روايه/بين..قبرين
البارت الثامن عشر
بقلمي الكاتب/حسن الاسدي
-----------------------------------------------
نزلنه اني وسجاد ولازمين ايد بأيد رحنه اني وسجاد سلمنه على عمي وعمتي ابو وام سجاد وگعدنه على طاوله الطعام وبدينه نتريگ
سجاد.. بويه اني ونبض راح نسافر سبوعين لتركيا
عمي.. وليش بعد اسبوعين
سجاد.. بويه عندي شغل واريد أرتب وضعي بلشركه حته من اسافر مايصير خلل بشركه
عمتي.. يمه نبض ليش انتي لمسويه الريوگ انتي عروس
نبض.. لا عمه اني اريد اتقرب منكم وتعود عليكم بسع
عمي.. ولله بويه علوا يوميه تسوينه ريوك علمود نجمع هاي الجمعه الحلوه من الصبح
نبض.. تامر امر عمو بس ليش انتم ماتتريگون
عمي.. لا بنيتي احنه مانجمع يوميه الصبح نتريگ بس اني وعمتچ سجاد يروح للشركه وهاجر ماتتريگ واني وعمتچ واحد مگابل الثاني اغراب مگابل اغراب واحد يگل لثاني وجهك اسود هههههههه
وضحكنه كلنه حسيت بيهم عائله حلوه وبسيطين وگلوبهم نضيفه اترخصت منهم وصعدت فوك لغرفتي رحت لزمت موبايلي لكيت امي داگه علي 4 مرات وبنين هم داگه علي ضل بالي وقلقت كمت ودگيت على امي فتحت خط
نبض.. السلام عليكم صباح الخير يمه
امي.. وعليكم السلام صباح النور دگيت عليج ماكو
نبض.. اي يمه جنه جوه نتريگ موبايلي فوگ وما شفت المكالمات خو ماصاير شي
امي.. لا يمه ماصاير شي بس حبيت اسأل عليچ انتي شلونچ سجاد
نبض.. كلحنه زينين يمه انتم شلونكم
امي.. الحمدلله .. يله يمه اخذي راحتچ الله وياچ
نبض.. الله وياچ سلمينه
گمت ودگيت على بنين لگيتها داگه علي فتحت خط
نبض.. هلو بنونه شلونچ
بنين.. الحمدلله زينه انتي شلونچ مادريتي
نبض.. شنو..
بنين.. باچر بليل راح نطلع لبغداد اني وعلاء
نبض.. ليش شعدكم
بنين.. علاء لگه خوش دكتور بغداد كلها تگود دكتور شاطر بعمليه الاطفال الانابيب وراح نروحله ونسوي العمليه ونشاء الله خير
نبض.. إنشاء الله خير ترحون وترجعون بسلامه
بنين.. مشكوره حبيبتي يله باي
سديت التلفون وگمت أرتب ملابسي بلكنتور گمت فتحت الجنط وگعدت أرتب رتبت ملابسي كلها وخذني الوكت وما احس غير الاذان اذن انصدمت گمت رحت للحمام غسلت وتوضيت ورجعت للغرفة وبديت اصلي صليت وخلصت وجه سجاد
أنت تقرأ
بين .. قبرين
Ficción Generalللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
