بين .. قبرين

البارت الواحد ولعشرون

روايه/ بين..قبرين

البارت الواحد ولعشرون

بقلمي الكاتب/حسن الاسدي
-----------------------------------------------
تونه نريد انام ومانسمع اله صوت صريخ كلش قوي جوه طفرنه من الچربايه مرعوبين نرگض نزلنه اني جاي اركض انضربت رجلي بلدرج وبقت تصب دم ماهتميت نزلت ماكو احد بصاله الصوت جاي من غرفه هاجر رحت ارگض لغرفه هاجر لگيتها واگعه مغمي عليها وعمتي تصرخ گبل سجاد شالها ورگض بيها للمستشفى راحو عمي وعمتي ويا

عمي.. بويه دخلي جوه وقفلي الباب واي شي ايصير تنطينه خبر

نبض.. انشاء الله عمي

راحو واني قفلت الباب ودخلت رحت لغرفه هاجر اباوع لمحت شي طالع من جوه الچربايه رحت شلته علبه دواء لطمت على وجهي عزه العزاچ يهاجر
(منتحره)!!!! ضليت گاعده بصاله بلساعه
عقمت رجلي ولفيتها باندچ دگيت على سجاد فتح خط

نبض.. هلو حبيبي طمني شلون صارت هاجر

سجاد.. زينه گعدت

نبض.. مادريتو شبيها

سجاد.. متخربطه بين الحبوب وشاربه من العلبه الغلط

نبض.. ها خطيه الله يشافيها يمته تجون

سجاد.. هسه جاي اني وامي وبوي للبيت حضري روحچ راح اجي اخذچ تبقين يم هاجر لان راح تبقه بلمستشفى على مايطمنون على حالتها ومي مابيها حيل يراد يمها بنيه شابه تساعدها

نبض.. اوكي راح احضر نفسي تعال عليه
يله باي

سجاد.. باي

نهيت المكالمه وگمت خليت علبه الدواء بلكاونتر وخفيتها وره البهارات صعدت حضرت نفسي ونزلت گعدت بصاله وباوع بلكامرات على الشارع وشفتهم اجوي گمت فتحت الباب ودخلو عمي وعمتي ضايجين ومقهورين كلش

سجاد.. يله نبض

نبض.. اوكي

عمتي.. يمه نبض ديري بالچ عليها تراهه مثل اختچ

نبض.. لاتوصين هاجر بعيوني واعز من اختي

طلعت وصعدت بلسياره ورحنه للمستشفى

سجاد.. هاجر جانت ناويه تنتحر ماادري شنو السبب

نبض.. چا موگلتي متخربطه بعلبه بلواء

سجاد.. ماگدرت احچي لان امي وابوي يمي وحنه گنالهم متخربطه بعلبه الدواء وشاربه من العلبه الغلط

نبض.. سجاد لاتفتح الموضوع وياها هسه خل نطمن على حالتها بلول وعود من تصير زين احچي وياها

سجاد.. اي حته انه گلت هيچ

وصلنه نزلت وصلني سجاد لغرفه هاجر وراح

سجاد.. نبض باچر بلسبعه الصبح اني هنا خاف ايصير اي شي انطيني خبر وهاچ هاي فلوس خاف تحتاجون شي