المجهول (Anonymous)

part 38

لم تنتبه هى ولم تعطى بالا لما قاله انطلقت بسرعه لترتمى الى احضانه ليمسكها بعنف ويهتف بغضب لا يشوبه نبره مزاح :انتى مين،وانا فين وبعمل ايه هنا انطقى بسرعه

لتبتلع ريقها بخوف من نبرته لتحاول تهدئته لتضع يديها على كتفيه لتحاول جعله يجلس على سريره مره اخرى :اقعد يا آسر واهدى يا حبيبي مالك فى ايه

آسر :حبيب مين يا بت انتى اتجننتى ولا ايه....عرفنا انا متنيل متصاب اندهيلى المسؤل عن الزفته دى خلينى اخرج من هنا.
صرخ آسر عليها فى آخر كلامه لتنطلق بسرعه الى الخارج خوفا منه

لتخرج وتجرى اتصال ب ضياء
ملك :ضياء الحقنى بسرعه وتعالى المستشفى

ضياء بخوف ان يكون جرى لآسر شئ او اصابه مكروه :ايه اللى حصل....آسر كويس وانت كويسه؟

ملك :آسر فاق وشكله متعصب ومش هعرف اسيطر عليه وطريقه كلامه معايا مش طريقه آسر اللى انا اعرفه خالص فتعالى بسرعه عشان هو عايز يخرج من المستشفى وانا مش هقدر امنعه لوحدى

ضياء :ماشى اقفلى وانا جايلك حالا....مسافه السكه وهكون عندك

ذهبت ملك لتحضر الدكتور وبعد دقائق دخلت مره اخرى الى غرفه آسر ومعها الطبيب المعالج

آسر بتنهيده :اوووف واخيرا يلا عشان عايز اخرج من هنا

الطبيب : آسر بيه حضرتك لسه خارج من غيبوبه ومش مسموح ابدا ان حضرتك تتحرك فى الوقت الحالى ليتوجه له الطبيب ويقوم بعمل بعض الفحوصات...

الطبيب بعد إنتهاء الفحص :حمدالله على السلامه يا آسر بيه والف سلامه عليه يا مدام ملك وياريت حضرتك تاخدى بالك منه اليومين دول وهو هيرجع زى الاول واحسن

آسر بعصبيه :يا عم انت عايز تجننى مدام مين انت كمان وتخلى بالها من مين

الدكتور باستيعاب لخطوره الموقف :هو حضرتك ممكن تقولى احنا حاليا فى سنه كام

آسر بثقه :٢٠١٦

الطبيب بعد ان استوعب الموقف تكلم بعمليه :احنا حاليا فى ٢٠٢١ دلوقتى وفيه خمس سنين انت مش فاكر فيهم حاجه وده فقدان جزئى للذاكره فى الاغلب يكون بصوره مؤقتة لفتره معينه وحضرتك هتبدأ ذاكرتك فى الرجوع مره تانيه وده ممكن يكون آثار جانبية للاصابه بتاعه حضرتك او ممكن تكون لعوامل نفسيه حضرتك مش حابب تفتكرها فدماغك مسحت الجزء اللى مش متقبلاه

آسر :فهمت ودلوقتى ياريت تروح تجهزلى ورق الخروج عشان انا مش هقعد هنا

الدكتور :زى ما حضرتك تحب ،بعد اذن حضرتكم

بعد ان خرج الطبيب نظر آسر لملك بتفحص وهي مازالت لم تستوعب ما قاله الطبيب

آسر :وانتى اسمك ايه بقا ان شاء الله