من الدوار لافيل قصة ربيعة "باللهجة الجزائرية"

18

#صفحة_هنا_نحكي_حكايتي
#ربيعة
#الحلقة_18
قتلكم راحت عمتي تشوف شكون لي جا لينا وانا من موراها  ..حتى صبنا جدة و عمي وخويا ....تشوكينا ...قالت عمتي راجلها بلع بلع الباب ولحقني نتعشاو العشا برد ...نخلعت وحد التعامل تحسب قاع مهمش ماليها ...راجل عمتي حشم مالقري مكانوش قابلين بيه كي جا خطب عمتي بصح  دخلهم عند الباب وقال لعمتي رواحي شوفي شا خصهم مهمش جايين يقعدو عندك ...عفست عمتي على قلبها وراحت ..بقات.بعيدة عليهم زوح ميترات ووتهدر معاهم قاتلهم واش خصكم ...قلها عمي شوفي الويزة واش خصك ...راكي بهدلتينا قدام لجنا....قلها ما بغيتي تجي تدي حقك ما بغيتي تروحي و تخطينا ..قاتلو هذا مايهمك غير الدراهم و التبهدايل......قاتلهم حتى انتوما بهدلتوني بين لجناس... ..قاتلهم طلبي الوحيد اني تمنيت نتزوح و ندير الدار و نخرج تحت جناحكم ...غلطتي الوحيدة هي اني رفضت نعيش تحت الذل ورفضت نكون عبدة تستغلوني لاخر لحظة في حياتكم ...كيفاش بهدلتكم ...جات جدة تهدر....قتلها عمتي خليني نكمل ...قتلها هذا الخير لي راني عايشة فيه راكم تشوفو فيه هذ كلو بفضل ربي ووبفضل هذ لي قلتو عليه سكايري وتاع ناسا اه ؟..وقيل صح كانت همتكم مصلحتي هاي مصلحتي شكون راهي عايشة كيما انا ...وبدات تبكي ...قتلهم مبيكمش واحد.يسكر ..بيكم انا لي مقدرتش نقعد تحت رجليكم ..قاتلهم واش هي غلطة تاعي وك جاكم راجلي من الباب الواسع ...كون مزوجنيش عمي الله يرحمو كون مزالي نطيب لنساكم و ولادكم ..كون مزالني نصلح على نعاج و البقر ونغسل فالصوف .....ومنبعد جات قودتني من يدي قاتلهم اك باغيين تدوها ..دمرتني عندهم وقاتلهم دوها بصح سقسوها فلول ايلا باغيا تروح معاكم قبل ما تدوها ...بديت نبكي انا ثان وعاودت رجعت وخزنت مورا ضهرها ...قتلهم شفتو ...شفتو بعينيكم ..ماليها ونكرتكم علاه راهي خايفتكم بيميزك .....قاتلهم يا هل ترى كاش نهار سقسيتو بناتكم و لا كنايكم واش راكم باغيبن هوما ديرو اه ؟ بلا متدخلو فيهم ...خزرت في جدت و قتلها انتي اما عمرك ايلا كنتي عليا حنينة بالرغم اني الطفلة الوحيدة في وسط ولادك ... وقاتلهم انا اوموا كي خرجت من دار رحت عند.عمي وتزوجت من ثم... وربيعة خرجت وجات عندي ورايحة تتزوج عندي ..بصح مرة وحدوخرة منضمنلكمش واش رايح يصرا مع بنات ولادكم  لي جايين و رايحة تصرالكم تبهديلة لي طول عمركم خايفين منها ......المهم جبدت قلبها عمتي مسكينة وحكات قاع واش كاين في قلبها واحنا كامل نسمعو ....مسحت دموعها وقتلهم واش خصكم تبانلي راح الحال عليكم باه ترجعو ...قتلها جدة مجيناش نجبدو الماضي و مجيناش ندابزو ..جينا نقلولك رانا باغيين نقسمو هذيك الفتيتة تاع لرض و لازم انتي تحضري ....عمتي رفعت حوجبها وقتلهم غير نساو ...يسموكم تحضرو انتوما لولا ...قتلها جدة فاه نحضرو ....#يتبع......