ملك : آسر خلينا نروح المستشفي معلش
آسر باقتضاب : لا
ملك بصريخ : هو ايه اللي لا حرام عليك انت ممكن يغمي عليك بسبب النزيف ده ، انت بتهزر
آسر : لا مش جرح زي ده اللي يخليني يغمي عليا واهدي بقا ومش عايز صوت
محمد : آسر طب نطلع علي المستشفي بسرعه مش هنخسر حاجة
آسر بزهق : ماشي روح علي المستشفي وخلصني من الرغي ده
وصل اسر ودخلت معه ملك الي المستشفي
ذهب آسر وملك للاستقبال : عايز اخيط ايدي
الموظفه : اتفضل حضرتك عند الدكتورة مها في الاوضه اللي في اخر الطرقه علي الشمال
دخل آسر وملك الغرفه
مها : اتفض........
ابتلعت مها كلماتها عندما رأت اسر
في الخارج عند محمد ونهي
محمد ببرود : تعالي نجيب حاجه نشربها
نهي : ممكن اسألك سؤال ؟
محمد : اتفضلي
نهي : انت ليه دايما بارد كده
محمد : ايه انتي هتغلطي ولا ايه
نهي : لا يا عم مش قصدي بارد بمعني بارد ، اقصد انك دائما هادي مش بتتعصب خالص ، دائما اي حد يكلمك في حاجة بترد علي قد السؤال بالظبط
محمد : لا من غير سبب
نهي : شوفت اهو زي دلوقتي كده
محمد : يعني انا مثلا مسالتكيش ليه دايما بتبحبي القعده لوحدك ، او ليه كل يوم تنزلي قبل ما حد يصحي تقعدي اكتر من ساعتين في مكان لوحدك وبترجعي قبل ما حد ياخد باله ، ولا ليه دايما خايفه من اخوكي وبتتجنبي تتكلمي معاه ، يعني اقصد ان في حاجات كتير تبقي انتي شايفاها غريبه بس. بالنسبه لشخص تاني ده العادي بتاعه
نهي وهي مصدومة : بس انت عرفت كل ده منين .
محمد : هااه...لا ابدا انا بس بحب ابقا واخد بالي من كل حاجه حوليا
في داخل غرفة الدكتورة مها
مها بعدم تصديق لما تراه : آ.آسر انت بتعمل ايه هنا
وذهبت اليه مها وحضنته
ملك فى نفسها : ودي تطلع مين دي كمان
آسر : انتي اللي بتعملي ايه هنا وايه اللي جابك الصعيد
مها : الشغل ، المستشفي دي بتاعه بابا وفيها نقص في دكاتره الجراحه وانا كان لازم اجي هنا فتره
آسر : وعمو محمود عامل ايه
مها : الحمدلله ك......سكتت لما خدت بالها من الجرح ، ياخي الله يخربيتك انت واقف بتتكلم وسايب ايدك كده انت لسه زي ما انت مش هتتغير !
آسر بضحك : لا مش هتغير ويلا خيطي وبطلي رغي
مها وهي تمسك بحقنه البنج
آسر : ايه اللي انتي مسكاه ده ، الظاهر نسيتي
مها : لا بس افتكرتك اتغيرت ، بس الظاهر انك مش هتتغير ابداً
ملك : آسر هو انت مش هتاخد حقنه بنج ؟
آسر : لا مش هاخد فيها حاجه دي كمان
ملك : ازاي يعني مش هينفع ، الالم بتعاها مش هتقدر تستحمله
مها وهي تمسك الابره : لا متحاوليش معاه مش هتوصلي لحاجه هيفضل طول عمره دماغه كده ، احنا متعرفناش..بس اخلص خياطه ونتعرف براحتنا
ملك بحزم وهي تمسك بالحقنه : آسر خد الحقنه بقولك
آسر امسك منها الحقنه والقاها في الزباله : مش هاخدها ، ماتوجعيش دماغي
ملك وهي بتضرب برجلها في الارض بغضب : اااه...رخم ثم اكملت بنبره طفوليه : طب خليك ومترجعش تعيط
آسر بابتسامة : ماشي مش هعيط
مها : ما خلاص بقا ده انا لو هخيط لعيل صغير مش هيعمل كده ، وبدأت تخيط الجرح
ملك وهي تنظر له وبدأت في البكاء
آسر : طب انتي بتعيطي ليه دلوقتي
ملك ببرائه : عشان انا السبب انك تتعور كده ، بس انت ليه مش بتعيط
آسر بضحكه قويه عليها : وانتي عايزاني اعيط ولا ايه
ملك : لا بس هي اكيد بتوجعك
مها : خلاص اهو خلصت المهم تريح فتره كده ومتجهدش ايدك الفتره دي لحد ما تخف وكتبتلك علي ادويه تاخدها في معادها
آسر : لا مش مستاهله كل ده
مها : يابني دول ٧ غرز ازاي مش مستاهله
آسر : سيبيك من كل ده انتي عامله ايه وبقالك قد ايه هنا
مها : بقالي اسبوعين ما انت بقالك شهر مسالتش عليا حتي
آسر : انا آسف والله يا مها مكنتش فاضي خالص
مها : طب مش هتعرفني علي الجميله دي ولا ايه
آسر : اه طبعاً...ملك بنت عمي ومراتي ، ودي تبقا مها صاحبتي من واحنا صغيرين
مها : ايه ، انت اتجوزت من غير ما تقولي ولا تقول لبابا ، ده هيزعل منك جداً لما يعرف
آسر : لا احنا عملنا كتب كتاب كده سريع ، بس اكيد هيجي في الفرح
مها : مبروك يا ملك ، مبروك يا آسر
ملك : الله يبارك فيكي عقبالك
آسر : يلا سلام وهكلمك ان شاء الله نتقابل
مها : سلام وخد العلاج في ميعاده
توقف محمد بالسياره امام المنزل
آسر بغضب خفيف : يلا انزلي
آسر : يلا يا عم انت كمان عشان نروح نشوف ورانا ايه..
