وجلس وحيدا حتي وقت متأخر من الليل وركب سيارته مره اخري وذهب الي احدي الملاهي الليلية وجلس وبدأ في تناول الشراب بشراهه كبيره وهو يريد ان يمحي اي شيء في عقله يفكر بها
علي طاوله اخري يجلس مجموعه من الاصدقاء معا
نظرت احدي الفتيات بصدمه : بت يا منار مش اللي وراكي ده آسر اللي كنتي عماله تدوري عليه بقالك سنتين
التفت منار بسرعه لتنظر خلفها لتقع عينيها عليه وهو جالس وحيد ثم تحدث صديقتها بارتباك : ا..اه يلا انا هروح له بسرعه قبل ما يخلع
وذهبت هي اليه وجلست بجانبه : ايه الغيبه دي كلها سنتين محدش يعرف عنك حاجه ،بس وحشتني علي فكره
نظر لها آسر ببرود ولم يرد عليها
منار : طب حتي رد عليا ده انا بدور عليك من سنتين
آسر ببرود : لخصي في ليلتك الزفت دي يا منار ،عايزه إيه ماتوجعيش دماغي
منار : ماشي انا هسيبك دلوقتى عشان شكلك متضايق بس هستناك تكلمني
وقامت لتذهب ولكن آسر كأنه تذكر شئ كان غائب عنه فاردف بخبث : لا استني ،تعالي نمشي من هنا نروح نكمل كلامنا في القصر عندي بدل الصداع اللي هنا ده
منار : اه ،ما هو ده اللي بقوله من بدري
منار : هي فتاه بعمر ال ٢٥ من عائله غنيه وجميله يعجب بها اي شخص يراها معادا آسر الذي لم يكن يهتم لها رغم محاولتها لان تجعله يقع في حبها ولكن بدون جدوى فهو دائما ما يتجاهلها ولا يعطي لها اي اهتمام
______________________
فريد : يلا اطلعي نامي ،انتي ايه اللي مقعدك لحد دلوقتي
ملك بضيق : حتي القعده كمان عايزين تتحكموا فيا
فريد : اللي عملته ده كان من خوفي عليكي ،مش عشان بخاف عليكي تزعلي كده
ملك بسخريه : خوف عليا !! ما هو خوفك عليا دائما بيبقي باين
ثم شردت وهي تتذكر ما حدث معها
فلاش باك
اوصل احمد ملك للقصر وتقابلوا مع ضياء في الخارج
احمد : ايه بتعمل ايه هنا
ضياء : انا جاي اشوف اميره وهقعد شويه كده وماشي ،انت بتعمل ايه هنا
شرح له احمد بإيجاز ما حدث معهم
ضياء : طب خلاص يلا ندخل نستني آسر
احمد : لا اظن آسر مش جاي دلوقتي خالص انا همشي اروح اوصل ندي بيتها وهروح علي بيتي يا عم
ضياء : تمام ،وانتي عامله ايه يا ملك كويسه
ملك : اه كريسه تمام
ضياء : طب ادخلي انتي وانا هاركن وجاي
دخلت ملك الي الداخل وكان في انتظارها والدها ويسرا
أنت تقرأ
المجهول (Anonymous)
Roman d'amourظابط مخابرات يعتبر هو الانجح في عمله ، وفتاه بريئه تتعرض لظلم من ابيها وزوجته ، ما هو الشئ الذي من الممكن ان يجمع شخصيتين عكس بعض تماما لا يوجد بينهم اي رابط او هكذا يظن الجميع
