من الدوار لافيل قصة ربيعة "باللهجة الجزائرية"

26

#صفحة_هنا_نحكي_حكايتي
#ربيعة
#الحلقة_26
وصلنا لهذيك دار كي طبطبنا حلت عليا حسنة وهي تضحك ..عنقتها و حدة تعنيقة حتى وجعتها ...هي سبة فكلش لي لحقت ليه...كون وحدوخرة والله ما تدلك واش دارتلك بنت عمتك لي مكانتش تعرفك من قبل ...المهم دخلتني و براهيم راح ...قاتلي الفطور عندي اليوم ..قعدنا فالكوزينة نقو فالخضرة ..حتى قاتلي مراكي ناسية والو قتلها واش راني ناسية ...قتلي خمي مليح ...قتلها والو ...قاتلي عمتك عيطتيلها ..حليت فمي وقست هذاك الموس من يدي و رحت نجري لتيلفون ...ياااربي  على هذ النسية ...قابلتتي حسنة فالباب تاع الكوزينة و قاتلي اليوم تبهدلك و تسمعك وسخ وذنيك ...رفدت عليا سليمة سقسيتها وسقساتني  قتلها فوتيلي عمتي ..كي فوتتهالي مخلاتنيش قاع نهدر ..مخلتليش على نقعد قاتلي كون خليتي حتى عامين ولا ثلاثة و من بعد تبدلتي قتلي احوجي بلخف ..قتلها والله لا نسيت لحقت عيانة منا و منا ووط قولبتها .....قاتلي اودي معليش غير تهناي برك وتهلاو في بعضاكم و بلاكي ديري كاش حاجة من زي راسك وسيرتو الحوايج تاع الورق بلاك تسنيي ولا تبصمي على حاجة مكيش عرفتها كي تبغي ديري كاش حاجة عيطي لسليمة ....مسكينة عمتي هي غاد و قلبها عليا....المهم كي كملنا الهدرة رجعت مجمعة انا وحسنة جبدتلها على جداه و طريقة التعامل تاعها معايا ..قاتلي وك كانت عندها طفلة و ماتتلها هنا في فرنسا قاتلي كي شغل مرضت بسبتها على هذيك راعي بغياتك ...شعال غاضتني...وقتلها و مرت براهيم لولة ..قاتلي هذيك انسانة نورمال تبغي براهيم و قاع وكي مجبتش ذراري هي لي قاتلو تزوج ...وقتلها ضروك راه يروح ليها ..و ديجا وين راهي ساكنة ..قاتلي ساكنة عند خوها و خدامة طباخة لوحدة لخدما عرب هنا..ووقاتلي واه يروح ليها باسكو مزالت مارتوو....المهم حكاتلي كلش و بالتفصيل الممل ...كي وجد الفطور جا راجل حسنة و براهيم حطتلهم يفطرو فالصالو وانا وياها نفطرو فالكوزينة ...قاعدين مجمعين حتى تفكرت القش لي صبتو فالشومبرة ..خبرتها قتلها شوفي واش صبت فالشومبرة و جدات براهيم قاتلي منيش انا شريتهم ..قتلها ا حسنة مكيش انتي ..بدات تضحك قاتلي منيش انا و قتلها شكون ..قاتلي انا في بالي و ايلا مخيبنيش ضني .....#يتبع.....