دخل آسر ومحمد لباقي الفريق
آسر : انا المعلومات اللي وصلتني لحد دلوقتي بتقول ان التسليم هيكون بكرا بس لسه ماعرفتش هيكون امتي بالظبط ، كل واحد يجهز نفسه عشان بكرا ، مش عايز حد يخرج من البيت لحد ما المهمه دي ما تخلص
في بيت البدراوي
ابراهيم : يعني الاربعه اللي في بيت المنشاوي دول ظباط
يوسف : اه يا بوي واحتمال كبير يكونوا عايزين يقبضوا علي الشحنه بتاعه بكرا وكمان تامر واخد اجازه بقاله فتره يعني شكلهم بيجهزوا لحاجه
ابراهيم : طب نعمل ايه يا ولدي نأجل التسليم ليوم تاني...دي اهم صفقه نعملها ومش هينفع تضيع
يوسف : لا التسليم هيبقا في ميعاده ومحدش هيقدر يعملنا حاجه
ابراهيم : كيف يعني يا ولدي ؟!
يوسف : هنخطف ملك.....................
في بيت عثمان المنشاوي كانت ملك تذهب الي المطبخ شدها آسر
ملك بخضه : حرام عل.........
قاطع كلامها بقبله ولم يتركها الا بعد دقائق
آسر : عايزك تعرفي اني بحبك من اول مره شوفتك فيها ، ودي اول مره في حياتي ابقي خايف على حد ، اوعي تبعدي عني انتي لو ضيعتي انا هرجع اوحش من الاول ، انتي ماتعرفيش انا قبلك كنت عايش ازاي
ملك بخوف :آسر هو في ايه انت مالك
آسر بهدوء : اهدي واسمعيني كويس النهارده وبكرا مش هبقي فاضي خالص ، عايزك تخلي بالك من نفسك ولو احتاجتي اي حاجه كلميني علي طول
ملك : حاضر هخلي بالي ، بس انت في حاجه !
آسر : لا مافيش حاجة , بس احتياطي خلي بالك بس مش اكتر ، خليكي بس واثقه فيا مش اكتر ، ملك انتي بتثقي فيا صح
ملك وهي لا تستطيع الإجابة على سؤاله : آسر انت قلقان من ايه ، إن شاء الله كل حاجه هتبقي كويسه
حزن آسر فهو فهم ما يجول في خاطرها
ملك بعد ان ذهبت : هو انا ليه مش واثقه فيه بعد كل اللي عملع عشاني ده ، انا اه بحبه بس خايفه منه خايفه اكتشف الحقيقه اللي مخبيها ، بس انا وانا معاه ببقي متطمنه بس برضه مش عارفه اثق فيه ، اعمل ايه طيب ، ولا عارفه اقرب ولا عارفه ابعد
بعد دقائق دق باب بيت عثمان المنشاوي
قامت اميره لتفتح الباب
اميره : اتفضل ... مين حضرتك
ضياء وهو يبتلع ريقه : ا..ا.. آسر ...م..موجود ؟
اميره : موجود اتفضل
ضياء في نفسه : هتفضل.. هو انا ليه ماجتش من بدري
آسر : ده مين اللي عاي............. ضياء ، انت مش كنت جاي بكرا
ضياء وهو ينظر. لاميره : اه قولت اعملها مفاجأة ، بس الحمد لله إن انا جيت النهارده
آسر : طب تعالى ادخل ، تشرب ايه
ضياء وهو مش مركز مع آسر خالص : لا اللي تجيبه...اللي تجيبه مش هتفرق
آسر : مالك ياض انت كمان تعبان ولا إيه
ضياء : اه الظاهر كده
أنت تقرأ
المجهول (Anonymous)
Romansaظابط مخابرات يعتبر هو الانجح في عمله ، وفتاه بريئه تتعرض لظلم من ابيها وزوجته ، ما هو الشئ الذي من الممكن ان يجمع شخصيتين عكس بعض تماما لا يوجد بينهم اي رابط او هكذا يظن الجميع
