بين .. قبرين

البارت السابع والعشرون

روايه/بين..قبرين

البارت السابع والعشرون

بقلمي الكاتب/حسن الاسدي
-----------------------------------------------
مرت اربع اشهر ونبض حالتها من اسوء إلى اسوء بدت نبض يوم عن يوم تضعف چان وزنها 77 نزل الى 38 وشعرها بده يوگع صارت شبه گرعه وياساعه تموت وماخلينه دكتور وشيوخ بلعراق مارحناله لاخلينه بغداد لا ناصريه لا عماره لا موصل وكلهم ماعرفو يعالجونها عمتي ام نبض طردتني من بيتهم تگول الصار بتي كله بسببكم وذا صارت بتي زينه ماتبقه على ذمتك .... ونبض صارت عباره عن مومياء وصارت شبه ميته بس النفس يصعد وينزل دراستها وكفتها البيت عباره من كئابه اني منعوني من شوفتها يوم من الايام چنت بلشركه صديقي علي سألني

علي.. سجاد شبيك صارلك مده مو على بعضك وجهك اصفر شبيك اني مو صديقك فضفضلي طلع لبگلبك

سجاد.. سولفت لعلي الي صار وياي ويه نبض

علي.. صارلها شگد على هاي الحاله

سجاد.. اربع اشهر

علي.. عندي علاجها

سجاد.. شنو گول شنو العلاج

علي.. شوف زوچ خالتي سيد ومعروف على مستوى الحله ويعالچ هيچ حالات

سجاد.. يموعود خاف مثل القبله احنه فترينه العراق كله محد عرف يعالجها

علي.. سجاد روحو وعلى مسئوليتي

سجاد.. اذا هيچ الله ويدك زين انطيني العنوان وهذه وين نلگا

علي.. هذه العنوان واني راح اخابره ونطي خبر

سجاد....
انطاني علي العنوان حته ماكملت الدوام استئذنت من المدير وطلعت صعدت سيارتي وگبل رحت لبيت نبض نزلت دگيت الباب فتح الباب علاء

سجاد.. السلام عليكم

علاء.. وعليكم السلام اتفضل سجاد

سجاد....
دخلت جوه لگيت عمي وعمتي وبنين وزينب بصاله

سجاد.. السلام عليكم

الكل.. وعليكم السلام اله عمتي ماردت السلام

عمتي.. خير شعندك جاي ماكفه الي سويتوه بتي

عمي.. ام علاء كافي خل انشوف الولد شنو عنده

سجاد.. عمي اني وصفولي سيد بلحله يگدر يعالج نبض ونشاء الله اليوم بليل ناخذها ونروح للحله

عمتي.. او كافي شبعنه من هلكلاوات

علاء.. سجاد ماعليك بحچي امي اليوم بليل ناخذها ونروح

عمتي.. يله اطلع بره

سجاد.. عمي اني عندي طلب يمك قبل لا اطلع

عمي.. گول وليدي

سجاد.. اريد اشوف نبض صارلي شهرين ماشايفها وكلما اجي اريد اشوفها عمتي تطردني