في كل فتره من الزمن تقوم المخابرات بتعيين شخص يكون المجهول ويتم اختيار اكفئ ضابط موجود ليكون هذا الشرف من نصيبه ويقوم هذا الشخص ب اهم المهمات التي بها اسرار مهمه ولا يمكن لاحد غيره ان يقوم بتلك المهمات التي تحتاج الي السريه ويكون بها معلومات مهمه لا يمكن لاحد الاطلاع عليها لان من شئنها ان تهدد استقرار الدوله وفي هذا الوقت اختير اسر حسين ليكون هو المجهول ف هو اكفئ شخص لهذه المكانه لقوته وذكائه وشجاعته وحبه لوطنه..
ولان اسر مطلوب من بعض الدول الاخري ومن زعماء المافيا ف هو يعيش في حي شعبي علي الرغم من ثروته ولكن هو يفضل ان يعيش في مكان لا يعرفه فيه احد فهل سيستمر هذا كثيرا !!!
في مطار القاهره
وصل اسر من احد مهماته وذهب فورا الي مبني المخابرات وذهب لمكتب اللواء سعيد
في مكتب اللواء سعيد خبط الباب
اللواء سعيد:اتفضل ادخل
اسر:تمام يا سياده اللواء تمت المهمه وجبت الميكروفيلم
اللواء:كنت متاكد وعمري ما شكيت في قدراتك يبني انت اخبارك ايه
اسر:الحمدلله بخير يا فندم
اللواء:طب الحمدلله يا اسر جهز التقرير عشان تقدر ترتاح شويه انت خدت مهمتين ورا بعض بشهرين ولازم تاخد اجازه عشان ترتاح
اسر:بس انا يا فندم مش عايز اجازه انا هرتاح النهارده وهرجع بكرا
اللواء:هتفضل زي ما انت مش هتتغير معاك اجازه اسبوعين وترتاح شويه وتشم نفسك ومش عايز اي اعتراض ذي كل مره
اسر: حاضر ساعه ويكون التقرير قدامك
اسر علي الهاتف
اسر:ايه يا ضياء عامل ايه واخبارك ايه واحشني والله
ضياء:يااه بقالك شهر يا اسر شهر بحاله مش بشوفك رجعت امتي يا عم وعمتك هنا بقالها يومين ومستنياك
اسر:برضوا نفس الموضوع وهتقولي تعالي شوف جدك واتعرف عليي عيلتك عموما انا لسه واصل من شويه انا رايح القصر عشان اشوف عمتي واجيب هدوم من هناك وهستناك نتغدا مع بعض النهارده
ضياء: خلاص يا اسر تمام انا قدامي شويه شغل هخلصهم واجيلك بسرعه
اسر: تمام مع السلامه هستناك
في قصر اسر المنشاوي
اول ما دخل عمته جريت حضنته
اسر: اهلا يا عمتي وحشاني والله
عمته سميره:واحشني يا غالي يا ابن الغالي عامل ايه موحشتكش ولا ايه كل شويه بتغيب يا اسر ومحدش بيعرف ليك طريق ليه كدا يابني
اسر: لا انا كنت مشغول بقالي فتره ومش عايزك تزعلي مني يا سوسو المهم انتي اخبارك ايه ومرام وزياد عاملين ايه
سميره:اهه ولاد عمتك اللي عمرك ما شفتهم ولا عايز تيجي البلد تتعرف علي اهلك يابني خلاص اللي فات مات وجدك هيموت ويشوفك ده انت اول حفيد عنده وابن ابنه الغالي
اسر:اه غالي عشان كده مفكرش يسال علي ابويا من ساعه ما ابويا ساب البلد وجيه القاهره
سميره:ما خلاص بقا يابني وهو ندم لما عرف بموت ابوك وعايز يجيلك لحد عندك بس خايف لتكسفه وانت كمان اغلب الوقت مش موجود في القصر
اسر:لا يا عمتي انا مش راجع وانتي عارفه كل اللي حصل قبل كده
سميره:خلاص يابني براحتك انا جايه اسلم عليك ولازم امشي النهارده عشان بقالي يومين هنا خلي بالك من نفسك يا اسر يابني وابقا كلمني عشان اطمن عليك
اسر:حاضر يا عمتي بس خليكي معايا النهارده نتغدي مع بعض وضياء كمان جاي وانا هبقا اخلي السواق يوصلك لحد هناك
سميره:ماشي يا ابن الغالي
أنت تقرأ
المجهول (Anonymous)
Romanceظابط مخابرات يعتبر هو الانجح في عمله ، وفتاه بريئه تتعرض لظلم من ابيها وزوجته ، ما هو الشئ الذي من الممكن ان يجمع شخصيتين عكس بعض تماما لا يوجد بينهم اي رابط او هكذا يظن الجميع
