روايه/ بين...قبرين
البارت التاسع
بقلمي الكاتب/حسن الاسدي
----------------------------------------------
خلصنه امتحانات نهايه السنه ومرت شهر على استلام النتائج واني نايمه الفجر سمعت صوت الباب يندگ
نبض.. منو
زينب.. اني زينب
نبض.. فوتي زنوبه
فتحت الباب زينب ورگضت علي وشبگتني وتبجي
نبض.. شبيچ تبچين
زينب.. اني انغشيت بأمير
نبض.. شلون !!!
زينب.. مادري امير صارله فتره مو طبيعي
نبض.. يعني شلون مو طبيعي
زينب.. يشك بيه يطلع الصبح مايرجع اله بليل ومن يجي كلمه ما يحچي وياي ولبارحه حته ضربني ويجي سكران ملابسه كلها حمره
نبض.. سكران شنو وحنه وينه عنه
زينب.. اي ولله سكران هوه يجي بلربعه الفجر الكل نايم من اتزوجنه لحد اليوم ما انطاني مصرف ولا عبالك ذاك امير الي جنت احبه عبالك بدلو
نبض.. زنوبه اليوم نامي يمي لا ترحين لغرفتچ ونتي بهاي الحاله
زينب.. ولله إذا اجه وما لكاني هناك اله يذبحني علقبله ويطلگني واني ما اريد اطلگ ومنا الناس شدگول إذا اطلك خل اروح لغرفتي وامري لله لان راح يجي الساعه راح تصير باربعه الفجر
-----------------------------------------------
طلعت زينب وهيه تبچي واني كلت اليوم اكشفه اله انزل للصاله وكعد وشوف هذه امير شبي هو اتزوج وهوه خرب نزلت طفيت اضويه البيت كله وشغلت التلفزيون وكعدت انتضره على جمر ولله وشوي وسمعت صوت الباب انفتح واحد دخل وجانت الصدمه مثل ماكالت زينب بالضبط سكران ملابسه كلها حمره رحت علي
نبض.. ليش هيج امير اتسوي بنفسك تخون زوجتك زينب وتخون ثقه اهلي الي انطوكياها بس انته طلعت مو كفو اني بعدني جاي احجي وما احس غير ضربني كف وسحلني من شعري
امير.. صايره شريفه براسي وجايه تحاسبيني اني اعلمج شلون تحجين وياي بعد هيج
وسحلني على الدرج ودخلني لغرفتي ونزع احزامه وشبعني ضرب ونزل علي بوكسات وكسرني تكسر وجت زينب تريد توخره تدفع عني ماكو وجر زينب من شعرها وخذاها لغرفتهم واني گمت وقفلت الباب
وضليت للصبح ما نمت وسمعت صوت تلفوني يدك اباوع للاسم رسل صديقتي فتحت خط
رسل.. السلام عليكم صباح الخير
نبض.. وعليكم السلام صباح النور
رسل.. مبروك
نبض.. على شنو
رسل.. ما تدرين
نبض.. شنو وگعتي گلبي
رسل.. جا غير انتي ناجحه ومطلعه معدل(97) الاولى على المدرسه
نبض.. اني هنا بقيت اصرخ من فرحتي كتلها وزينب
رسل.. زينب ناجحه ومعدلها 80
أنت تقرأ
بين .. قبرين
Genel Kurguللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
