ليتحدث بغضب شديد :مش عايز اسمع منك ولا كلمه
ملك وهي تبكي :اسمعني يا اسر
آسر :انا مش عايز اسمع حاجه وتخرصي خالص لحد ما نوصل
ودخل آسر للمنزل بغضب وهو يتحدث في نفسه "انا حد يكدب عليا...ليه انا اكتر حاجه بكرها الكدب..انا عارف انها مكنتش تعرف اللي هيحصل ليها بس ليه تكدب عليا...والله هندمك يا ملاكي علي اليوم اللي فكرتي تكدبي فيه علي اسر المنشاوي"
ملك :آسر ممكن تبصلي وتكلمني
آسر بانفعال :هاااه عايزه تقولي ايه تقوليلي ازاي كنتي بتفكري تخدعيني وتقوليلي رايحه لصحبتك عايزه تقوليلي ازاي افتكرتيني مغفل وهصدقك عايزه تقوليلي انك روحتي هناك عشان بتشكي فيا عايزه تقولي ايه يا ملك انطقي
ملك وهي تبكي :عايزه اقولك اني روحت هناك عشان خوفي عليك لو سلم الفيديو اللي معاه
آسر بضحكه الم :انتي بتحطي تبرير لنفسك انتي كنتي شاكه فيا انا بالنسبه لك وحش وانتي بتحاولي تحللي هو انا ايه بصيلي انا مجرم وارهابي وآله للقتل لو مش عاجبك كلامي من دلوقتي ابعدي وسيبيني انا اكتر حاجه بكرها في حياتي هي الكذب وانت كذبتي عليا وانتي بتبصيلي من غير ما تترددي لحظه طب افرضي انا كنت مغفل زي ما انتي فاكره ومعرفتش انك بتكدبي عليا تقدري تقولي كانت هتبقا حالتك ايه دلوقتي تقدري تقولي كنتي هتبقي فين مجرد جثه هيرموها للكلاب من غير ما يفكروا لو اتأخرت كام دقيقه بس كنتي اتقتلي تقدري تقوليلي عذر واحد ل اللي حصل
ملك وهي تبكي :والله انا فكرت كتير انا رايحه ليه هناك بس السبب الاكبر كان خوفي عليك
آسر :كنتي هتموتي نفسك بسبب غبائك وتقوليلي خايفه عليك....ملك انا مش عايز اسمع حاجه تاني وامشي من قدامي عشان ما اعملش حاجه اندم عليها
ملك اومات بيأس :حاضر يا اسر بس والله انا آسفه
وذهب اسر لفريقه وهو في اقصي درجات الغضب
يونس :اوباااا الحق استخبي انا احسن اسر بيطلع دخان من ودانه
محمد :مالك يا آسر في ايه
آسر :مافيش حاجه ومحدش يفكر يكلمني دلوقتي
يونس بغضب مصطنع :لا ما انا هتكلم مش هتمشوناا علي مزاجكم
آسر :اقعد ياض انت في حته مش ناقصك
يونس وهو يقترب من اسر ويجلس بجواره :آسر انا طالب القرب منك
آسر :ابعد عني ياض انت هتغابي عليك
يونس بحزن مصطنع بعد ان وقف:ماشي يا عم مش عايز حاجه خلاص شكرا يا صاحبي او ياللي كنت فاكرك صاحبي
آسر ضحك عليه :خلاص يا عم الرخم عايز ايه ولخص
يونس وهو يجلس مره اخري بجواره :لا اذا كان كدا نقعد تاني بقا ثم تابع حديثه بهزار "بص يا عمي انا جاي النهارده عايز اطلب ايد بنت عم حضرتك البت الرخمه اللي عندكم اللي اسمها حزن....ق.قصدي فرح ايه رايك"
آسر :الله يخربيتك يابني حتي في دي مش عايز تتكلم جد ابدا...طب احنا معندناش بنات للجواز غير لما تتعدل
يونس بمزاح :اتغير مين لا يا عم انا اساسا مش حابب فكره الجواز ده انا كنت ناوي انقذ العيله بتاعتكم منها
آسر :خلاص يا عم لو عليا انا موافق
يونس بفرحه :خلاص يبقا الفرح بعد بكرا
آسر :انت عبيط يلا غور بقا من هنا مش ناقصك وبعدين لسه هناخد رأيها
يونس :لا يا عم رأي مين هي تطول اصلا ده انا كنت هتجوزها بدل ما تعنس عندكم
آسر :انا شكلي هفوق ليك مخصوص
يونس بخوف مصطنع :لا يا عم احيات عيالك خلاص خد رأيها براحتك وعلي اقل من مهلك انا مش مستعجل يا كبير ورانا ايه يعني
آسر :طب يلا علي بيت الحاج عثمان عشان نتغدي
والجميع علي المائدة
آسر :بما ان الكل موجود ف انا عايز اقول لجدي وعمي همام في موضوع يخص يونس..بص يا جدي انا اعرف يونس من بدري هو عبيط اه بس طيب
