آسر ببرود : لا ،انا معرفش حد ممكن يساعدنا ،لكن انت ممكن تعمل محضر وتعملوا اللي انتوا عايزينه
فريد : ماشي انا قولت اسالك بس
تركهم آسر وذهب في طريقه
في منزل في حي بسيط ولكنه منزل يبدو عليه الجمال يدخل مازن وهو شاب في اوائل العشرينات
مازن : قولولي مبروك يا ماما انتي وخالتي انا طلعت الاول علي دفعتي
خالته (فاطمه) : الف مبروك يا حبيبي وان شاء الله اشوفك احسن ظابط في الدنيا
امه (هبه) : الف مبروك يا حبيبي
مازن : ربنا يخليكوا ليا يارب
فاطمه : ويخليك لينا يابني
مازن : هانت ياحبيبتي والله ودلوقتي جيه الوقت اللي ناخد فيه حقك من كل حد ظلمك ،انتي عارفه اني دخلت ظابط مخصوص عشان اعرف ارجعهالك تاني لحضنك وخلاص هبدأ ادورلك عليها ،وكل واحد كان ليه يد في الموضوع ده هياخد حسابه
فاطمه بحزن : ان شاء الله يا حبيبي انا والله مش عايزه غير اني اشوفها حتي من بعيد ،وحشتني اوي
مازن : قريب اوي ان شاء الله
آسر : اقعدي بقي في حته من ساعه ما دخلنا وانتي عماله تلفي حوالين نفسك في الاوضه
ملك : انا غلطانه اني بظبط الاوضه عشان تبقي قاعد مستريح
آسر : احلفلك ب ايه عشان تصدقي ان انا مش عارف اتحرك
ملك : يا عم اتنيل ،بس ايه اللي عمل فيك كده ده انت اتعمل معاك الغلط خالص
آسر : ماهو بسببك
ملك : بسببي انا ازاي
آسر وهو يقلدها بطريقة مضحكة : تعرف تاخد كام رصاصه يا آسر وتفضل عايش ،اهو خدت اتنين وحادثه
لم تستطع ملك تمالك نفسها من الضحك
آسر : ممكن اطلب منك طلب يا ملوكتي
ملك بضحك : آه اطلب
آسر بهدوء : اطلعي برا يا روحي
ملك : انت بتطردني ،ماشي انا ماشيه خليك بقي قاعد لوحدك العفاريت تطلعلك
آسر : يا حبيبتي انتي من يوم ما جيتي هنا العفاريت خافت منك وهربت
ملك : انت رخم
آسر : عارف...عارف
وفي صباح اليوم التالي ذهبت ملك الي غرفه آسر
آسر باستغراب : رايحه فين كده الصبح
ملك : انت ناسي ان في شغل عندي
آسر : طب ما تاخدي اجازه مش لازم تروحي
ملك : انت عارف انا مش بحب الوسطه ومش عايزه حد يعرف اننا نعرف بعض
آسر : هو ايه اللي نعرف بعض دي هو انا شاقطك
ملك : انا اتاخرت علي فكره ،سلام
آسر : سلام
آسر في نفسه : طب انا هقعد في البيت اعمل ايه ، انا اكلم ضياء يجي يقعد معايا يسليني شويه
ضياء : ايه ده آسر باشا بيتصل عليا بنفسه
آسر : بقولك ايه ما تيجي تقعد معايا شويه
ضياء : اكيد مفيش حد تقعد معاه عشان كده افتكرتني ،ما انت متفتكرش اخوك غير لما تبقي عايز مصلحه
آسر : خلاص متجيش انت هتقرفني ليه
ضياء : لا لا ،خلاص جاي مسافه السكه وهكون عندك
وبعد ان اغلق معه آسر حتي وصله اتصال آخر
اللواء سعيد : عامل ايه يا آسر
آسر : الحمدلله يا سياده اللواء
سعيد : كنت عايز اقولك الدفعه الجديده اتخرجت
آسر : اه عارف ،بس انا ايه المطلوب مني
سعيد : تاخد حد من الدفعه الجديده في فريقك
آسر : حضرتك عارف ان فريقي انا مش عايز حد زياده فيه وده كان قراري من الاول ان الفريق اللي هيبدأ معايا مش هجدد فيه حد
سعيد : اسمعني بس الاول شوف الشخص اللي انا اختارته واحكم عليه بنفسك بعد كده
آسر بتأفف : حاضر ،بس مع اول غلطه هطرده برا الفريق
سعيد : ماشي يا آسر ،هستناك تخف ان شاء الله وتيجي اقابلكم ببعض
آسر : لا مش هستني لما اخف خلينا نخلص الموضوع ده بكرا ان شاء الله
سعيد : تمام انا هبلغه يجهز ويجيي بكرا
خبط ضياء علي غرفه آسر
آسر : ادخل يا عم زفت
ضياء : اتصدق يا عم ان انا غلطان اني خبط اصلا
آسر : بطل رغي يا عم صدعتني من اولها كده انا غلطان اني رنيت عليك اصلا
ضياء : اديني جيت اهو هنعمل ايه بدال الزهق ده
آسر : ايه يا حبيبي هاخدك افسحك يعني ولا اوديك السينما
ضياء : يعني انا سايب الشغل وجايلك مخصوص وفي الآخر تتريق عليا وكمان سايب اميره وملك ده انا ببات في الشغل عشان ..................
