روايه/بين.. قبرين
البارت السادس
بقلمي الكاتب/حسن الاسدي
-----------------------------------------------
ومرت 5 اشهر على وفاه مرت عمي محمود
-----------------------------------------------
كعدت من النوم على صوت امي واگفه فوگ راسي
امي.. نبض گعدي ولج الساعه بسبعه المغرب گومي حضري العشه لان هاي بنين راحت لهلهه
نبض.. اي يمه گايمه
امي.. يله راح اطلع واذا رجعت ولگيتچ نايمه ماي حار اصبه عليج يله گومي
نبض.. يمه عندي باجر امتحان كيمياء وكلشي ما دارسه
امي.. كومي سوي العشه وعود من اتخلصين درسي لمتحانج
نبض.. گايمه ولله گايمه
-----------------------------------------------
طبعن اني امتحنت امتحانات نصف السنة ولحمد لله نجحت وهسه بدينه بلنصف الثاني وباجر عندي امتحان كيمياء وكلشي ما دارسه ما الحك ادرس كلساع امي صايتني واني وبنين متنه من شغل البيت كمت رحت للحمام غسلت وتوضيت ورجعت للغرفة صليت وخلصت نزلت حته احضر العشه قررت اسوي معكرونه وحس البيت فاهي من غير بنين هيه الي جانت تصبر علي سويت المعكرونه وخلصت مديت السفره جاي نتعشه وامير كل لبوي
امير.. بويه اني اريد اتزوج
ابوي.. علوا بويه اريد اشوف اولادكم قبل لا اموت بس حاط عينك على وحده لو تريد امك ادورلك
امير.. لا بويه اني احب وحده وهيه تحبني
ابوي.. وياك بلكليه
امير.. لا
امي.. ومن هاي لازم نعرفها نشوفها عدها اصل فصل حلوه لا ولازم اتعرف على امها
لازم اتئكد من كل شي ياله اخطبها مو مثل هاي بنين لنغشينه بيها
علاء.. دنك راسه وكام صعد فوك
ابوي.. انتي شنو لسانچ سم ما تگدرين اسكتين ماكو وجبه گعدنه عليها إذا ما سويتيلچ عركه هسه احسلچ الولد زعل
امي.. ولله وزعلتهم وانه ما حچيت شي غلط( مرته عوبه ) وفوگ كل هاي ما تخلف
ابوي.. استخفر الله... بويه امير منو هاي لتحبها وتحبك
امير.. بويه هاي لبنيه زينب صديقه نبض
نبض.. بتعجب.. زينننننننب !!!!!
ابوي.. ليش شبيها لبنيه
نبض.. لا بويه ما بيها شي اصل وفصل وحلوه ومؤدبه وخلاقها عاليه وفقيره
امي.. يا زينب بس لا هاي لدائمن تجيج
نبض.. اي هاي
امي.. اي هاي صدگ فقيره لبنيه وحبابه
امير.. يمه اريدج باچر ترحين انتي ونبض وتخطبينها الي
امي.. إنشاء الله
-----------------------------------------------
طبعاً اني چنت مصدومه ونفس الوكت فرحانه لا صديقتي راح تصير مرت اخوي
بس اذا هوه يحبها وهيه تحبه ليش زينب ماگالتلي صعدت فوق دكيت على زينب ما ترد مليت واني ادك عليها ما ترد رحت طلعت جنطتي وگعدت ادرس للمتحان درست وخلصت باوعت للساعه بتلاثه الفجر واني بديت بتسعه بليل طبگت الكتب ورحت دكيت الباب على امير
امير.. فوتي يمه
نبض.. لا اني نبض
امير.. فوتي نبض
دخلت گعدت على السرير
امير.. خير خو مابيچ شي
نبض.. لا خويه ما بيه شي بس اريد اسئلك جم سؤال
امير.. خير گولي
