Wishing On A Star pt.02

₄₂⍣, I

⍣Chapter 42⍣
Part I

Your Name's View

"ඔම්මා...., මම.. මම.. ඔයාට දීපු පොරොන්දුව.. ඒක අනිවාර්‍යෙන්ම ඉෂ්ඨ කරනවා! හොඳද?" මම ඔම්මාගේ කනට කරලා එහෙම කිව්වේ එයාව බදාගෙන ඉන්න ගමන්මයි. "යා.... Y/N-ආහ්, අපි යන්න ඕනේ.. ඔම්මා.. ලොකු හදිසියක්! අපි ඇත්තටම යන්න ඕනේ.." ජින් එහෙම කියනවා ඇහෙද්දී මම ඔම්මාගෙන් ඈත්වුණා. ඔම්මාගේ මූණ ආදරණීය හිනාවකින් හැඩවෙලා තිබ්බේ. "යං යං... වෙලා නැහැ Y/N-ආහ්, ඔයා දන්නවානේ..." ජින් මාව ඉස්සර කරන ගමන් ගෙයින් එලියට යන පැත්තට ගියේ මාව තල්ලුකරවන ගමන් වගේ. "ජිනා..., ඔය ලමයා වැටෙයි. තල්ලු කරන්න එපා ඔහොම..." ඔම්මා අපි දෙන්නට පිටිපස්සෙන් එහෙම කියනවා ඇහෙද්දී ජින් මගේ උරහිස් වලින් අල්ලගෙන හිමින් මාව ඉස්සරහට යං කියලා තල්ලු කලේ. "එහෙනම් ඔම්මා අපි යනවා.. පරිස්සමට ඉන්න හොඳද? හ්‍යොන්ග් තව ටික දවසක් මෙහෙ ඉදියි... අනික ඔම්මාව බලාගන්න අජුම්මාත් ඉන්නවා
නේ.. වෙන මොනාහරි ඕන්නම් කියන්න.. ඕනේ දෙයක් දෙන්නම්.." ජින් එහෙම කියලා ඔම්මාව බදාගත්තේ ගෙයින් එලියට බහින්න කලින් අන්තිම වතාවට. "Y/N-ආහ්.. වාහනේට යන්න.." ජින් එහෙම කියද්දී මම හෙමින් ඔලුව වනලා එලියට බැස්සේ සෙරෙප්පු දාගන්න ගමන්. "ඔයාලා දෙන්නා හැමදාම සතුටින් ඉන්න. අන්න ඒක තමයි මට ඕනේ එකම දේ.." ඔම්මා සිහින් හඬින් ආදරයෙන් එහෙම කියලා ජින්ගේ නළල සිඹිනවා මම දැක්කා. මම හිතන්නේ එයාලා දෙන්නට ඔම්මාගෙයි, පුතාගෙයි වෙලාව ටිකක් ඕනේ. ඒ නිසා මම ගෙයින් එලියට බැහැලා වාහනේ තිබ්බ පැත්තට තනියම ඇවිදගෙන ගියා.

වාහනේ වාඩිවෙලා මම බලාගෙන හිටියේ ජින් එනකම්. ටික වෙලාවක් ගිහින් එයා ආවේ මම චොල්සු ඔප්පා එක්ක විකාර කියව කියව ඉද්දී. ඇත්තටම මට හිතාගන්න බැහැ මම කොහොමද මේ ගෙදර තියෙන පෞරාණික බව ගැන එයා එක්ක කියවන්න ගත්තේ කියලා. අපි දෙන්නා ගෙදර තියෙන ලස්සන ගැන තමයි කතා කලේ ගොඩක් වෙලා ජින් එනකම්ම. "අපි ඉක්මනටම යමු... අපිට පහ වෙද්දී ථේහ්‍යොනාගේ ගෙදර ඉන්න ඕනේ" ජින් කිව්වේ එයාගේ ඔරලෝසුවෙන් වෙලාව බලන ගමන්. ඊටපස්සේ එයා එයාගේ අතක් මගේ ඉණ වටේ දාලා සීට් එකේ හරිබරි ගැහිලා වාඩිවුණේ මාව එයාට තුරුළු කරගන්න ගමන්. අපි හිටිය වාහනේ හිමින් හිමින් තමන්ගේ ගමන ආරම්භ කරද්දී මම එයා දිහා බැලුවේ එයා ගොඩවෙලාවක් නිහඬව හිටිය නිසා. එයාගේ මූණත් හොඳටම රතුවෙලා තිබ්බේ. ඒත් ඒ වෙනිදට එයා ලැජ්ජාවට රතුවෙන විදිහට නෙවේ.. එයා.. එයා අඬලාද? "ජිනී...." මම තවත් එයාට ලංවෙන ගමන් කතා කලා. ලොකු හුස්මක් ගත්ත ජින් මං දිහා බැලුවේ හිනාවෙන්න උත්සාහ කරන ගමන්. "ඔයා.. ඇඬුවද?" ඒ කම්මුල් සුමුදු විදිහට අතගාන ගමන් මම හෙමින් ඇහුවේ එයාව කලබල කරන්නේ නැතුව.