ثم قطع كلامه وكأنه تذكر شئ
آسر بفضول : اه عشان ايه بقي
ضياء : اشرف ،ينهار اسود نسيت حواره خالص
آسر : ما تنطق يا زفت انت هتنقطني بالكلام
ضياء : اشرف اللي ملك شغاله معاه عيل مفيش واحده بتعدي منه ويفضل يلف حواليهم لحد ما يعلقهم بيه ده دفعتي وانا عارفه
آسر بغضب : وانت لسه فاكر تحكيلي دلوقتي يا حيوان
ضياء : وانا مالي يا عم انا كنت باخد بالي منها عشان ميضايقهاش ،وبعدين كنت عايز اغيره وملك اتعصبت عليا وقالتلي انها مش عايزه واسطه في الشغل
آسر : طب يلا انت لسه قاعد ليه
ضياء : عايزني اروح فبن
آسر : تخرج عشان هغير ونروح الشركه
ضياء : ايه ده مين اللي هيجي الشركه.....يعني انت بجد حنيت علينا وهتشرفنا في الشركه
آسر بعصبيه : ما يلا يا عم انجز انت هتقعد ترغي
___________________
اما عند كريم العزايزي وإبراهيم البدراوي
ابراهيم : وبعدين انا هفضل حابس نفسي كده وهربان لحد امتي
كريم : استحمل شويه بس وهخليك تهرب برا مصر
ابراهيم : آه ما انت مش همك حاجه انت ولا عليك قضيه ولا هربان من السجن ولا ابنك مات ومش عارف مين اللي قتله ،بس والله ما هسيب حقه من اللي عمل فيه كده ،اكيد هو مافيش غيره آسر المنشاوي لان ملك مكنتش تعرف انها مخطوفه والظباط اللي عندهم كلهم كانوا موجودين وهما بيقبضوا علينا وقت التسليم حتي تامر كمان ،بس نفسي افهم هو دخل البيت ازاي وخرج بملك من غير ما حد ياخد باله ،لا وكمان كل ما نيجي نخطف ملك لازم في حاجه تحصل ومافيش راجل واحد من اللي بنبعتهم بيرجع عايش
كريم : هو فعلا آسر ده اكيد وراه حاجه بس صدقني مش هسيبه غير لما اعرف هو مخبي ايه
ابراهيم : ياريت بسرعه عشان انا مبقاش عندي صبر خالص ولازم انتقم منهم
كريم : اهدي يا عم كده وانت ان شاءالله حقك هيجي لحد عندك بس اظبط نفسي الاول قبل ما نبدأ معاهم عشان مانخسرش كل حاجه
ابراهيم : يعني انت بمعارفك دي كلها مش عارف تعملهم حاجه
كريم : هحاول اجمع معلومات عنهم ونشوف هنعمل ايه
ابراهيم بخبث : انا عارف مين اللي هيساعدنا
دخل آسر الي الشركة بعصبيه وجد اميره امامه
آسر : هي فين ملك
اميره : عندها شغل بتخلصوا وخارجين هنروح نتغدي
آسر بعصبيه : شوفيها فين وقوليلها تسيب اللي في ايدها وتيجي المكتب
ادركت اميره عصبيته : خلاص حاضر يا آسر هقولها
وذهبت اميره بسرعه الي ملك : الحقي يا ملك آسر هنا وقالي اقولك تروحي له المكتب
ملك : اروح فين انا لسه عندي شغل هخلصه
اميره : الاحسن ليكي بلاش عشان شكله متعصب ومش هيشوف قدامه ،انتي عملتي ايه
ملك : متعصب من ايه والله ما عملت حاجه ،طب انا هروح اشوفه
خرجت ملك وهي تحاول ان تتذكر ماذا فعلت له لكي يغضب
دخلت ملك إلي المكتب
ملك بهدوء : نعم يا آسر في ايه
نظر لها آسر ببرود : لا هيكون في ايه والهانم لازم تمشي اللي في دماغها في كل حاجه.....
أنت تقرأ
المجهول (Anonymous)
Romanceظابط مخابرات يعتبر هو الانجح في عمله ، وفتاه بريئه تتعرض لظلم من ابيها وزوجته ، ما هو الشئ الذي من الممكن ان يجمع شخصيتين عكس بعض تماما لا يوجد بينهم اي رابط او هكذا يظن الجميع
