المجهول (Anonymous)

part 2

جات عربيه وخبططها واسر وقف اتصدم مكانه..
وفاق وجري عليها بسرعه وطلب الاسعاف وكلم ضياء
اسر:ضياء تيجي بسرعه ع المستشفي بتاعتنا
ضياء:خير يا اسر في ايه انت فيك حاجه
اسر:لا انا كويس بس انت تعالي بسرعه
ضياء:ماشي يا اسر مسافه السكه وهكون عندك
اسر:ماشي سلام

اسر الاسعاف وصلت وهو مصدوم وقالهم يطلعوا علي مستشفي المنشاوي ووصل المستشفي وهو خايف عليها ومرتبك ومش عارف يتصرف ازاي وواقف بيتخانق مع اي حد قدامه
وجيه ضياء وشافه واقف
ضياء:في ايه يا اسر قلقتني بالليل كده في حاجه ولا ايه
اسر بصدمه:ملك...ملك عملت حادثه
ضياء:ملك !!! ملك مين يا اسر في ايه
اسر:مش مهم المهم ادخل شوف الدكتور ده عشان هي لازم تفوق لو جرالها حاجه هموته يا ضياء فاهم هقتله
ضياء باستغراب من نبره اسر:ماشي ماشي انا هدخل  اشوف في ايه وهقولك

فات ساعتين واسر رايح جاي في المستشفي وضياء حاسس انه قنبله وهتنفجر قريب
ضياء:اهدي يا اسر في ايه مالك ومين دي وانت قلقان عليها ليه كده
اسر:هحكيلك يا عم بس مش وقته دلوقتي لما تفوق بس الاول
الدكتور خرج واسر جري عليه
اسر بارتباك:قولي ملك عملت ايه هي كويسه
الدكتور:الحمدلله لحد دلوقتي كويس بس هي فقدت دم ومحتاجه دم وفصيلتها ناقصه عندنا
اسر: انا ممكن اتبرعلها
الدكتور:طب اتفضل حضرتك مع الممرضه
اسر:تمام يلا

بعد ساعتين الدكتور دخل عليهم وقالهم الحمدلله عدت مرحله الخطر وشويه كده وهتفوق
اسر بتنهيدا وبدأ ياخد نفسه تاني:الحمدلله الحمدلله
ضياء:مين بقا دي يا اسر اللي انت عامل عليها كل ده
اسر:ملك تبقا...تبقا بنت عمي
ضياء بصدمه ومش مستوعب:بنت ايه بنت عمك ده ازاي ده

فلاش باك
محمد:ابوها يبقاا يبقا عمك يا قائد
فريد المنشاوي عمك
باك

اسر:اهو ده اللي حصل عمي فريد ساب البلد ولسه جايين القاهره وبالصدفه خدوا الشقه اللي جمبي
ضياء بمكر:بس انت متاكد ان حالتك دي عشان هي بس بنت عمك يا اسر.....عمامك اللي انت عمرك ما كنت عايز تقابل حد فيهم
اسر:اه طبعا بنت عمي وعمري ما اسمح ان يحصلها حاجه بس الكلام اللي سمعته دلوقتي ده مش عايز حد يعرف بيه انت فاهم
ضياء:فاهم يا عم متقلقش خلاص وفك كده خلاص هي بقيت كويسه الحمدلله
الدكتور خرج لهم
الدكتور:هي دلوقتي حالتها بقت كويسه وبكرا ان شاء الله هتفوق تقدروا تروحوا تستريحوا وتيجوا بكرا
اسر بسرعه:لا طبعا انا مش هتحرك من هنا قبل ما تفوق روح انت وانا بكرا هبقا اكلمك
ضياء:ماشي بس متنساش تاكل اي حاجه انت مكلتش اي حاجه من ساعه ما جينا وساحبين منك كميه دم كتير ف كل حاجه عشان تقدر تقف
اسر:ماشي يا خالتي يلا اتكل علي الله
ضياء:ماشي يا عم الرخم ماشي

