#صفحة_هنا_نحكي_حكايتي
#ربيعة
#الحلقة_4
المهم قاعدة مجمعة مع حسنة بنت عمتي لويزة ونجبدلها في لسانها باه تخبرني واش كاين ...قاتلي بلي القصة تاع جدي قاع مكاش منها ..قاتلي يما نهار جاو يخطبوها بويك عفسلها فيها بحكم انو هذ الراجل (لي هو بابا) لي جا يخطب يما غير تاع شراب ونسا ويما قبلت بيه بسيف قاتلي وهذيك ليلة كي جاو يخطبوها مقبلوش ب بابا و يما راحت عند عمها وحدوخر وتزوجت ثم عندو ..لي فهمتها من حسنة انو عمتي تزوجت بلا رضاية جدي و عمامي ...قتلها كي يكرهوها علاه مخلينها تجي و راهم مستحملينها ..بدات تضحك قاتلي وقيل حاسبة راهم يخلوهو تجي غير هاك وصايي وراهم باغيينها قاتلي وك هذي لرض لي راكم بانين فيها انتوما وعمامي كامل في اسم جدي ...ومبغاتش تتباع بسكو يما مبغاتش تسنييلهم و مبغاتش تديهم دراهم وقاتلهم تزيدو فيها شوية نجي ندي شمبرة شمبرة من دياركم ونسكنلكم هنا و نولي نخرج منا بالميني ( ايييه يا عمتو لويزة طلعتي صعيبة ) ...قتلها ويماك علاه مهيش باغية تديهم دراهم ..قاتلي راكي باغيتهم يقطوعها على جدة و دوراهم..قتلها بصح حتى جدة و متبغيهاش..قاتلي علبالنا ...كيما هوما راهم مستحملينا على جال الناس حنا ثاني رانا نجو ليكم قدام الناس وقدام عمامي ..( يعني كل واحد و يشوف لسلاكو بصح عمتي هي لي راهي حاكمة العصا مليح ) ...ولي زادت اكدتلي هذ الهدرة هي راجل عمتي جامي شفتو ..عرفت بلي غير مرحب بيه ..قتلها صح واش هذ الكسوة لي راكم لابسينها ..قاتلي احنا كي وعينا على الدنيا صبنا عمتاتي وجيرنا يلبسو هاكك وديجا في فرنسا مكانش لي يحط معاك ...عاودنا دخلنا فالسوجي تاع فرنسا كل ما تحكيلي حاجة تزيد تحمسني ..جبدتلي على خوها قاتلي يما رايحة تزوجو ..قتلها بصح صغير بدات تضحك قاتلي انتي صغيرة ..قاتلي ونزيدك حاجة عرسو في جوان ....قتلها كووون غير تعرضونا و من بعد سكت قتلها احي قاع تعرضونا و منجوش باين ميخليناش بويي...قاتلي اسكتي اسكتي والله غير تجي جدة باسكو يهمهم ضحك الناس وتجي قدامهم ....قاتلي شوفي كي ديري ورواحي معاها ......درتهالي في راسي وقلت لازم نروح ...ليصونصيال عطاتني تلفون تاع الفاكس تاعهم قاتلي هذ التلفون تاع الدار كاش ما يكون عيطلينا ...منكذبش عليكم انا تان حسيتها تتقرب مني غير في جال الاخبار ....بصح كنت قابلة معليش المهم حاجة بحاجة وانا غير ذيك الدار لي دخلتها وان شاء الله الانطلاقة تكون من ثم .....#صح_سحوركم .....لسا ما شفتو شي .....
YOU ARE READING
من الدوار لافيل قصة ربيعة "باللهجة الجزائرية"
Short Storyعندما تتجرد القلوب من الرحمة ...وعندما تتصدر لغة المصالح قائمة الاولويات ....وعندما يقف عامل العادات ووالتقاليد حاجز بينك وبين رغابتك ...ستكون هناك كارثة ....#ربيعة ..فتاة تاهت بين ثنايا الظلم و الاستعباد ...لتجد نفسها تعارك الاهل قبل الغير ...فتاة...
