من الدوار لافيل قصة ربيعة "باللهجة الجزائرية"

2

#صفحة_هنا_نحكي_حكايتي
#ربيعة
#الحلقة_2
لحد لان قلتلكم الشي لي يميز العايلات تاوعنا بالمختصر المفيد المرا معندهاش حق حتى امهاتنا معاملينهم كالعبيد وهذ شي خلا ختي وبنات عمي يتبعو طريق تاع اماهتنا لانو كي فتحو عينيهم صبوهم غير للخدمة ....كيما قلتلكم بديت مقسومة بين الخدمة تاع الدار و القراية وليام لي نقعدهم كيما الجمعة ولا كاش مناسبة منعرفش قاع ترياح نخدم كيما بهية ختي وكناينا لانو كانو ثلاثة خاوتي متزوجين وكامل نطيبو في كوزينة وحدة ..حتى الكناين الله يحفظ و يستر جابوهم على حسابنا ..الخدمة يقدسوها .....طلعت لترمينال وكان لازم عليا نزيد فالفيتاس تاع القراية ولازم نحفظ ..هذا الامر بداو كامل ملاحظينو بابا وخاوتي كل ما يصيبوني رافد كراس ولا كتاب يقلولي علاه راكي تعبي في روحك علاه متنعليش الشيطان و تعاوني نسا خاوتك و ختك ...دايمن يقلوهالي دايمن ...حتى الام لي يقولو عليها سند مبداتش دعمني ..امنو القش تاع ليكول كيما ستيلاوات و كراريس نشريهم لروحي بعد ما نصنع الشربة تاع الفريك لي نقلولها (الحريرة) ..كي نصنعها نبيعا ونشري بيها القش بالرغم انو بويي و خاوتي قادرين يشرولي او بالاحرى يشرو كامل لليسي ...معليناش في افريل كان عندنا  العرس تاع واحد خويا كنا نوجدولو ..وحد لخطرة نسمع جدة تقلو لبويي روح انت ولا خوك جيبوها معليش خلوها تحضر غير قدام ناس روحو ..وبويي يقلها بعثيلها واحد من ذراري انا منروحش..ومن بعد عرفت  بلي راهي على عمتي لويزة ....عاودت جدة  حكمت خويا لي رايح يتزوج قاتلو روح ليها ثان مبغاش المهم لي تقلو ميبغيش يروح ليها بسيف بسيف باه قبل خويا الصغير...راه عرضها وجا ...كي جا لدار جا مخلوع تكون عندو شعال مجاش ..سمعتو يهد مع اماا ويقلها هذوك علاه عيشين هاك متقولوليش يجو هاكك للعرس ...بدات يما تقلو واش دخلك دبر ريسانهم ....هذاك الوقت كان عندي عمين مشفتش عمتي اما بناتها وحد 7 سنين ملي تزوجو ...ليصونصيال محطيتش مع الموضوع بزاف بصح بغيت نعرف واش هي السبة لي خلات عمومي وجدة يكرهو عمتي قاع هذ الشي وسيرتو بابا قاع ميحملهاش و بانتلي المشكل الاساسي بينها وبين بويي ....كنت نستنى فالعرس غير باه نعرف الصح ...حنا سقسينا من قبل قلولنا عمتكم كي مرض جدكم مجاتش ليه حتى كي مات باه جات ...بصح انا مدخلتليش في راسي نورمال جدي كي مرض اصلا الوقت لي مات فيه مات فالتسعينات وقت الارهاب يعني باين تولي زيراتها قليلة او منعدمة ..مقتنعتش بهذ السبة قلت لازم كي يجو للعرس نعرف ......المهم تحضيرات تاع العرس طيحتلنا الصحة   ..باسكو عروسات بكري تعرفوهم كي دايرين مكان لا طباخ لا والو سمانة وحنا نلايمو فالماعن ..والبيشان باه نغطو ..مكانش الكراسة كنا نفرشو الحساير....المهم ..نهار العرس كي رحنا جبنا العروسة وجينا وصدرنها باه سمعت بنات عمي يقلو راهي جات عمتي لويزة راهي جات .........هوما نهار دخلو وشفتهم ......#يتبع ...لسا ما شفتو ولا شي ....