يونس :ربنا يخليك يارب مش عارف افرح اني طيب ولا ازعل اني بتهزق
آسر :بس يلا عايز اكمل كلامي
عثمان :خير يا ولدي
آسر :لا خير ان شاء الله...هو بس كان عايز يطلب منك يتجوز حزن..قصدي فرح...الله يخربيتك يا يونس الكلب اتعديت منك
عثمان :وانا موافق بس نشوف رأي فرح وانت يا همام موافق ولا ايه
همام :اللي تشوفه يا حاج وانتي يا فرح رأيك ايه
فرح نظرت لهم بخل وهي لا تستطيع التحدث
آسر :خلاص يبقا موافقه الف مبروك
يونس وهو يمزح :ايه ده بالسرعه دي انتوا ما صدقتوا تخلصوا منها ولا ايه
آسر :بس يلا بدل ما ابوظ الجوازه من قبل ما تبدأ
يونس :لا يا عم قلبك ابيض ثم اكمل"بس انا ماليش دعوه انا عايز اتجوز مع آسر"
آسر :يا عم هو انت ابن اختي متعلق فيا
عثمان :خلاص يابني علي خيره الله يبقا فرحك مع اسر
هدي في نفسها :ده لو خليت اسر يتجوز البت دي اصلا انا خلاص مش هسيب اسر لحد تاني والجوازه دي مش هتكمل
فات يومين وملك بتحاول تكلم اسر وهو مش عايز يكلمها وهي كالعاده بتعاني من مرات ابوها وبنتها اللي مخلينها تعمل مجهود في البيت بس بخبث عشان محدش يحس بحاجه وملك مش بتحكي لحد عشان مش عايزه ابوها يرجع يكرهها تاني وعثمان طلب من اسر ان يتم كتب الكتاب وهو في فكره ان يكون باستطاعه اسر حمايه ملك من زوجه ابيها فهو يعلم انها ستحاول جرح ملك علي ان يكون ميعاد الفرح في معاده
وتم كتب الكتاب في ظل صمت آسر وغضبه من ملك
في مكان في غرفه هدي مع امها
هدي :انا ماليش دعوه انا اللي هتجوز اسر يا ماما انتي لازم تتصرفي
يسرا :اتصرف في ايه اعملها ايه يعني
هدي :تقعني ابوها يلغي الجوازه دي
يسرا :هو اصلا ميعرفش ياخد قرار في الموضوع ده مش بمزاجه
هدي :طب احنا لازم نتصرف
يسرا :استني انا هطلع عنيها النهارده هعزم اخواتي وعيالهم وهمشي الخدم كلهم لما توريني هتعمل ايه
هدي :بس افرضي قالت لاسر
يسرا :لا مش هتقوله عشان ابوها ميضربهاش او يزعل منها وكمان انا من يوم ما وصلنا وشايفه اسر مش طايقها مش عارفه هو عايز يتجزها ليه لما هو مش طايقها كدا
هدي :يارب يا امي الجوازه دي تبوظ
(يسرا عائلتها من اكبر عائلات الصعيد وبينهم خلافات مع عائله المنشاوي)
يسرا دخلت غرفه ملك :اسمعي يا بت انتي النهارده اخواتي جايين هما وأولادهم عايزاكي تجهزي ليهم الاكل وتشوفيهم هيحتاجوا ايه
ملك :بس دول كتير عليا اعمل اكل ل ٢٠ شخص لوحدي خلي هدي وخديجه يساعدوني
يسرا بانفعال :ليه شايفه عيالي خدامين عندك يلا يا بت بدل ما اقول لابوكي
ملك بيأس :حاضر هروح اجهز الاكل من دلوقتي
ملك خارجه بتعيط علي حالها رأتها اميره
اميره :مالك يا ملك بتعيطي ليه
ملك :انا خلاص مش مستحمله كل اللي بيحصل ده حتي اسر اللي افتكرت انه مش هيبعد عني بعد كل اللي بحبهم بيبعدوا عني حتي ابويا مضطره اكون خدامه عشان يفضل موجود في حياتي
اميره :طب احكيلي ايه اللي حصل والعقربه دي عملتلك ايه....
بعد ان حكت لها ملك كل شئ
اميره :وانتي ليه تسكتي روحي قولي لجدك وهو هيوقفهم
ملك بتلعثم:لا انا مش عايزه بابا يكرهني يا اميره سيبيني يا اميره اخلص الاكل ...سلام
أنت تقرأ
المجهول (Anonymous)
Romansaظابط مخابرات يعتبر هو الانجح في عمله ، وفتاه بريئه تتعرض لظلم من ابيها وزوجته ، ما هو الشئ الذي من الممكن ان يجمع شخصيتين عكس بعض تماما لا يوجد بينهم اي رابط او هكذا يظن الجميع
