Wishing On A Star pt.02

₄₇⍣, II

⍣Chapter 47⍣
Part II

Kim SeokJin's View

"පස්සේ බලද්දී සාරා මාව දන්නවා. එයා කිව්වා එයාට මාව හොඳට දැකලා පුරුදුයි කියලා. ඇත්තනේ ඉතිං මගේ හැන්ඩ්සම් ෆේස් එක දැකලා නැතිවෙන්න විදිහක් නැහැනේ එයා. ඉතිං එයා දැන් මට හරීඊ........ කැමතියි හොදේ.. ඔහොම බලන්න එපා ඉතිං මම සිද්ධවුණ දේ නේ විස්තර කරන්නේ.." මම එහෙම කිව්වේ සාරා මට කැමතියි කියලා කිව්වාම Y/N ගේ මූණේ ඇදුන ඉරිසියාව දැකලා. මේ කෙල්ලගේ ඉරියාවේ මහත බලන්නකෝ ඉතිං. ඒ කාලේ මම එයාව බැදලා හිටියේ. බිනාව හම්බවෙන්න හිටියේ කියලා කිව්වත් ඉරිසියාව ඉතිරෙනවා මූණේ.

"මම ඉතුරු ටික කියන්න ද මැඩම්?" මම එහෙම ඇහුවේ එයාගේ මූණේ තිබ්බ ඉරිසියාව පෙනි පෙනීමයි. "ඕ.. කියන්න.. අනික ඇත්තම කියන්න ඕනේ හොදද?" මගේ අතක් හීනියට කොනිත්තන ගමන් එයා එහෙම කිව්වේ මූණ හුරතල් විදිහට හදාගන්න ගමන්. "ආයිශ්.. මම බොරු කියන්නේ නැහැ අනේ... පොඩ්ඩක් එහෙ මෙහෙ වෙයි ඉතිං.. පොඩි පොඩි මනඃකල්පිත නිර්මාණ එකතුවෙයි. ඒවා ගණන් ගන්න එපා" මම ආයෙත් කතාව කියන්න පටන් ගත්තේ හිනාවෙවී.

"ඉතිං.. ඔන්න දැන් සාරා මට පිස්සු වැටිලා හිටියේ කිව්වොත් හරි. යුන්ගි ඉරිසියාවේ පැලෙනවා. මටයි, හෝබීටයි තේරිලා තිබ්බේ එයා සාරාට කැමතියි කියලා. ඒත් අපි එයාගෙන් ඒක ඇහුවාම එයා ඒක පිලිගන්න කැමතිවුණේ නැහැ පොඩ්ඩක්වත්. අන්තිමේ යුන්ගිගෙන් අපි ඒක අහලා කරදර කලාම යුන්ගි කලේ ජපානේ දාලා ආපු එක. කියන්න සතුටුයි යුන්ගි අපි එක්ක කොච්චර තරහා ගත්තාද කියනවා නම් අපි දෙන්නව එහෙ දාලා එයා තනියම තමයි ආපහු කොරියා ආවේ. අඩු තරමේ සාරාට යනවාවත් කිව්වේ නැහැ. අන්තිමේ මමයි, හෝබීයි තමයි සාරාට යනවා කියලා ආවේ. ආ.....හ්හ් තව දෙයක් දැනුයි මතක්වුණේ. එදා සාරාට කියලා අපි ආපහු කොරියා එන්න හදද්දී එයා මගෙන් විහිලුවට වගේ ඇහුවා, නිකමටවත් මම කොරියාවේ ප්‍රසිද්ධ කෙනෙක් ද කියලා. මම ඇහුවා ඇයි එයා එහෙම අහන්නේ කියලා. එයා කිව්වා මම වගේ කෙනෙක්ව එයා ටීවී එකේ දැකලා තියෙනවා කියලා. ඇත්තම කිව්වොත් ඒ වෙලාවේ ඒ මම කියලා එයාට කියන්න උවමනාවක් මට තිබ්බත් යුන්ගි ඒක රහසක් විදිහට තියාගත්ත නිසා මමත් කිව්වේ නැහැ. අනික සාරා කොහොමත් විශ්වාස කලේ නැහැ ඒ මම කියලා. මොකද ඒ තරම් ප්‍රසිද්ධ කෙනෙක් එයාව හම්බෙන්න එයි කියලා එයා හිතන්නේ නැහැ කියලා කිව්වා" මම කතාව ආයේ ආයේ මතක් කර කර කියන්න උත්සාහ කලා.