#صفحة_هنا_نحكي_حكايتي:
#ربيعة
#الحلقة_8
بدلتني حسنة بنت عمتي حتى جدة و معرفتنيش نخلعت كي شافتني في هذيك الحالة داتني لوحدة شومبرة ...قاتلي باغية تبهدلينا قاتلي واش درتي في عمرك ...درت روحي نبكي قتلها انتي مشفتيش كي دخلنا بداو متغامزين علينا و بداو يضحكو ...قاتلي علاه يضحكو ..قتلها مشفتيش حالتنا في و سطهم مزالت ريحت الصوف فينا ...قاتلي ربي يسهل عليهم ...قاتلي روحي نحيهم ...قتلها ماشي كيما تبغي والله ما نحيهم ....خلاص ربحت لعيب لجدة ...رجعت لبلاصتها وانا دخلتها غير شطيح ورديح نحيت كامل دود لي كان في قلبي ..وقلت لي صرا يصير....ومنحكيلكمش على جدة كون صابت ذيك دقيقة نطيرو و نرجعو لدار باه تخبر بويي .... بصح نحيتها من بالي المهم نعيش اللحظة ...فليل كي بداو ناس يتفركتو ...وكملنا قاع... فرشتلي حسنة معاها فالشومبرة باسكو كنت متهلايا فيهم من قبل منساتش الخير ...المهم مجمعين و هدرة تجيب هدرة قاتلي كامل بداو يسقسو عليك منين انتي ..(بحال عجبتهم ) ....هذي حسنة تعرف طلع غيرالمورال وانسانة متفائلة بزاف ..ومنكذبش عليك اثرت عليا وبديت دايرتها قدوة باسكو ذاك العرسة بداو يعيكو غير حسنة حسنة ....قتلها ا حسنة شوفي جدة واش قتتلي وباين تخبر دارنا واش لبست ليوم فالعرس ...قاتلي وانتي باغية تقعدي خايفتهم لازم تبداي تبينيلهم نوايك ...قالتي نفضي لغبار على روحك و تمردي شوية ....قاتلي مديري والو ايلا بقيتي خايفة ...قتلها بصح ثما وين نروح ...قاتلي شوفي غير يقلقوك رواحي هنا عند عمتك ....كي شغل حسيتها تبريسي فيا بلاعني باه نهرب و ندير تبهديلة لبويي ....بصح انا مزلت مصرة باه منعيش هذيك المعيشة ....المهم وراتلي كيفاه نجي عندهم في حالة ما اذا صرات كاش حاجة .....ليصونصيال غدوا من ذاك عمرتلي حسنة كابة تاع قش و كسوة غير الله الله ...ديتهم وجدة من لي رحنا وهي تنقرش ..قتلها شوفي اجدة غير انتي خاسرة و الله ويتوشني بويي غير نهربلكم من دار كيما عمتي ...وترخي فيا بكف ..قاتلي عاودي عاودي ...(كانت حاسبة منيش عارفة) ....قاتلي شكون قلك عمتك هربت ...قتلها علبالي علبالي علاه تكرهوها باسكو مخرجتش كيما انتوما ....جدت بقات مخلوعة فيا مامنتش واش راهي تسمع ...قتلها ونزيدك حاجة والله غير نخبر كامل بنات عمامي و علبالي قاع تضربلهم في راسهم باه يديرو كيما عمتي ....املا شوفي يا تسكتي و نكملو حياتنا عادي يا تهدري يضربوني يقتلوني و لا مقتلونيش الصباح تصيبي غير بلاصتي .....قتلها انا لبست غير روبا كيما لبنات بغيتي تخبري بويي .....كي وصلنا لدار فاتت نيشان لبويي .........#صح_سحوركم ....
YOU ARE READING
من الدوار لافيل قصة ربيعة "باللهجة الجزائرية"
Short Storyعندما تتجرد القلوب من الرحمة ...وعندما تتصدر لغة المصالح قائمة الاولويات ....وعندما يقف عامل العادات ووالتقاليد حاجز بينك وبين رغابتك ...ستكون هناك كارثة ....#ربيعة ..فتاة تاهت بين ثنايا الظلم و الاستعباد ...لتجد نفسها تعارك الاهل قبل الغير ...فتاة...
