيتو يستشفاو فيا ..قاتلي عيلتي كثر من عيلتك فالعقلية ..قاتلي ميستعرفوش بالزواج تاع الفاتحة ...قاتلي فضلت نقعد غريبة في بلاد الناس و لا اني نكون غريبة في بلادي ...بدات تحكي و تمسح في دموعها ...هنا عرفت علاه طفلة حنينة قاع هاك ...ايييه يا امينة عندك ما قصيتي .....حتى حسيت روحي انا الغالطة.....قاتلي خلاص خلاص كي نقعدو ونزيد نحكيلك كلش ...رحت شراتلي زوج حجابات و دارتلي الاسدال و لبستو ثم ...خرج عليا ولا اروع بديت نبان انسانة مختلفة تماما ...زدت شريت شوية قش ...ورجعنا لدار كي وصلنا صبنا طومبيل تاع براهيم مقارية حذا البابا ..قلت لامينة هذا علاه جا وك قتلو كي نكملو انا نعيطلك ...قاتلي باين كاش ما كاين .......#يتبع.....
YOU ARE READING
من الدوار لافيل قصة ربيعة "باللهجة الجزائرية"
Short Storyعندما تتجرد القلوب من الرحمة ...وعندما تتصدر لغة المصالح قائمة الاولويات ....وعندما يقف عامل العادات ووالتقاليد حاجز بينك وبين رغابتك ...ستكون هناك كارثة ....#ربيعة ..فتاة تاهت بين ثنايا الظلم و الاستعباد ...لتجد نفسها تعارك الاهل قبل الغير ...فتاة...
