روايه/بين.. قبرين
البارت الخامس
بقامي الكاتب/حسن الاسدي
-----------------------------------------------
صار يوم ثاني گعدنه الصبح من وكت ولبسنه دشاديش سود وعبي راس اجه علينه علاء ورحنه لبيت عمي محمود طبينه من باب المطبخ لگيناها هوسه وبنات عمامي كلهن وبنات عماتي وصايره هوسه طبينه
نبض وبنين.. السلام عليكم
الكل.. وعليكم السلام
اله ساره ما ردت السلام ودارت ضهرها
اجت جنان بت عمتي زهره سلمت علينه
جنان.. تفضلن كعدن على الطاوله ليش واكفات
ذبينه عبينه وبدينه نساعدهم بنين راحت تساعد جنان وساره بلطبخ واني گعدت انضف بلخضره اني وتغريد بت عمي محمود الزغيره كعدنه وحده تسئل على اخبار الثانيه خلصنه تنضيف الخضره رحت حته اساعد جنان وساره وبنين بلطبخ
نبض.. ما محتاجات مساعده
جنان.. لا حبيبتي خلصنه ما بقه شي
ساره.. اگول بنين ما حبلتي
بنين.. لا ولله
ساره.. شعجب علاء ساكت لحد حسه لو اني منه اتزوج مره ثانيه صارلكم ثمن سنوات ما حبلتي ولله حضوض
نبض..قهرني كلامها وتجريح بنين بلكلام وبنين ما ردت عليها ودنگت راسها اني رديت عليها
نبض.. لا حبيبتي مايتزوح ولا يفكر يتزوج على بنين علاء يحبها وهيه تحبه ويگلها لو نبقه العمر كله ما يصير عدنه جهال ما ابدلج بكنوز الدنيه كلها
ساره.. شنو انتي المحاميه مالتها هيه ما عدها لسان تحجي على شنو يحبها شو لا جمال ولا اصل ولا فصل
بنين.. ساره احترمي نفسج
ساره.. يمه يمه خوفتيني
نبض.. شفتي هاي لماعاجبتج عدنه بدنيا كلها
جنان.. صلن على محمد بنات انتن بنات عم
نبض.. الله مه صلى على محمد بس هيه من دخلنه ما طايقتنه
خذيت بنين ورحنه نسلم على النسوان لان احنه من دخلنه گبل للمطبخ ما سلمنه
-----------------------------------------------
طبعاً ساره بت عمي احمد جانت تحب علاء من جنه ازغار بس هوه ما يحبها ومعتبرها مثل اخته ولمن علاء قرر يتزوج هيه راحت وعترفتله بحبها بس هوه رفض وكلها اني معتبرج مثل اختي نبض من اتزوج علاء هيه حقدت وحته لعرسهم ما اجت وكلما ساره تشوف بنين اذب عليها حجي وطبعاً بنين ما ترد لان بنين فقيره ما تريد تسوي مشاكل وطبعاً ساره اتزوجت قبل 4 سنوات وعدها ولد ثنين تؤام علي وادم
سلمنه على نسوان عمامي وعماتي وگعدنه يمهاً شوي ورحنه حته انصب الاكل للنسوان صبينه اني وساره وجنان ولبنات يشيلن بلاكل وساره اباوعلها ترضع ابنتها وتخزر بنين كملنه الصب للنسوان صبينه النه البنات بلمطبخ وحنه گاعدات نتغده ولبنات يسولفن وساره بس تخزر ابنين ردت احجي گرصتني جنان جانت كاعده يمي عود لا تحجين كملنه غده وساره خدرت چاي وصبته بستكاين وطلعت بقينه اني وبنين وجنان
جنان.. نبض بنين عوفي ساره تولي ولا يصير بخاطرچن احنه ما نلتم اله بلمناسبات ما نريد يصير زعل
نبض.. ولله خيه جنان اني ماردتها تصير هشكل بس هيه اتجاوزت علي وعلى مرت اخوي
بنين.. واني ما اريد المشاكل ولا احبها وما احب احد يزعل مني
----------------------------------------------
نبض..
نضفنه المطبخ وغسلنه المواعين لميت الزباله وطلعت اذبها لكيت امير اخوي واكف يسولف ويه يزن ابن عمي احمد اخو ساره صحت على امير
نبض.. امير تعال أخذ الزباله ما اكدر اطلع
امير.. حطيها يم الباب واني اخذها
يزن.. هله بنت العم شلونج ما تبينين ولا تجين
نبض.. هله بيك خويه شنسوي بعد احنه ما نجمع الا إذا صار عرس لو فاتحه صملله
ترخصت منه ودخلت جوه لكيت بنين واگفه بلمطبخ هيه وجنان انتبهت على بنين لابسه عبايتها
نبض.. بنين شو لابسه عبايتج شنو رايحه
بنين.. اي ولله اختنگت من نضرات ساره الي وكلما اعبر من يمها تسمعني حچي
نبض.. بنين تره ولله تريد اتضوجچ وهيه ميته قهر شلون علاء خذاج وفضلچ عليها
جنان.. نبض ما كو داعي لهلحجي السالفه صارلها ثمن سنوات
نبض.. ادري والله بس هيه حاقده علينه كلنه بنين إذا ترحين اني اروح وياج
لبسنه عبينه وبنين دگت على علاء يجي ياخذنه ردنه نطلع بنات عمي وبنات عماتي شنو رايحات
نبض.. اي ولله رايحات
نور.. ولله حته ما شفناچن گضيتنها بس بلمطبخ واليوم اخر يوم فاتحه يعني بعد ما نشوفجن
نبض.. يله بعد شنسوي انشاء الله ما نلتقي بس بلفراح وسلمنه على البنات وحده وحده وباوع عليهن ضاجن
طلعنه وصعدنه اني وبنين بسياره علاء وطلعنه
علاء.. شبيج بنين ضايجه
بنين.. ها ها لا ماكو شي بس انقهرت اتذكرتها بيوم عرسنه شلون تهوس وترگص خطيه الله يرحمها
علاء.. الله يرحمها
وصلنه لشارعنه واحد سلم على علاء وباوعله ولگا سجاد دنكت
سجاد.. السلام عليكم علاء
علاء.. وعليكم السلام سجاد الغالي
وصلنه للبابنه نزلت وباوع علي شلون يباوع علي بكل برائه ويلعب بلحيته
ومنا هوه يخبل ولحيته سوده وعيونه ملونه ولابس اسود طالع يخبل
فتحنه الباب ونزلنه واني افكر بي طبعاً علاء وصلنه ورجع للفاتحه بنين ما تحملت كبل بجت
بنين.. يعني شلون اني اضل اليسوه وليميسوه يتشمت بيه
نبض.. بنين كافي لا تبجين ولله گطعتي گلبي
ضلت تبجي وصعدت فوك واني صعدت لغرفتي حته ابدل
يتبع.....
-----------------------------------------------
حبايبي التصويت أولاً ثم القرائه حته اشجعوني استمر وتمنه تعجبكم الروايه
تحياتي
الكاتب
حسن الاسدي
أنت تقرأ
بين .. قبرين
Ficción Generalللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
