من الدوار لافيل قصة ربيعة "باللهجة الجزائرية"

11

#صفحة_هنا_نحكي_حكايتي
#ربيعة
#الحلقة_11
بقيت نستنى في عمتي ويحي كي يجو من دارنا ونشوف واش قالولهم ...المهم صرات خالوطة كببرة و حوزوها قلولها بسبتك هربت وراهي عندك خبرة فهذ المجال وقدرتي تاثري فالطفلة كي انتي كي الخامجات تاع بنتك ..طفلة ما تعرف لا دخلة لا خرجة كيفاش راحت لعندك لوكان ما انتي عمرتيلها راسها ...المهم جيت نقلها سمحيلي قاتلي روحي ترقدي ني عاينة غدوا نهدرو عليها ....ذيك ليلة ما صبت لا نفرح ولا نحزن منها تهنيت من الميزرية و نقدر نكمل قرايتي و منها بقيت نخمم في اهلي كي يصرالي من بعدهم و يا هل ترى تبقى عمتي مستحملتني كثر .....ولي دات نصي هي مرت يحي سليمة كيفاش رايحة تعاملني ..وزيد ايلا مجبتش الباك كيفاش .....ليصونصيال ذيك ليلة بت حية غدوا من ذاك صباح نضت بكري مجانيش رقاد كي فطنت صبت عمتي تشرب في قهوتها قاتلي رواحي ريحي ...قاتلي ايلا مجبتيش الباك كيفاه ديري ..قتلها نقعد عندك منروحش قاتلي بصح انا شعال ندوملك ...وانا هذاك الوقت كنت نلبز فالهدرة برك ...قتلها زوجيني كيما بناتك ...حطت ذاك الفنجان تاع القهوة وبدات تضحك ...طلعتني بصبعها وهبطتني ..قاتلي انتي بهذ الحالة باغية تزوجي زواج بناتي .....خلعتني كيفاه هدرت معايا بهذ الطريقة ...انا من الحشمة سكت ..ومن بعد قتلها لي تقوليلي عليها نديرها المهم رضايتك اعمتي ....قاتلي شوفي كاش ما بويك هذاك العفريت جاب ليجوندارم و لا شتكا بيا قولي بلي جيتي وحدك ...كي نتهناو من السلعة تاعك ...نمشو في طريقنا ...قتلها متخميش ......قاتلي املا نوضي لهذوك الكسوة غسليها ....نخلعت ...قاتلي مالكي مخلوعة وقيل معولة تفوتي الفاكونس هنا ...قتلها لالا نوض نوض ..(قلتلها في قلبي انا موالفة بصح عرفت بلي مزال يستنا فيا بزاف ) ....نضت نغسل في هذوك الكسوة حتى جات لالة سليمة قستلي كسوتها عند رجليا و قاتلي متنسايش تغسليهم معاك ومذابيك تشليهم مليح ......تشوكيت .....تعمرت تعمرت جيت نوض ليها ....حتى قلت في قلبي اصبريييي اا ربيعة ختي اصبري ....علاه عولتي كي هربتي من داركم ...في داركم كنتي تخدمي كثر من هاك ...درتها في قلبي وبلعت عليها ...روووح يا نهار و رواح يا نهار ...وليت نخدم يد بيد مع سليمة...ونستنى فالنتيجة تاع الباك ....كي لحق وقت الريزلطة مصبتش شكون يقلي مكان لا لنترنات لا هذيك العفسة تاع موبيليس ...عمتي قالت ليحي روح شوفلها ايلا جابتو ...هو راح و انا بقيت عند الباب نستنى فيه و قلبي في يدي ....حتى مع العشية كي جا فتحت عليه ..وقتلو متخلعنيش واش صرا جبتو ولا مجبتوش .......#يتبع....