نبض.. انته صارلك شكد تحب زينب وليش ما كلتلي لا انته ولا زينب
امير.. اني جنت احب زينب من زمان من جنتو بلمتوسطه وجانت تجي وياج بلخط اني اول ما شفته حبيتها وضليت اربع سنوات واني احبها ومن اجت قبل خمس اشهر من عزمتيها على العشه اني سمعتج تحاجين ابوي تكليله اني عزمت صديقتي زينب على العشه اني هنا گلت لازم اعترفلها بحبي وصعدت ركض سبحت وبدلت وتعطرت ومن سمعت الباب يندگ نزلت ركض فتحت الباب ولكيتها زينب دخلتها وكبل اعترفتلها ونطيتها رقمي وهيه ولا حجت وضلت مصدومه اني احجي وهيه ساكته ونتي طلعتي وخربتي علي واني گبل طلعت من البيت حته انطيها مجال تفكر
وتصلت علي بليل
نبض.. هذه كله صاير وانه ماعندي خبر المهم الله يوفقك بحياتك وزينب تره خوش بنيه اريدك ادير بالك عليها
امير.. لا توصين زينب بعيوني
-----------------------------------------------
عفته وطلعت رحت صليت الفجر ودعيتلهم الله يوفقهم نمتلي ساعتين وكعدت گبل بدلت ولبست ملابس المدرسه ونزلت جوه لكيت امي
نبض.. صباح الخير يمه
امي.. صباح النور
نبض.. يمه وين علاء أريده يوصلني للمدرسه لا اتئخر عندي امتحان
امي.. علاء طلع
نبض.. زين وامير
امي.. راح للكليه
نبض.. جا هسه منو راح يوديني للمدرسه
امي.. طلعي منا على الشارع العام وخذيلج تكسي
نبض...
طلعت للشارع وكفت بلنص ساعه ولا سياره توگف اباوع للوكت بعد ربع ساعه ويدك الجرص وما اشوف اله واحد وكف دكلي هورن وباوع للسياره ولكا سجاد
سجاد.. شلونج نبض
نبض بتوتر.. زينه الحمد الله
سجاد.. متئخره على المدرسه تعاي صعدي واني اوصلج
نبض.. لا لا خويه ما اريد اسوي عليك زحمه
سجاد.. عيب عليج زحمه شنو احنه اهل صعدي واني اوصلج
نبض.. جنت مطره اصعد ويا لان بعد ما الحك صعدت واني ميته خجل
سجاد.. اكول نبض بعد شكد وتخلصين مدرسه
نبض.. ها ها لا ما بقه شي بس هاي السنه ودخل كليه
سجاد.. اي الله يوفقچ
-----------------------------------------------
وصلت للمدرسه نزلت تشكرت منه ودخلت للمدرسه رحت لصفي وطلعت كتاب الكيمياء وگعدت اراجع امتحاني ودخلت زينب
زينب.. السلام عليكم
البنات.. وعليكم السلام
اجت يمه
زينب.. نبض شبيج ماتردين علي السلام
نبض.. زعلانه عليج
زينب بتعجب.. ليش شنو سويت اني
نبض.. تعاي بره الصف لان ما أكد احچي هنا خل نطلع للساحه
زينب اوكي
يتبع.....
-----------------------------------------------
حبايبي التصويت أولاً ثم القرائه حته اشجعوني استمر
تحياتي
الكاتب
حسن الاسدي
أنت تقرأ
بين .. قبرين
General Fictionللكاتب حسن الاسدي 🌹 روايه حقيقيه من الواقع مع اضافه القليل من الخيال ✌🏻 اسئلني على الخيبه....اخبرك عن سنين قضيتها مع اناس كاذبون ولا كنت اعلم انه ذالك الصديق الذي نتباهي به لسنوات سيكون اسوء اعدائنا ذات يوم وهل سوف تتحرر نبض من ضلم الصداقه او للقد...
