بين .. قبرين

البارت الخامس ولعشرون

روايه/ بين..قبرين

البارت الخامس ولعشرون

بقلمي الكاتب/ حسن الاسدي
-----------------------------------------------
گولي شنو عندچ تره وترتيني

زينب.. اني محتاچه 3 ملايين

نبض.. وشسوين بيهن لـ3 ملايين

زينب تحچي وتبچي.. نبض امي مريضه وعدها مشاكل بلكبد وتعبنه وحنه نراجع ماخلينه دكتور بلعراق مارحناله محد عرف يعالجها وصفونه دكتور بيران نبض امي راح تروح من ايدي يعني اني خسرت ابوي وهم اخسر امي انطيني الفلوس وبس اطيب امي اني بيدي اجي ورجعلچ الفلوس

نبض.. ولا يهمچ حبيبتي زنوبه مسحي دموعچ كافي لا تبچين.........بس اني ماعندي 3 ملايين عندي مليونين الزادن من المهر مالتي هنه عند امي هسه ترحين لمي وتاخذين المليونين ونشاء الله امچ مابيها غير العافية

زينب..لا حبيبتي نبض انتي روحي اخذيهن واني باچر الصبح اجي اخذهن من عندچ يله اني اتئخرت على امي يله باي

نبض.. ولا يهمچ حبيبتي باچر الصبح لفلوس يمچ الله وياج سلميلي عليها

زينب..الله يسلمچ

طلعت زينب واني صعدت لغرفتي لگيت سجاد بلحمام يسبح رحت تمددت سمعت صوت مبايلي يرن رحت لگيتها جنان بنت عمي فتحت خط

جنان.. السلام عليكم

نبض.. وعليكم السلام شلونچ شخبارچ

جنان.. لا والله بعد وكت خايبه لاتسألين عن بنات عمچ انتي من اتزوجتي عفتينه بعد ولتهيتي برجلچ هههههههه

نبض.. ههههههههه لا ولله دوم انتم على بالي المهم انتي شلونچ البنات نور وتغريد شلونهم

جنان.. كلنه زينات نسأل عنچ المهم احنه اليوم راح نطلع اني ولبنات العصر للمول ومناك نتعشه بلمطعم تجين ويانه ولله شتاقينه لگعداتنه وسوالفنه ها شني تجين

نبض.. ولله جنان مااگدر تعبانه ومالي خلق اطلع

جنان.. يله حبيبتي باي

نبض.. الله وياج

نعيت المكالمه طلع سجاد من الحمام

سجاد.. حبيبتي گومي بدلي ملابسچ حته نطلع مادام بعدها ماصارت بــ8

نبض.. وين سجاد ولله تعبانه ومالي خلگ

سجاد.. گومي بعدلچ 20 يوم وتبدين اداومين بلكليه يعني لازم تشترين ملابس گومي مادام هاي اليومين ماعندي شغل

نبض.. اوكي حبي بس ابدل

بدلت ملابسي اني لبست بنطلون اسود وتشيرت ابيض وفوگا ستره لون رصاصي وحجاب اسود وسجاد لبس قميص اسود وبنطلون قماش رصاصي نزلنه لگينه عمي وعمتي جاي يتريگون وهاجر تدرس خطيه بدت تدرس للسادس