#صفحة_هنا_نحكي_حكايتي
#ربيعة
#الحلقة_12
راح يحي يشوفلي النتيجة وكي جا صابني نستنى فيه قلي ....شاف فيا و قلي والله ما جبتيه ..طحت كيما اللوحة على لرض ...مشفيتش على روحي حتى صبت روحي مقعديني في وحد الكرسي ويشربو فيا فالما ...ااه ياربي انا كي ندير ضروك ...اه ياربي املي الوحيد لي مشيت على جالو هذ المسافة كامل راح ...ضروك كي ندير وكيفاش يصرالي ..بقات عمتي تقولي معليش مزال عندك الوقت والعام الجاي تجيبه راكي عند عمتك ما يخصك والو ...دخلت في مرحلة كأبة الله لا يشوفكم ...و موليتش نصبر ...المهم فات صيف كامل ودمعتي على خدي ..غاضتني بزااف ...كي قربت الدخلة ..قاتلي عمتي نروح انا وياك نجيبو دوصي تاعك و عاودي قراي هنا وصايي ...باينة بلي نقبل معنديش حل اخر ...كي رحنا نجيبو الدوصي قلي المدير دوصي تاعك داه بويك ...قتلو عاود عاود ..قلي كيما سمعتي ابنتي جا داه وقلنا بلي تحولتي ....قتلو بصح انا ما لحقني حتى دوصي ....قلي اااه شوفي مع ولي امرك ....عمتي جن جنونها وما ولاتش تفرز ..خلاتني فليسي ..طلعت نيشان لدارنا ...قاتلو جيب دوصي ولا ندي بنتك ليجوندارم و نشتكي بيك ...قلها ديها ...جات عمتي تجري قاتلي فوتي معايا ..قاتلي فوتي وشتكي بيه قوليلهم حاوزني و حبسني من القراية ...بقيت تشوف فيها وانا مقهورة ..قتلها اعمتي صيبو منيش قادرة منقدرش ندخل و نوقف مع بابا فالشرع ...قاتلي فوتي هذو ميفهوش غير بالشرع ...بصح بقيت في رايي وقتلها لالا ...هي ثان غضتها ...قتلي املا خيري ترجعي عند بويك يديرك نعجة من نعاجو ولا تروحي تغسلي لولاد سليمة ....قتلها نروووح نغسل لولاد سليمة ...قاتلي بصح نقلك حاجة انا منقبلش المشاكل في داري اي مشكلة بينك و بين كنتي تاكدي منيش رايحة نكون في صفك ...مع يحيى يموت على سليمة بطبع متخليش وليدها و تجي معايا ....(زيرتني وحد التزيارة الله لا يشوفكم )....بصح مكانش عندي حل الا اني نقبل بالمكتوب و صايي ...رجعت لدار و دايرة في بالي نفريني و خلاص ...وصلنا لدار وكي خبرنا سليمة بشي لي صرا حسيتها فرحت من قلبها ...قتلها في قلبي فرحي وزيدي بونيشة جات ليك حتى لرجليك مع هي غير تاع ضفارتيها و شعرها ....وزيد ولدت وهذاك طفل سامحة فيه ..بديت انا نكوشو و نوكلو و ندوشلو ..ليام لولا بديت نخدم معها النوبة بصح ملي رفدت الكرش بالزاوج مبداتش ترفد كاس من طريق ...وليت نديلها البلا تاع الماكلة لعند رجليها ....انا كامل فالقصة مغضتنيش هذ الميزيرة كيما غاضتني لي مصبتش واحد يحن عليا ونحكيلو درت كامل هذ الصوالح وحدي ...مي معليش راني صابرة ....تقريب عام وانا على هذيك الحالة ما تبدل والو فيا ...وحد ليام بديت نروماركي في عمتي تلبس و متهليا في روحها كل سمانة دير كوب لشعرها وانا لي في عمري 22 منمشط شعري ..مام سليمة دايمن فالمراية ....وزيد مي نطل من الباب نصيب لبنات كامل متهللين في روحهم .قلت انا علاه منلبسش ونستيكي روحي ....ضربتلي في راسي .. ...بصح انا منخرجش غير مع عمتي ولا بصالحة ضرورية ..رجعت لكسوت حسنة القديمة لي مخليتهم و بديت نلبس منهم وبديت نتهلا في روحي ...من هنا تبدى طريق اخرى .......#صح_سحوركم .......لسا ما شفتو شي ......مع #فطووو مش حتقدر تغمض عينيك ...بيميزك واش راح يصرى ......هذي الحلقة تاع الصحور قدمتها شوية بصحتكم و تصبحون على الف خير
YOU ARE READING
من الدوار لافيل قصة ربيعة "باللهجة الجزائرية"
Short Storyعندما تتجرد القلوب من الرحمة ...وعندما تتصدر لغة المصالح قائمة الاولويات ....وعندما يقف عامل العادات ووالتقاليد حاجز بينك وبين رغابتك ...ستكون هناك كارثة ....#ربيعة ..فتاة تاهت بين ثنايا الظلم و الاستعباد ...لتجد نفسها تعارك الاهل قبل الغير ...فتاة...
