من الدوار لافيل قصة ربيعة "باللهجة الجزائرية"

14

#صفحة_هنا_نحكي_حكايتي
#ربيعة
#الحلقة_14
قتلكم عيطت حسنة لعمتي وقاتلها فوتيلي ربيعة ..بقيت نهدر معاها قاتلي اسمعي انتي شديتي الدراهم على السيد لي بعثتولكم ..قتلها ايه جا بصح مبغاش يعطيهمني...قاتلي واش رايك فيك ....قتلها كيفاش واش رايي فيه ...قاتلي بلا ما نكثرو الحديث ...سيد راه يحوس على طفلة لزواج و كي جا ثم وشافك عيطل لراجلي وقلو عليك ....تفيكسيت في بلاصتي كيفاه انسان كبير كيما ذاك يقول عليا انا ....مصبتش واش نقلها باسكو عمتي بدات تشوف فيا ...بقيت نقلها غير امممم اممممم كي مصبتش واش نهدرلها قتلها ها تهلاي في روحك ...هي فاقت بلي عمتي راه فوق راسي ..قاتلي اسمعي كي تصيبي الفرصة عاودي عيطيلي تصيبي نيمرو تاعي غير ثم تحت تلفون ..قتلها صحا تبقاي على خير....ملي كوبات وانا منيش في حالي ....منيش متخيلة الدنيا كيما هاك كيفاه نقدر نتزوح بواحد كيما هاك ....فاتت تقريب يومين وانا نخمم ..كيفاش نقدر نعيش مع واحد كيما هاك ....ديت قرار اني نقلها لالا وصايي ..وديجا مزالني صغيرة و جاية. لدنيا ....ذيك لحظة خممت غير فالجانب المعنوي وكيفاه رايحة تكون حالتي النفسية قاع مخخمتش فالمعيشة لي رايحة نعيشها ....المهم وحد الخطرة خرجت عمتي كي عويدها وسليمة دخلت دوش ....رحت زدت لتلفزيون شوية و عاودت عيطت لحسنة ...قاتلي صبتيني نستنى فيك بعدا ..قتلها اسمعي حسنة غير نحي واش راه يدور في بالك امبوسيبل نقبل بواحد كبير..قاتلي اجايحة هذي وسمها فرنسا ماشي دواركم لي كنتي ساكنة فيه ..وقيل راكي حاسبة منيش عارفة واش راهي دايرة فيك سليمة..قاتلي السيد ياخي شفتيه المعيشة باينة في وجهو ...وبخير عليه وصاحب راجلي نعرفوه مليح مليح ...ماشي كنتي باغية فرنسا ..شعال تقعدي وانتي تربي في ولاد سليمة وتقيسي في ليكوش .....قاتلي خمي مليح متستنايش جان صغير ميخليش  البوبنات هنا ويجي ليك .......مخلاتتنيش قاع نهدر ...قاتلي اسمعي ني هابطة هذ الشهر وقبل ما نجي نصيبك خممتي ....روح يا ليام و رواحي يا ليام و حالتي ماهي حالة ..وانا كي ندير ضروك مكان حتى واحد يرايي عليا لا ام لا اخت .....المهم جات حسنة و راجلها كي شفت راجلها نخلعت كبير على ااراجل لي قاتلي عليه ....فات هذاك نهار لي جات فيه غير استقبال و جماعة ....فليل قعدنا وحدنا قاتلي واش خممتي قتلها اسمعي حسنة .......#يتبع...