Wishing On A Star pt.02

₃₇⍣

⍣Chapter 37⍣
Part II

Your Name's View

"මොනාද බේබ් ඔයා මේ කියවන්නේ? එහෙම නැහැ.. මම ඔයාට ගොඩක් ආදරෙයි. ඔයාව හම්බුණ මුල් වතාවෙමයි මම ඔයාට කැමතිවුණේ. ඔයාගේ සමහර නොසැලකිලිමත් වැඩ තමයි මාව ඔයා ලගට ලං කලේ. ඔයා එක්කම ඉන්න ඕනේ කියලා මට දැනෙන්න සැලැස්සුවේ. ඔයා දන්නවා ද ඔයා කොච්චර අපේ ඩෝම් එකට එන තැන පඩිය ලග පැටලිලා වැටිලා තියෙනවා ද කියලා? ඒ ඕනේ නැහැ හැමවෙලේම වාහනවලින් බිමට බහින්න ගිහින් වැටෙනවා.. මට ඒ දේවල් නිසා ඔයාව කවදාවත් එපා වුණේ නැහැ Y/N, මම ඒ දේවල් නිසා තව තවත් ඔයා එක්ක ආදරයෙන් බැඳුනා මිසක" එයා කතා කරද්දී මම එයා දිහා බලාගෙන හිටියේ පුදුමයෙන්. මම එච්චර විකාර වැඩ කරලාද? ඒත් එයාට මාව එපා වුණේ නැද්ද? ඒ තරම් එයා මට ආදරේ කලා ද?

"ඒත් මට.. මම කියන්නේ.. ඔයා මට ආදරෙයි ද? ඔයා මම දැනගෙන හිටියේ අයිඩල් කෙනෙක් විදිහට.. ඔයා කවදාවත් මාව මේ විදිහට දැනගෙන හිටියේ නැහැනේ. ඔයා මට ආදරෙයි ද? ඔයාට මාව එපා වුණේ නැද්ද? හැමදාම නිදහසක් නැතුව ප්‍රශ්න පිරුණ කෙනෙක් එක්ක ජීවත්වෙන එක?" එයාගේ තොල් අතරින් එහෙම පිටවෙද්දී එයාගේ ඇස් අතර තිබුණේ එයා ගොඩක් දුකින් ඉන්නවා කියලා කියන්න පුලුවන් බැල්මක්. "ආදරෙයි! ගොඩක්!" මගේ තොල් අතරින් පිටවුණේ එච්චරයි. කම්මුල් පුරා විහිදිලා ගිහින් තිබුණ පරණ කදුලු පාරවල් අලුත් කරන ගමන් ආයෙත් කඳුලු පාරක් එකතුවෙද්දී මගේ අත් ඉක්මනින්ම එයාගේ බෙල්ල වටේ එතුනේ ආදරයෙන්. එයාත් ඇස් කඳුලින් පිරුණා. මම දන්නවා ඒ ඇයි කියලා. ඒ මට තිබුණු ආදරය නිසා.

එයාගේ ආදරය තමයි මාව ජීවත් කරවන්නේ වගේ හැඟීමක් මට දැනුනේ. එයාගේ ඒ උණුසුම පුදුමාකාර ආදරයකින් මාව පිරෙව්වා. මගෙන් ඈත්වුණ එයාගේ ඇස් හිමින් මගේ ඇස්වලින් අවසර ඉල්ලුවා. එයා ඒ අවසර ඉල්ලුවේ මොකටද කියලා හොඳටම දැනගෙන හිටිය මම හිමින් ඔලුව වැනුවේ එයාට කැමති දෙයක් කරන්න ඉඩ දීලා. එකපාරටම එයාගේ තොල් මගේ තොල් ඩැහැගත්තේ තවත් මට හිතන්නවත් වෙලාවක් දෙන්නේ නැතුව. මගේ පපුව පිරෙන්න වගේ අමුතු හැඟීමක් දැනෙද්දී එයා මාව වඩාගත්තේ හරිම පහසුවෙන්. මගේ කකුල් එයාගේ ඉණ වටේ එතුනේ හරිම හුරුපුරුදු විදිහට. ඒ අත් මගේ පිට වටේ එහෙ මෙහෙ ගියේ ඒ උණුසුමෙන් මාව වල්මත්කරවන ගමන්. එයා මාවත් උස්සගෙන ගියේ අපේ නිදන කාමරයට. ඒ වෙනකොට අපේ උණුසුම් හාදුව පුදුමාකාර උණුසුම් තත්වයක තිබුණේ. මගේ අතැඟිලි එයාගේ දිග කොන්ඩ ගස් අදින ගමන් උත්සාහ කලේ තව තවත් එයාව විඳින්න.