مر شهر وكان مليئ بالالم للكثير فمازن لم يحرره من يد آسر سوى تدخل جده...فهو مر عليه ذلك الشهر وهو يحاول ان يجد طريقه لدخوله ايطاليا دون ان يشعر به احد حتى لا يكون السبب فى ايذائها.
وملك لم تكن هى فى افضل حال بعد هروبها فكانت تشعر بوجود نقص فى كل شئ على الرغم من عملها فى شركه كبيره بعد سفرها وتعرفها على فتاه مصريه تعيش بالخارج واصبحت صديقه مقربه لها فى وقت قصير
رونا : بقولك ايه يا موكاا ما تيجى نخرج النهارده بعد الشغل نعمل شوبينج ونفك شويه من ضغط الشغل ده
ملك بإرهاق : معلش يا رونا مش هقدر النهارده انا تعبانه جدا من الشغل
رونا : انتى بقالك ٣ ايام تعبانه وعلى طول دايخه مالك فيكى ايه
ملك :انا كويسه بس ممكن اكون خدت دور برد ولا ا.........
لم تكمل كلامها حتى سقطت مغشى عليها
رونا : ملككك..........
_________________
فى احدى الملاهى الليليه
كان يجلس آسر مع ضياء وهو يمسك باحدى زجاجات الخمور ويشرب منها كانها ماء اتى اليه فى اثناء شده عطشه
ضياء :خلاص كفايه بقا يا آسر سيب الزفت اللى فى ايدك ده وكلمنى
آسر : عايز ايه....قوم روح انت قاعد معايا ليه اصلا انا عايز ابقي لوحدي
ضياء :يا عم فوق بقا عشان حتى تعرف تدور عليها وترجعها تانى
آسر ببرود : ادور على مين انت اتجننت انا اصلا مش طايق سيرتها وبقيت بكرها خلاص....مش هى اللى سمعت كلام عيل غبى وسابتنى وهربت
ضياء :بس انت لسه بتحبها يبقا لازم ترجعها هنا تانى الاول وبعد كده ابقى اعمل اللى انت عايزه
آسر بعصبيه: بحب ايه انت مبتفهمش بقولك بكرهها
ضياء :طب تقدر تفهمنى عامل فى نفسك كده ليه طالما انت بتكرهها كده
ليسكت قليلا يفكر بشرود :عامل فى نفسى كده ليه؟...هقولك عشان انا واحد غبى ولاول مره فى حياتى اامن لحد كده...انت عندك حق انا فعلا لسه بحبها بس ده عشان انا غبى.....عارف انا فى حياتى دى كلها مكانش عندى نقطه ضعف نهائى لحد ما هى دخلت حياتى....عشان كده بقيت بكرهها حتى لو كنت لسه بحبها انا عمرى ما حسيت ان انا ضعيف كده غير دلوقتى هى السبب فى الضعف ده .....ليلقى بعدها الزجاجه بعيدا
ضياء : طب يلا قوم نمشى ده انت شكلك سكرت كده
آسر : اسكر ايه بس انت عبيط....انا غبى مش سكران وكم......
قاطعه وصول مكالمه من خلال الهاتف الذي يقوم بمراقبته ليفتحه سريعا ويستمع لهذه المكالمه
فتح آسر التسجيل لتتغير معالم وجهه ١٨٠ درجه
آسر :انا ماشى وماتجيش ورايا
أنت تقرأ
المجهول (Anonymous)
Любовные романыظابط مخابرات يعتبر هو الانجح في عمله ، وفتاه بريئه تتعرض لظلم من ابيها وزوجته ، ما هو الشئ الذي من الممكن ان يجمع شخصيتين عكس بعض تماما لا يوجد بينهم اي رابط او هكذا يظن الجميع
