بين .. قبرين

البارت الثالث

روايه/ بين.. قبرين

البارت الثالث

بقلمي الكاتب/ حسن الاسدي
-----------------------------------------------
صار العصر بديت احضر للعشه قررت اسوي دولمه سويت الدولمه وكملتها طفيتها ورحت حته اصلي صعدت صليت
اني احب صلاتي ابوقتها ما احبها تتئخر
خلصت صلاه نزلت گلبت الدلمه بصينيه ومدينه السفره وكعدنه ناكل اله امير ما نزل

امي.. نبض صعدي كعدي اخوج ما يصير لا غده ولا عشه

نبض.. صعدت فوك فتحت الباب ما لكيته بغرفته رحت للحمام دگيت الباب ماكو نزلت ركض لمي

نبض.. يمه امير مو بغرفته حته مو بلحمام

امي.. ابو علاء اتصل علي شوفه وين

ابوي يتصل علي ماكو اتصل علي اكثر من عشر مرات يطلع مغلغ

علاء.. بويه كافي لا تتصل تلكا هايت ويه جماعته وتلفونه ما بي شحن

بنين.. اي صح عمو تلكا تلفونه مابي شحن

نبض.. اني كلبي نغزني ما ارتاحيت
بقينه ل12 بليل ننتضره زاد توترنه

علاء.. بويه اني راح اطلع ادور علي
ابوي.. اني اجي وياك
امي.. اني هم اجي وياكم گلبي ما مطمن
-----------------------------------------------
راحو يدورون على امير باوعت الساعه ب2 اتئخرو زاد توترنه اني وبنين سمعنه صوت الباب يندگ بس خفيف طلعنه اني وبنين

انه وبنين.. منو
امير.. بصوت ناصي انه

فتحت الباب اني فتحت الباب واني وبنين صرخنه يمممممممه

لكينا مدمم وكل جسمه يصب دم وملابسه امشگگه نحاجي اني وبنين
شبيك ما يرد علينه دخل ردت اسد الباب شفت اهلي اجو بسياره علاء وصلو دخلت امي

امي.. اخوج اجه
نبض.. اي اجه
بنين.. عمه امير امدمم من فوك ليجوه ونحاجي اني ونبض ما يرد

امي ركضت لامير لكته كاعد على الدرج امي اول ما شافته بقت تصرخ

اجه ابوي وعلاء گعدوه بصاله وبقو يحجون ويا

ابوي.. بويه امير منو سوه بيك هيج تعاركت انته وجماعتك
امير.. لا بويه بس
علاء.. بس شنو
امير.. واني راجع من اصدقائي تعرضولي تلث ولد وسلبوني وكتلوني وباكو سيارتي
امي.. بقت ادك على راسها
واني وبنين.. بس نبچي

ابوي.. بويه امير مشينه نبلغ الشرطه لان هذه الشي ماينسكت عنه
امير.. لا بويه ما اروح
علاء.. هوه انته بكيفك ما تروح باجر لو عگبه يتعرضولك وساعتها ماينفع الندم
امير بقه يصيح.. گتلكم ما اروح وصعد لغرفته .... صعدت اني وامي ورى
امي.. شبيك يمه ليش ما تقبل تروح
أمير.. يمه هددوني بيكم كالو إذا بلغت الشرطه انتي وعائلتك تنكتل وحته إذا ابلغ الشرطه ما راح اسفاد شي لان اني ما اعرفهم ولا شفتهم جانو ملثمين
-----------------------------------------------
المهم كدر امير يسكت اهلي بطريقته الخاصةابوي حته للعشيره ما وصلها
وطمطمو السالفه وعبر على هاي الحادثه شهر كامل

واني بلمدرسه عزمت صديقتي زينب على العشه

نبض.. زينب اني اليوم عازمتج على العشه يمي بلبيت نتعشه ونلعب ما دام اليوم خميس وباچر عطله وعرفج على امي ومرت اخوي بنين

زينب.. ولله نبض ما ادري شگلج خاف امي ما تقبل اشوفها وردلج خبر

خلص الدوام رجعت للبيت تغديت وصعدت انام دك تلفوني زينب فتحت خط

زينب.. سلام عليكم
نبض.. وعليكم السلام
زينب.. امي قبلت اني اجي اتعشه يمج بس كون ما اتئخر
نبض.. خوش انتضرج تجيني العصر
زينب.. يبه باي
نبض.. الله وياج
----------------------------------------------
رحت نزلت رحت لغرفه امي وابوي دكيت الباب
ابوي.. تفضل
نبض.. فتحت الباب ودخلت
ابوي.. ها بنيتي خو ما صاير شي
نبض..لا بويه اني اليوم عزمت صديقتي زينب على العشه
ابوي.. عادي حبيبتي
نبض.. بويه اريد فلوس اريد ولا تحسبون حسابنه على العشه راح نطلب من بره
ابوي.. روحي جيبي دشداشتي البيضه
نبض.. صار

رحت جبت دشداشه ابوي طلع من عدها خمسه وعشرين ونطانياها بسته من رأسه وطلعت

رحت لبنين للمطبخ جاي تغسل مواعين
طبعن بنين فتحو الجبس من ايدها ولحمدلله ايدها طابت وفتحو لخياطات من راسها وهم طاب راسها

نبض.. بنين اني اليوم عزمت صديقتي زينب على العشه ونتي تعاي ويانه نسوي لمه بنات ونگعد ولعب وعرفج عليها

بنين.. ومج ولعشه ياهو يسوي

نبض.. هسه اني وياج نسوي العشه ونكمله وبعدين بس نحمي ونصبلهم

بنين.. ماشي

طلعنه سوينه كبه مرك حمره

واني ورحت للاسواق الي يمنه حته اشتري جم شغله يعند جبس على حب على نساتل على كاكاو تسوگت وخلصت جاي احاسب ودخل الولد الي كتلكم علي بلبارت الاول الي كلما اروح للمدرسه اشوفه هناك هوه بقه يباوعلي واني دنكت ابو المحل كله شلونك سجاد فعرفت انو اسمه سجاد حاسبت وطلعت هوه جاي ياخذ جگاير وبسع طلع وراي وبقه يمشي وراي وني خفت سرعت مشيتي وانه لابسه دشداشة وعبايه امي جاي امش ومن توتري عثرت وگعت هوه گبل اجه وساعدني وگومني ولملي الغراض الي وگعت من عندي بلشارع

نبض.. مشكور خويه
سجاد.. عفون اختي هاذه واجبي

وبسع دخلت للبيت

يتبع....
-----------------------------------------------
حبايبي التصويت أولاً ثم القرائه لا القرائه عاليه وتصويت منخفض وتمنه تعجبكم الروايه

تحياتي

         الكاتب
                   حسن الاسدي