بين .. قبرين

البارت السابع عشر

روايه/بين...قبرين

البارت السابع عشر

بقلمي الكاتب/حسن الاسدي
-----------------------------------------------
تنام أجساد تحت الأرض
وتساوت عندهم الأوقات
فلا شمس َ تشرق عليهم
ولا قمر ينير عتمتهم

نعزي أهالي محافضه الناصريه بشهدائها
شهداء مستشهى الحسين

اللهم انر قبورهم بنورك ووسع لهم قبورهم وادخلهم فسيح جناتك

الرحمه ولخلود لجميع شهداء العراق

----------🇮🇶----------🇮🇶----------🇮🇶----
وصلنه للقاعه جايبين فرقه يم القاعه دخلت للقاعه وكفنه ننتضر دخوليتنه اني وسجاد وحنه واكفين انفتح الباب وخلنه اني وسجاد وكلها اتصور بينه وحنه ماسكين ايد بأيد حسيت چني عارضه ازياء وجاي تعرض على الستيج كعدونه على الكوشه ولكل ترگص واني ميته من خجلي كمل العرس ولبنات اجن سلمن علي وصعدنه بسيارات ورجعنه وكلمن راح لبيتهم وصلنه لبيت سجاد دخلو السياره بلبيت ونزلت واني احس اكو حياه منتضرتني جوه صعدوني لغرفتي ودخل سجاد احس صار عندي خفقان بلقلب من التوتر شوي وسمعنه صياح بلشارع راح سجاد يباوع من الشبارك

نبض.. شنو سجاد شصاير

سجاد.. هاي امچ تصرخ

نبض.. اصخام الصخمني

نزعت البدله ولبست دشداشة وطلعت عبايتي وركضت لشارع رحت لبيتنه

دخلت لگيت امي وبنين وزينب يبچن

نبض.. خير شصاير شبيكم

بنين.. نبض دخلنه للبيت لگينه البيت مبيوگ ولبيت مگلوب گلاب ماتشوفين لابقه عدنه لا ذهب ولا بقه فلوس

امي.. حته افلوس ابوچ الي جاي اجمع بيها علمود عمليته هم انباكت

زينب.. حته اني افلوس امي خالتهن عندي هم انباكت

نبض.. يمه بلغتو الشرطه

امي.. علاء وامير راحو

سجاد.. اي احسن عمود يحضرون شرطه الادله الجنائيه ويتعرفون على الشخص من خلال البصمات

اشوي وطبكت سياره علاء وياهم وسياره الشرطه ولادله الجنائيه وبقه يستفسر ويه علاء

الشرطي.. خو محد لزم الغراض من دخلتو

علاء.. لا احنه بس دخلنه ولگينه البيت هيج گبل سديت الباب وكتلهم لحد يدخل

الشرطي.. گلتلي انتو چنتو بلعرس ورجعتو لگيتو البيت مبيوگ زين منو الچان بلبيت وماراح للعرس

علاء.. كلنه چنه بلعرس محد بلبيت وابوي ابيت عمي

دخلو داخل البيت فد نص ساعه وطلعو

علاء.. ها بشر لكيتو البصمات

الشرطي.. لا ماكو اي بصمات بس بصماتكم