دخل اسر غرفه ملك لقاها نايمه جاب كرسي وقعد جمبها وبيكلمها وهي نايمه:انا مش عارف لحد دلوقتي ليه كنت موجوع اوي وانتي واقعه قدامي علي الارض حسيت ان انا اتشليت ومش عارف اتحرك ولا افكر حسيت اني مش عارف اخد نفسي مش عارف ليه مستوعبتش فكره انك ممكن يحصلك حاجه او تروحي مني الفكره لوحده كانت كافيه انها تموتني وانا لسه عايش بس انا خايف الاحساس اللي فضلت طول عمري اهرب منه يكون هو اللي انا حاسس بيه دلوقتي خايف اكون بحبك !! حب لا ما اعتقدش ان انا ممكن احب وصعب الكلمه دي يبقا ليها وجود في حياتي بس اللي متاكد منه ان محدش هيقدر يأذيكي تاني وانا موجود واللي هيفكر هيلاقيني في وشه بس انتي تقومي وتخرجي من هنا ويبقا حد يفكر يقرب ليكي وهو هيعرف مين هو اسر حسين المنشاوي يا ملك فريد المنشاوي وفضل قاعد يقاوم النوم لحد ما غلبه ونام وهو قاعد علي الكرسي صحيت ملك الصبح وبصت حواليها لاقيته نايم علي الكرسي والممرضه دخلت عندها في الاوضه
ملك:هو انا فين وايه اللي حصل
الممرضه:انتي عملتي حادثه والاستاذ هو اللي جابك وكان قلقان عليكي ومرضيش يروح غير لما تفوقي
ملك:وهخرج من هنا امتي؟
الممرضه:هتستريحي النهارده وتخرجي بكرا
ملك:شكرا جدا لحضرتك
الممرضه:حمدلله علي سلامتك
ملك:الله يسلمك
وهنا اسر بدأ يفوق
اسر بفرحه:ملك انتي صحيتي !!
ملك:اه يا استاذ اسر وشكرا جدا لحضرتك تعبتك معايا انا اسفه جدا
اسر:ايه ده كله وبعدين انا اسمي اسر بس وميهمكيش تعبي المهم انتي كويسه حاسه بتعب ولا حاجه
ملك:لا انا كويسه
اسر في نفسه:وقعتي قلبي انا كنت قربت اموت من القلق
ثم اكمل:حمدالله علي سلامتك انا هروح اجيب فطار وراجع تاني
واول ما خرج لقا دكتور داخل عندها عنده حوالي 27 سنه وقف اسر بعيد
الدكتور:اخبار الجميل ايه النهارده
اسر واقف برا وبيقرا لغه الشفايف وفاهم هو بيقول ايه ومتضايق منه
ملك بخجل:الحمدلله يا دكتور كويسه بس انا عايزه اسال حضرتك هخرج من هنا امتي
الدكتور:هو القمر عايز يمشي ويسيبنا ليه ده المستشفي منوره ده انتي كمان فيكي شبه من امي الله يرحمها واكمل بخبث: ده انا كنت بحبها اوي وكان لسه هيمسك ايد ملك
وهنا اسر دخل وراح نحيته وهمس له بنبره مخيفه من بين سنانه:اه شبه امك وهي شكلها وحشتك وانا هبعتك عندها دلوقتي
الدكتور بخوف:اححم طب حمدالله علي السلامه و ان شاء الله هكتبلك علي خروج بكرا بعد اذنكم
اسر:استنا انا جاي معاك
ملك:هو في ايه يا اسر
اسر:لا مافيش ده انا بسال الدكتور علي مطعم كويس قريب بس
وراح اسر خرج وراه
اسر:خد يلا هنا انت رايح فين مش عاملي فيها روميو
الدكتور:خير يا فندم وايه الاسلوب ده انا دكتور

اسر من غير ما يتكلم معاه لف دراعه وكسره والدكتور بيتالم قدامه
اسر:مشوفش خلقتك في المستشفي لحد ما امشي من هنا وانا حسابي مع مدير المستشفي يا دكتور يا محترم وخده ودخله غرفه فاضيه واتصل بضياء
اسر:ايه يا زفت انت كمان سايب المستشفي مقلوبه كباريه هنا ولا في دماغك
ضياء:في ايه يا اسر اهدي طيب
اسر:اهدي ده انا هسود عيشتهم النهارده اتصلي بمدير المستشفي ويجيلي حالا ودفع الدكتور وقعه علي الارض وايده مكسوره ومش عارف يتكلم واسر راح جاب كرسي وقعد ودخل عليهم المدير وهو مش عارف يتكلم
اسر:تقدر تقولي ايه الدكاتره اللي شغالين مع حضرتك دول واسر حكاله علي اللي حصل
المدير:اسر بيه انا اسف و دي مكنتش اول مره تحصل من نفس الدكتور
اسر:تمام اتفضل ومش عايز مشكله زي كده تحصل تاني في المستشفي
راح جاب الفطار ودخل لملك
اسر:يلا يا ملك افطري
ملك:انا متشكره يا اسر بس انا مش عايزه اتعبك اكتر من كده تقدر انت تروح وانا هقضي اليوم هنا وهروح بكرا ف خلاص ملوش لازمه اتعبك اكتر من كده
اسر:طب انا هكلمهم في البيت عندك يجي يطمنوا عليكي
ملك:لا يا اسر انا خايفه ارجوك متكلمهمش
اسر بحزن:متخافيش من حد يا ملك محدش يقدر يعملك حاجه تاني واحنا من النهارده صحاب تقدري تحكيلي علي اي حد يضايقك وانا هوقفه عند حده فاهمه ولا لا
ملك:فاهمه بس انا مش عايزه اعملك مشاكل وحد يأذيك بسببي
اسر ضحك بقوه:لا يا ستي متقلقيش محدش يعرف يأذيني
وهي هنا سرحت انه اول مره يضحك كده وخدت بالها انه وسيم جدا
اسر:هاااه قولتي ايه فاهمه
ملك:اه فاهمه
اسر:طب انا هبعت اقولهم في البيت واخليهم يجوا دلوقتي
اسر اتصل بمحمد
اسر:اسمعني كويس تروح دلوقتي لاهل ملك تجيبهم المستشفي من غير ما تديهم اي تفاصيل
محمد: مش عايز حاجه تانيه
اسر:لا مع السلامه