ඒ ඇස් මං දිහා බැලුවේ හරිම අවධානයෙන්. හරියට මගේ ඇස්, තොල්, කම්මුල් ඒ ඇස්වලින් ස්කෑන් කරනවා වගෙයි මට දැනුනේ. ඊට පස්සේ හිමින් මගේ තොල්වලට කෙටි හාදුවක් දුන්න ජින්, හෙමින් ඔලුව වැනුවා. "ව්වේ?" මම ආයෙත් ඇහුවේ මගේත් ඇස්වලට කඳුලු එකතුවුණ නිසා. මම දන්නේ නැහැ හේතුව. ඒත් එයා මෙහෙම දුකින් ඉන්නවා බලද්දී මගේ පපුව පිච්චෙනවා වගේ මට දැනුනේ. "අනියා... කන්‍යන්... (නැහැ... නිකං...)" එයා එහෙම කියලා මගේ එයාගේ කම්මුලේ රැදිලා තිබ්බ මගේ අත අරගෙන උණුසුම් හාදුවක් දුන්නා. "නිකං? ඇයි පහට කලින් ථේ ගේ ගෙදර යන්න ඕනේ කියලා කලබලවෙන්නේ? මොකක්ද ප්‍රශ්නේ? එහේ මොනාහරි වෙලාද? ඒක ද ඔයා මේ අඬන්නේ?" මම ඇහුවේ එයාගේ අත් දෙකෙන් ම අල්ලගෙන එයාව මගේ පැත්තට හරව ගන්න ගමන්. ඒත් එයා කලේ ආපහු ඔලුව දෑතට වනන එක. "අනි.. කන්‍යන්.. ඔම්මාව දැක්කේ ගොඩක් කාලෙකින් නේ.. ඒකයි.. වෙන මොකුත් නැහැ" එයා එහෙම කිව්වේ එයාගේ අත් අල්ලගෙන හිටිය මගේ අත්වලින් ඇදලා මාව එයාට ගොඩක් තුරුළු කරගන්න ගමන්.

"පැටියෝ... ඔයා දන්නවද.. ඔයාව මට කොච්චර වටිනවද කියලා?" එයා මාව උණුසුම් විදිහට බදාගෙන එහෙම ඇහුවේ ඇයි කියලා නම් මම දන්නේ නැහැ.. ඒත් ඒක ගොඩක් ආදරණීයයි. මට ගොඩක් ආදරේ හිතෙනවා එයාට තවත්.. මේ තරම් ආදරේ කරද්දී. "නේ.... මම දන්නවා.. අනික මටත් ඔයාව ගොඩක් වටිනවා.." මම එහෙම කියලා තවත් එයාට තුරුළුවුණා. එයාගේ උරහිස පුරා උණුසුම් හාදු තවරන්නත් අමතක කලේ නැහැ. ඒ නිසා මොන දේ වුණත් ශක්තිමත්ව ඉන්න.. ඔයා කිසිම දෙයක් ගැන වැඩිපුර හිතන්න එපා. ඔයාට මම ඉන්නවා" එයා හිමින් එහෙම මුමුණලා මගේ නළල සිපගත්තේ ගොඩක් ආදරයෙන්. මම හිමින් ඔලුව වනලා එයා කියපු දේ පිලිගත්තා.

🥀🥀🥀
[To be continued]

📝
හෙලෝ චොකෝස්,

අද නම් මගේ නෝට් එක කතාව ගැන නෙවේ. මෙහෙමයි, මට කියන්න ඕනේ කාගෙවත් දෙයක් කොපි කරන්න එපා කියලා. මම මේ දේ ගැන හැමවෙලේම කියන්නේ එහෙම වුණාම රිදෙනවා වැඩි නිසා. ඉතින් ඒ නිසා තමන්ගේ අදහස් වලින්ම විතරක් ගොඩ යන්න. අනුන්ගේ ඒවා හොරකම් කරන්න හිතන්නවත් එපා! 😁 ඒත් මං දැකලා තියෙනවා මගේ දේවලුත් කොපි වෙනවා 😅 ඉවසා වදාලා ඉන්නවා. ඒත් මම කියන්න කැමතියි එහෙම කොපි කරපු අය මේක දකිනවා නම්, "ප්ලීස් හොරකම් කරන්න එපා අනික් මිනිස්සුන්ගෙන්. මොකද ඔයාලා ඔය ලේසියෙන් හොරකම් කරන්නේ එයාලාගේ මහන්සිය, එයාලාගේ අදහස්. හොරකම් කරලා ඔයාලා ඔය ලබාගන්න දේවල් ලබන එකත් පවක්"

ඕකේ.. තෑන්ක්ස් මගේ කතාව අහගෙන හිටියට!

_🐞මිස් මින්ට චොකෝ🦄_