من الدوار لافيل قصة ربيعة "باللهجة الجزائرية"

27

#صفحة_هنا_نحكي_حكايتي
#ربيعة
#الحلقة_27
كي سقسيت حسنة على شكون لي شرالي القش لي صبتو في شومبرتي ..قاتلي شراتولك ضرتك ...نخلعت ..قتلها كيفاه هذي ..قاتلي شوفي ضروك نحكيلك بالتفصيل ..قاتلي هو و الله لا يبغيها وهي تبغيه كثر ..قاتلي هو متعلق بالذراري بزاف ...بصح ميبينلهاش ستناو 15 سنة و مكان والو ..قاتلي و هذي عامين وهي من موراه باه يتزوج وهو مهوش قابل ...قاتلي حتى لحقت وين دابزو ...وقاتلي بدات متجهلاتو و مبداتش قاع تقعد عندو فالدار وبدات تخلقلو فالمشاكل غير باه يتزوج عليها ..قاتلي راحت ضربت عام في دارها بلا بيه غير باه يكره ويتزوج ....قاتلي حتى مع تالي باه قبل ...كي قاتلي هاك قاع زلت عليا ...قتلها يتسما انا داني غير باه نولدلو ..قاتلي شوفي ااا ربيعة متبديناش هاي باينة القصة حتى انتي ديته على رزقو ودراهمو المعادلة واضحة ديتيه على شبوبو ولا على اللاج تاعو ...فلحق صبت عندها الصح وحد الشوية ...قاتلي بصح الامور متبقاش هاك ...قتلها وكيفاه ضروك انا نعيش مع واحد  يخمم في وحدوخرة و يستنى فيا غير نولد ...قاتلي اسمعي الطفل هو الهدف تاعك ضروك ..قاتلي تخيلي تجيبلو طفل بعد اعوام من الانتظار كيفاه تولي تبانيلو قاتلي اقسم بالله غير يصنعلك جنة ...قاتلي املا معندكش حل وحدوخر غير لازم تساسيه ومتحاسبيهش وديجا مطلقهاش مزالت مرتو ..بغيتيه يرميها ...قاتلي اكسبيه في هذ الوقت لي راكم تستناو فيه البيبي ..قاتلي و نعطيك مفتاح اخر ..قاتلي جداه هي مومو عينيه تهلاي فيها و تشوفي النتيجة ....قاتلي و ديجا بغيتيها تتسقملك قاع من الجوايه وقيل ..قاتلي باينة تجي مفتوحة من جهة خلافة....المهم هي تهدر و انا غير نتصنت تقول عمتي راهي تهدر ...قتلها كون يجبدلي عليها شا نقلو؟ ..قاتلي يما شا قاتلك ..قاتلك ذيبة مع ذيبا و نعجة مع نعاج . قاتلي صبتيها تعاملك مليح عمليها مليح لبغات ضرتك صبتيها تكرهك و تعاملك معاملة سيئة عملها بنفس اسلوبها باه متحسبكش كافية   وجايحة و جاية من دوار . باسكو باينة راهي جايبة خبرك من سلفتكم تاع دزاير.....قاتلي حاربيها بنفس سلاحها ...قاتلي المهم لي نوصيك بها ضروك هي جداه باسكو ايلا ربحتيها رايحة تصيبها في صفك نهار طيحك ضرتك ...و بيانسور براهيم  ما راح يجي لا معاك لا معاها بصح يجي مع لي راهي معاه جداه 😉....المهم ديت من عند الحسنة بزاف صوالح ..كي فطرنا رجعنا لدار فالطريق بديت غير نخمم في هدرت حسنة ..شفت فيه شفت فيه ..وقتلو ا سي براهيم .....#يتبع...