بين .. قبرين

البارت الثالث عشر

روايه/بين .. قبرين

البارت الثالث عشر

بقلمي الكاتب/حسن الاسدي
-----------------------------------------------
شهگت شهگه قويه

بنين.. شبيچ

نبض.. بتلبك شوفي منو هناك

بنين.. هذه سجاد شجايبه هنا

نبض.. ولله بنين ما ادري

سجاد انتبه علينه اني وبنين وگف على طوله وبقه يباوع علي ومصدوم اعيونه رادت تطلع من مكانها من الصدمه

سجاد.. نبض شجايبچ هنا ومنو وياچ

نبض.. اني ما عرفت احچي كلمه وگبل گعدت على الكرسي وهوه رجع لمكانه

نبض.. بنين تتوقعيت سجاد لاحگنه من طلعنه

بنين.. لا ما اتوقع شفتي شلون بس شافچ وكف على طوله وبقه مصدوم اكيد صدفه

نبض.. اني خايفه لا ابوي لو علاء لو امي يشوفونه وتورط

بنين.. وذا شافو يعني شلون ما تصير صدف

نبض.. اي هذه الحچي اني وياچ نگوله بس اهلي راح يشكون بيه ويگولون بيني وبينه علاقه ويگولون اني الي گايلتله تعال ويانه لزياره يا ربي عديها على خير

شوي وصعد السايق وطفه گلوبات السياره احنه گاعدين بدايه المنشئه وسجاد گاعد بنهايه المنشئه من السايق طفه اگلوبات السياره حمدت الله وشكرته شوي واجو اهلي صعدو وصعدت الناس ومشت السياره واني بس ادعي ما حسيت على نفسي اله نمت گعدت على ضوه الشمس الداخل من شباك السياره گعدت اباوع لناس كلها نايمه وباوعت على سجاد شفته نايم وهاي اول مره اشوفه نايم واني صفنت على سجاد احس كل ملامحه أدل على البرائه وكعدت اتذكر من وگعت يم المحل وهوه اجه ساعدني واني صافنه صوت رعبني السايق يله يا جماعه الحمدلله على السلامه وصلنه كعدو اهلي وبدت تنزل الناس واني اباوع على سجاد گعد نزلنه وكل واحد شايل جنطته امشي والتفت وشفته نزل وراح واني احس قلبي راح ويا ابوي حجزلنه فندق وكعدنه بي

وزرنه كربلاء ونجف وبغداد ويا أمام ادخله ادعي يا رب وفقنه اني وسجاد بحياتنه وكملنه زيارتنه ومر اسبوع وصار لازم نرجع وسجاد بعد ما شفته رجعنه للبيت وصلنه بلتسعه بليل اول ما دخلنه البيت هوسه على گد الهوسه كلنه البيت مبيوگ دخلت امي

امي.. هاي شنو ياهو گالب البيت گلاب احنه مو نضفنا وطلعنه ياهو گالبه گلاب
وفوگ التعب گعدنه نضف بلبيت واني جاي انضف وره القنفات شفت شي يلمع
وروح ولگا محبس رجالي بس اني اعرف انو هذه المحبس محبس اخوي امير واني قبل لا نروح لزياره نضفت وره القنفات ما لگيت هذه المحبس اكيد امير هنا ويچذب علينه وما رايح لربيل بس ليش يچذب وهوه وين هسه بسع ضميت المحبس وحنه جاي نضف دخل علينه امير وبيده جنطه

امير.. السلام عليكم الزياره مقبوله

الكل.. وعليكم السلام

ابوي.. ها بويه انشاء الله تونست باربيل

امير.. اربيل تخبل وبويه على يوم نسويلنه سفره ونروح احنه كلنه يله بويه اني اصعد فوك انام

اني انتبهت على ايده امير ما بيها المحبس ركضت كتله اني اصعدلك الجنطه لمه زلمت الجنطه خفيفه فارغه وهوه گبل وخر ايدي من على الجنطه

امير.. لا لا نبض عوفيها اني اشيلها انتي ارتاحي

اني بقيت مصدومه من الي شفته هسه اتئكدت انو امير چذاب ما مسافر وباقي بلبيت بس شنو هلهوسه الي بلبيت معقوله.......؟.؟ لا لا نبض استغفري ربچ اخوانچ ما عدهم هيج سوالف ونضفنه البيت وصعدت لغرفتي فتحت الباب ودخلت ضلمه شغلت الضوه وطلعت ملابسي من الجنطه وذبيتهن بلغساله وطلعت ملابس نضيفه من الكنتور ودخلت اسبح سبحت وطلعت كبل نمت وگعدت الصبح نزلت لگيت بنين جاي تطبخ

نبض.. صباح الخير

بنين.. صباح النور

نبض.. ها شلونج امبين عليچ تعبانه

بنين.. اي ولله تعبانه بس بعد شسوي ياهو يسوي الغده وزينب عند اهلها... اي صدگ اگلج نبض ما عرفتي ياهو مسوي هاي الهوسه وگالب البيت گلاب

نبض.. ولله ما ادري ولا سألت

سمعت امي صاحتلي

امي.. نبض نبض

نبض.. ها يمه

امي.. خابرتني ام سجاد وگالت الخطوبه باچر علمود ترتبين وضعچ

نبض.. خل اكل لعلاء يخابر الولد ابو البدلات ويگله اليوم جايين ناخذ البدله وروح لم الصالون وتفق وياها رحت لبنين وگتلها

نبض.. بنين علاء فوگ

بنين.. لا طلع راح يحجزلنه على عمليه اطفال الانابيب وهسه هوه على جيه

نبض.. من يجي كليله خليخابر على البو البدلات الي اجرنه من عنده البدله ويگله اليوم جايين ناخذ البدله ونروح اني وياچ لم الصالون نحجز لان باچر خطوبتي

بنين.. اوكي بس يجي اني اگله

واجه علاء وگليناله وخابر ابو البدلات وراح جاب البدله ولمسكه قستها وطلعت عليه اتجنن وصار ثاني يوم ولصبح رحنه اني وبنين لصالون مكيجتني مكياج ناعم وسوتلي تسريحه هم ناعمه لان ما اريد اخرب نشعه العرس ولبست البدله لونها بنفسجي ومنا اني بيضه طلعت تخبل علي ورجعنه للبيت اول ما وصلت لگيت بنات عمي وبنات عماتي ونسوانهم وخالاتي ولبيت هوسه اجن سلمن علي وفرحانات الي اتفاجئت من ميز المهر يخبل ياهو مسوي جنان واگفه تقره على راسي ايات قرانيه كتلها

نبض.. جنان ياهو مسوي الميز كلش حلو

جنان.. اني سويته هذه هديه خطوبتچ والف مبروك وشايفه كل الخير

نبض.. يوم الالج حبيبتي ونفرح بيچ ولسويلچ احلى منه

اجت تغريد تركض اجو اجو

اني گلبي راد يوگف من وره التوتر ولخوف دخلن النسوان يهلهلن ويهوسن ويرگصن اني خدودي على گوله جنان ونور صارن طماطه شوي وگالو الشيخ يريد يعقد القران اخذتني امي ورحت واني امشي گوه رحنه لغرفه امي وابوي وغطني البنات  بلبرنص وبده الشيخ يقره

يتبع......
-----------------------------------------------
هلو حبايبي التصويت أولاً ثم القرائه
Love you 💓