المجهول (Anonymous)

part 31

نظرت لها ملك بشوق بعد ان استمعت إلى قصتها ولكن لماذا يتخلي عنها والدها بتلك الطريقه فقامت ملك وحضنتها

ملك بحزن : يعني انا كده كنت بروح لقبر مين اشكيله من اللي بيحصلى..مين اللي مدفون هناك يا تري حد مالهوش ذنب ولا مافيش حد اصلا

آسر :مين تاني كان عارف الموضوع ده غيرك

فاطمه :مكنش في حد غيري انا وواحده صاحبتي بس من يومها ما اعرفش عنها حاجه ولا اعرف هي راحت فين

آسر : فهمت تمام ان شاء الله خير

فاطمه بخوف : بس هما دلوقتي لو عرفوا ان ملك رجعتلي ممكن تتأذي

آسر وقد اصبح كالبركان الثائر : يبقي حد يفكر مجرد تفكير بس والله هخليه يتمني الموت من غير ما يطوله

فاطمه :كتر خيرك يا ابني وكفايه اللي انت عملته معانا لحد كده احنا مش عايزين نتقل عليك ونسببلك مشاكل

آسر : لا هي المشاكل بدأت خلاص ودلوقتي وقت ان هما اللي يخافوا مني ،مش مراتي اللي تتهدد وانا هقعد ساكت

فاطمه باستغراب : مراتك مين

آسر بعد ان ادرك انه لم يخبرها بعلاقته بملك : انا وملك متجوزين

فاطمه : الف مبروك يا حبايبي ،بس كمان معرفتش احضر فرح بنتي

آسر وهو يمزح بعد ان هدأ قليلا : لا ده انتي جيتي في وقتك بالظبط احنا كتبنا الكتاب ولسه هنعمل الفرح قريب بس مستني اخلص من المشاكل دي كلها

فاطمه : ربنا يقويك يا ابني

آسر : صح والله انا كنت بقعد اسال نفسي ملك جايبه الطيبه دي منين بس اهو عرفت خلاص

فاطمه بصدمه : انا من الصدمه نسيت اقول لهبه دي هتفرح اوي

دخلت هبه : انا سمعت كل حاجه يا اختي بس من الصدمه مكنتش قادره اتحرك
ذهبت هبه وحضنت ملك
هبه : حمدالله على سلامتك يا حبيبتي
ملك : الله يسلمك
هبه وهي توجه حديثها لاسر :بس انت بجد تستحق اللي مازن بيقوله عليك وعرفت ترجعها ،ده يا عيني مازن عمال يدور في الموضوع بقاله اكتر من سنه ولسه موصلش لحاجه

آسر بضحك : سنه !!! لا سيبك من مازن ده ظابط علي ما ربنا يكرمنا ونلاقي ظابط

ضحك الجميع واستمر الحديث بينهم

آسر : خليكي يا ملك هنا شويه وانا هروح اتكلم مع فطومه في شويه حاجات

ملك :خلاص ماشي

دخل آسر وفاطمه الي غرفه اخري وبدأ يتحدث معها عن باقي الاحداث التي لم يعرفها بعد

دق باب المنزل معلنا عن وصول مازن

فتحت له هبه الباب ليدخل بمرح كالعاده ولكن أوقفه رؤيته لملك

مازن : ايه يا ماما مين القمر دي ،ياريت تكوني جيبالي عروسه