بين .. قبرين

البارت الثاني عشر

روايه / بين... قبرين

البارت الثاني عشر

بقلمي الكاتب/حسن الاسدي
-----------------------------------------------
خابرت امي على ام سجاد واتفقو الخطوبه بعد اسبوع وامي كلتلي علمود ترحين انتي وبنين وعلاء تجهزين قسم لان اليوم بليل راح نطلع للزيارة افتهمتي
گمت رحت لبنين وگتلها

نبض.. بنين اريدچ ترحين وياي انتي وعلاء للسوگ علمود احضر للخطوبه واني ما اعرف وبعد اسبوع للخطوبه

بنين.. چا بعد وكت منا لسبوع الجاي اليوم العصر انروح

نبض.. لا ولچ مو ليوم بليل نروح لزياره ونضل يمكن سبوع ومن نرجع گبل يجون يخطبون

بنين.. اي صدگ شلون نسيت اليوم نروح لزياره

نبض.. اني راح اصعد اگل لعلاء يودينه

بنين.. خوش

صعدت فوگ رحت لغرفه بنين وعلاء دگيت الباب

علاء.. اتفضل

فتحت الباب ودخلت لگيته واگف گدام لمرايه يعدل بشواربه بلمقص

نبض.. علاء ما تاخذنه لسوگ علمود اجهز لخطوبتي امي خابرت ام سجاد وگلتلها
الخطوبه بعد اسبوع وحنه اليوم نروح للزياره بعد ما الحگ وبنين تروح وياي

علاء.. ماشي روحي بدلي واني راح ابدل ونروح

عفته وطلعت ردت اروح لغرفتي وطلعت زينب من غرفتها

نبض.. صباح الخير شلونچ زنوبه

ما ردت علي وراحت للحمام واني استغربت كلت يمكن ما سمعتني گلت خل انتضرها انتضرتها تطلع من الحمام طلعت زينب من الحمام

نبض.. شلونچ زنوبه سلمت عليج توه ما سمعتيني

زينب.. لا سمعتچ بس زعلانه عليچ لان أمس وگفتي ويه هاي بنين ضدي وعود انتي صديقتي

نبض.. اني ما وگفت ضدج اني وگفت ويه الحق وعمي اني اسفه وهاي بوسه حته لا اتزعلين

عافتني ودخلت لغرفتها واني رحت لغرفتي بدلت ولبست بنطرون جنز ثلجي وتشيرت ابيض وفوگا چاكيت خردلي لا الجو بارد وحجاب ابيض نزلت لكيت علاء وبنين منتضريني صعدنه بسياره علاء ورحنه لسوگ دخلنه اشگد محلات دخلنه محل عجبتني بدله كلش حلوه حجزت عليها وتسوگت بعد شغلات وبنين اشترت شغلات رجعنه للبيت
كلش تعبانين وجو كلش بارد واحس ايدي ما احس بيها من البرد دخلنه اني وبنين لگينه زينب جاي اتسوي غده

اني وبنين.. السلام عليكم

زينب بثگل.. وعليكم السلام

كبل صعدت اني وبنين كل وحده لغرفتها دخلت لغرفتي دافيه شغلت الهيتر قبل لا اروح رحت ذبيت روحي على چربايتي وتمددت حته ما بدلت ملابسي وما احس على نفسي اله نمت گعدت على دكه باب غرفتي